الهندي ممنوع يبيع مواد غذائية

[ملهم]

السلام عليكم ورحمة الله وبركاته

صباح الخير

من فترة من زمن تم منع الوافد الهندي من مزاولة بيع مواد الغذائية في بعض المناطق احنا نرحب بهذا الشي بصراحه افضل ربح يكون لي مواطن العماني بس سؤال ليش بعض المناطق لحد الحين يبيع فيها الوافد الهندي وبعض المناطق ممنوع ؟؟؟

والحين صار الايراني يبيع مواد غذائية ويبيع في محلات الكماليات ليش هذا تخبط الي صايير الحين
نشاهد الايرانين في كل مكان في سلطنة

والغم الي شفته الخاصة في سناو محل هدايا كبير يبيعوا فيه ايرانين والمحاسبين ايرانين
خيرات البلاد صارت على الغريب سواء الهندي او الايراني او المصري او سوري او الاردني او سوداني
والعماني ما محصل شي

ليش العماني ما يخذ هذي المهن افضل خيرات البلاد لي مواطن افضل عن الاجنبي ولا العماني يستحي يبيع في دكان؟؟؟

انا ملاحظ الايرانين يزدادوا يوم بعد يوم ما سكين محلات مواد غذائية منعتو الهنود وجبتوا الايراني

نريد رد حول الموضوع

وشقرا لكم

[اموووره]

صباحووو ..

اممم يمكن هذولا الإيرانين شركاء بهالمحل ..
تصير ترا ..
وبخصوص بعض المحلات اللي يبيع فيهم هندي ..
بعض المحلات صغار ومدخولها بسيط ..
العماني اقل راتب له 325 ريال بس الهندي 70 ريال يكفيه ..
فالبعض ما معهم الإمكانيه لتوظيف عماني بهالنوع من المحلات اللي دخلها بسيط جداً ..

شقرآ

[ملهم]

صباحووو ..

اممم يمكن هذولا الإيرانين شركاء بهالمحل ..
تصير ترا ..
وبخصوص بعض المحلات اللي يبيع فيهم هندي ..
بعض المحلات صغار ومدخولها بسيط ..
العماني اقل راتب له 325 ريال بس الهندي 70 ريال يكفيه ..
فالبعض ما معهم الإمكانيه لتوظيف عماني بهالنوع من المحلات اللي دخله بسيط جداً ..

شقرآ

الهندي معاشه 70 ريال وبيسرقك بعد انتي تفتكري انه راح يكفيه 70 ريال

بس سؤال ليش سمح لي الايرانين بيع في محلات المواد الغذائية تراه الحين منع الهندي واحل محله الايراني صار

[ابا مازن]

شكرا لك على الطرح اخي الكريم ملهم, هناك تجارب ناجحة في دخول العمانيين هذا المجال خصوصا في محافظة الداخلية. ما نرجوه هو ان تبادر غرفة تجارة و صناعة عمان بالتعاون مع وزارة التجارة و الصناعة و كذلك صندوق الرفد و هيئة المؤسسات الصغيرة و المتوسطة في اخذ هذا الموضوع ماخذ الجد ففيه خير وفير و سيساعد في ايجاد فرص عمل للشباب البحثين.

[اموووره]

الهندي معاشه 70 ريال وبيسرقك بعد انتي تفتكري انه راح يكفيه 70 ريال

بس سؤال ليش سمح لي الايرانين بيع في محلات المواد الغذائية تراه الحين منع الهندي واحل محله الايراني صار


وانت واثق من العماني اللي بيبع من المحل ..؟
ترا فكل الجنسيات فيهم الزين والشين ..


بالنسبه لسؤالك ترا انا قصدت الإيراني والهندي على حد سواء ..

[اموووره]

شكرا لك على الطرح اخي الكريم ملهم, هناك تجارب ناجحة في دخول العمانيين هذا المجال خصوصا في محافظة الداخلية. ما نرجوه هو ان تبادر غرفة تجارة و صناعة عمان بالتعاون مع وزارة التجارة و الصناعة و كذلك صندوق الرفد و هيئة المؤسسات الصغيرة و المتوسطة في اخذ هذا الموضوع ماخذ الجد ففيه خير وفير و سيساعد في ايجاد فرص عمل للشباب البحثين.


يب اخوي ابو مازن إذا المحل كبير ومدخوله كبير انا اشجع بتعيين العمانيين ..
بس اذا المحل صغيرون ميخلص يعينوا فيه عماني بهالراتب ..

[ملهم]

يب اخوي ابو مازن إذا المحل كبير ومدخوله كبير انا اشجع بتعيين العمانيين ..
بس اذا المحل صغيرون ميخلص يعينوا فيه عماني بهالراتب ..
وليش العماني يشتغل في محل على راتب 325 ريال
ليش ما بنفسه يسوي محل ويكون خيرات المحل من نصيبه
وراتب 325 ريال ما ياكل عيش في هذا الزمن بصراحه

[اموووره]

وليش العماني يشتغل في محل على راتب 325 ريال
ليش ما بنفسه يسوي محل ويكون خيرات المحل من نصيبه
وراتب 325 ريال ما ياكل عيش في هذا الزمن بصراحه


والمحل ما يباله فلوس ..؟
مو الكل قادر على هالشي ..
ترا قلتها انه 325 ما يكفوا العماني بس الهندي والإيراني والجاليات الأخرى تكتفي بأقل من كيه بكثير ..

[أفتخر عمانيه]

وليش العماني يشتغل في محل على راتب 325 ريال
ليش ما بنفسه يسوي محل ويكون خيرات المحل من نصيبه
وراتب 325 ريال ما ياكل عيش في هذا الزمن بصراحه

ملهم تراه راتب 325ريال اللي ما يوكل عيش هو راتب في الشركات ما في المحل الصغير


تحياتي لك

[الفيلسوف 16]

اعرف ان هذا الموضوع اقصد تعمين بيع المواد الغذائيه فشل في بعض الولايات التي تم فيها تعمين هذا الجانب .. في البداية وعند صدور القرار تحمس المواطنين وصار الكل تجار بس للاسف ما قدروا يصبروا ارادوا الربح السريع وفوق هذا العماني مستحيل يخرج من المحل مثل الوافد ليعطي الزبون طلبه او ليوصل اغراض الزبون .. تجدهم عاملين انفسهم مدراء ولا يتحركوا حتى لو الزبون بغى حاجه ويسأل عنها صاحب المحل ما بيتحرك من كرسيه ليساعد الزبون .. فوق هذا قام اصحاب المحلات يحطوا شباب يبيعوا بدالهم وصارت السرقات ببيسه .
ولهذا تجد تجارة الوافد ناجحه اكثر من العماني الا من رحم ربي لان الوافد صبور ويعرف كيف يجلب الزبون .
الايرانيين تحصلهم في المحلات الكبيره تحت مسميات ( هدايا ) وهم ناجحين في هذا الجانب جدا وهذا تحت بند الاستثمار الاجنبي .

[احساس روح]

الحمدلله ع حسب ما اشوف في منطقتي فالتعمين ناجح جدا
وصندق رفد وسند سابقا ما مقصر
حتى النساء فتحن محلات
من بداية المواد الغذائيه
لحد
الملبوسات والالكترونيات
والذهب

ماسكينهن عمانيين
ونرتاح كثير نتعامل مع عمانيين صراحه
تعامل راقي وباريحيه ونحس بالامان
لان احنا ابناء بلده ما بيغشنا
الامر يحتاج له همه
وصبر
ونشاط من الشاب العماني
من بداية طلبه لقرض
اكيد بتقولوا ازمه
اقصد قبل الازمه
وبعد الازمه ان شاء الله
لحد وقوفه في ذلك المحل الي هو فاتحنه
لان يحتاج وقفه ساعات طويله وعمل جاد وكد يبغى
والله الموفق ......

[نجمة صحااار]

الحين في مدراء ومهندسين هنود ولهم رتب ف أكبر الشركات
جات ع الفقير بائع المواد الغذائيه