سيـْرتـْـے مـِْღـْن سيـِره يــدودي ماا نتابــع قـْـِوم بطرااانـْـْـِہّ ...#

[زهور المحبةة]

سلامن عليكم ي ويوووهه الخير

اليوم قررت اكمل مسيرتي المدونيه

طبعا كان معي مدونتين
وحده ف الارشيف ووحده بحسابي شموخ بدويه اللي هي ....>> ما اخبر هع



واحين قررت افتح مدونه للمره الثالثه


لحد يزجرني ( يناديني ب اسمي الجديم)

اني الحين اسمي الاسطورهه




المهم ما بطووول
وهااا اليوم بفتح مدونه يديده وبس

[زهور المحبةة]

مدونتي الجديمه وصل المشاهدات 16787 مشاهده

بصراحة شي حلووو
ومكونه من 27 صفحه

كنت احب اكتب ف مدونتي يومياتي مواقفي اكشناتي ضرابه فرحتي حزني همووومي ضيجتي كل حاجه

طبعا هجرت مدونتي من 3 شهور تقريباا
واحين رجعت بمدونه وحساب يديد


سبب طلوعي من هاك الحساب لاسباب خاصه احتفظهي لنفسي

[زهور المحبةة]

صبااح الخير مدندنتي


اااخ ي مدونتي اول امس سويت مشكله
وامس بعد سويت مشكله

الله يستر من اليوم عن اسوي مشكله ثالثه

بحاول اغمض عيني عن اي شي اشوفه وبحاول ايب تيب واصكر فيه حلقي

لان مشكلتي من اعصب حلقي اوردي ما يجصر ويب العيد هههه



اول امس نازعت الشغاله وودي ارنهي بطراج من العصبيه ابا ارنهي بس امي مسكتني
وخليتهي تصيييح وتجول بروح المكتب ههه

اول مره اشوف شغاله تراددني ف الكلام..هاللي جاصر بعد

احين مرتاحه من الشغاله لا هي تكلمني ولا اني اكلمهي ... ابركهي من ساعه ههه
ارتحت منهي تصدعني تجول اف ام بر متسكت

[زهور المحبةة]

ابا اغير ف شخصيتي وايد اشياااء


اللي منهن العصبيه الزايده اللي تيب العيد
والبطره والتكبر
والعنصريه
والضرابه





اني اشك اني بنت ههه

[زهور المحبةة]

ي حيييييج مدونتي

ياااخي ملل اقوى شي
كرهت برنامج الانستااا والسبله

محد مونسني غير برنامج زد رصيدك واليوتيوب هههه

[زهور المحبةة]

اشتجت لج ي مدونتي

ودي اسولف هني بس مالي بارض لشي
كان حد يكرهه نفسه اني كارهه نفسي

[زهور المحبةة]

يالله ي البارحه ي مدونتي


البارحه كانت نفسيتي تبن متحطمه شوي وانفجر

اخوي وداني ف السياره دواره
وكان ضباب وايد

كأن ف خريف صلاله ههههه

الاحلى اني ماشين ف سياره بيكب خانه وحده اني عند الدريشه واختي ف النص


والشارع مينشاف والسيايير واجفه

واني مبطله الدريشه ومطلعه يدي وراسي اشوف تحت ع الشارع اجول حال اخوي حرك حرك ولف ههههه عشان نمشي ولا بندعم شي
بر مينشاف شي


نعوووض خريف صلاله مال هالسنه مماشين هههه

[زهور المحبةة]

ي هالفتره ما ادري ايش في
في قلق وتوتر وخوف لدرجه ملي نفس للاكل

بس مب خوفانه من شي
يعني ما وراي عرس ولا مقابله عمل ولا اختبار ولا حاجة عسب اخاف وافكر



ما ادري ايش في
اني ضروري حد يقرا علي او اني اتعالج مع طبيب نفسي ... ايش هالحاله

صابني نفس هالشي بعد العيد ونقص وزني
واحين رجع مره ...>>> يالله انكك تشفيني



استغفر الله
استغفر الله
استغفر الله
الله يلعنك ي بليس

[زهور المحبةة]

ابتسم للناس واضحك للحياه
ولو تضيق اليوم قل باكر تزين

اعرف ان الله وحده .. لاسواه
قادر انه يبهج الصدر الحزين







يالله ي رب ان تزرع في قلبي السعاده وتبعد عني الضيج والقلق والتوتر

صرت اتصنع السعادةة للأسف ولما اتوتر اكثررر احاول ارجد ... يالله يالله ايش صار في الله يلعنك ي بليس

[زهور المحبةة]

ٱشتهــي الجلـــوس ٱمــام الکعبــة
و ٱبکـــي حتــى ٱزيـــل جميــع مـا بداخلـــي

ربـــي بلغنــي عمـــره قريبـــه و کــل مــن قــال °°ٱميـــــن °°

[زهور المحبةة]

انا لله وانا اليه راجعون


الله يرحمكك ويجعل مثواكك الجنه يارب

جدي ف ذمه الله

[زهور المحبةة]

اللهم ثبته عند السؤال
اللهم ثبته عند السؤال
اللهم ثبته عند السؤال

اللہم يمن كتابه
و هون حسابه
ولين ترابه و ثبت أقدامه
اللهم طيب ثراه
و اكرم مثواه
واجعل الجنـۃ مستقره و مأواه . .
اللہم نور مرقده
وعطر مشهده
وطيب مضجعه
اللهم آنس وحشته
اللهم آنس وحشته
اللهم آنس وحشته
وارحم غربته و قه عذاب القبر و عذاب النار . . اللہم انقه من خطاياه
كما ينقى الثوب الأبيض من الدنس . . اللہم افسح له في قبره ومد بصره و اجعله روضة من رياض الجنة
و لا تجعله حفرة من حفر النيران. . اللہم انقله من ضيق اللحود و القبور إلى سعة الدور و القصور مع الذين أنعمت عليهم يارب..

[زهور المحبةة]

اللّهُمّ إغْفرْ للمؤمنِينَ والمؤمِنات وَالمُسلمينَ والمُسلماتْ الأحيَاء منهُمْ والأمواتْ...
اللّهُمّ إغْفرْ للمؤمنِينَ والمؤمِنات وَالمُسلمينَ والمُسلماتْ الأحيَاء منهُمْ والأمواتْ...
اللّهُمّ إغْفرْ للمؤمنِينَ والمؤمِنات وَالمُسلمينَ والمُسلماتْ الأحيَاء منهُمْ والأمواتْ...

[زهور المحبةة]

صباح الخير جميييع

ورجعت اليوزر ^_^
فليفرح الجميييع

[زهور المحبةة]

اشوف الطيبين مال الترويح رجعووو هع


المهم ي مدونتي خلاص تبطرت عليك ما صرت اكتب يومياتي
الصراحه بيني وبينك لاعت كبدي من التدوين خلاص ههه


من سنه ٢٠١٢ واني ادون مليت ههه

[زهور المحبةة]

_




‏من يُدبّر أمر ملايين المجرات والكواكب في مداها الكبير، قادر على أن يدبر ما في قلبك الصغير!
‏فقط توكّل على الله



‏مساء _ الخير ...#

[زهور المحبةة]

غيرت اليوزر ورجعت لسابق عهدي

[زهور المحبةة]

احلى شي لما محد يغثك ف المنتدى لا اسي حد ولا حد يأسيني

راحه نفسيه ههه

[زهور المحبةة]

≠ ❥ ➷ .


كل شخص في هذه الدنيا
فقد شيئًا يحبه في حياته ،
حتى لو ضحك ورأيته سعيداً ،
يبقئ شيئًا بداخله
كل ما تذكره تألم وضعف كثيرا ...
** حقيقة
•┈••✦╭>_<╮✦••┈

[زهور المحبةة]

سبحان الله وبحمده سبحان الله العظيم

[زهور المحبةة]

اشتجت لرمضان وايد

واخير بعرف اعيش اجواء رمضان مع الاهل
لا دراسه ولا مغثه

بعرف اسهر بعرف اكل ههه
بعرف انام بعرف اشوف التلفزيون بعرف ازور بعرف اختم القراءن
بعرف اشعر ب روحانيه واجواء رمضان


قبل كان كليه وصيفي ومغث ولوعه كبد
4 سنوات ما استمتعت ب اجواء رمضان


وها الحين بعرف اعيش هالاجواء صح


الله يبلغنا رمضان لا فاقدين ولا مفقودين يارب

[زهور المحبةة]

اكرهه ف الناس حاجه

ايش اجول وايش اخلي نعم في قهر


مجدر اجول غير هالشي



أيا حاسدا لي على نعمتي
أتدري على من أسأت الأدب
أسأت على الله في حكمه
لأنك لم ترض لي على ما وهب


ع الله

[زهور المحبةة]

وتغيرت الدني اب هي الاوليه

لدرجه ي مدونتي حتى ما صرت اسدح مواقفي هني ...>> شفتي كيف
تغيرت الدني هههه

[زهور المحبةة]

اليوم واني اتصفح ف اليوتيوب

شد انتباهي فيديو لدرجه تذكرت حاجه جديمه


متابعه لبرنامج حياتك ع قناه بدايه
المهم الفيديو يتكلم عن واحد كل ربعه يتمصخرون فيه

حاسينه كأنه دلوع وضعيف شخصيه



الشي الجديم اللي تذكرته
ذكرت زميله معي ف الصف ايام الاعداديه

هالبنت احس معهي مشاكل وايد ف حياتهي وتكتب خواطر تواسي فيها نفسها

اذكر كانت تجول ان ابوها طلق امها وفالمدرسه دوم تمشي مع الاخصائيه تقضفض لها


انا كنت اتمصخر ب هالبنت واحسها ما عندها سالفه وكنت اخليها تشري لي دوم من المقصف
ولدرجه مره خليتها تصيح بدفاشتي ...>> لاني انا حيوانه وكان في نوع من البطره

وراحت تخبر علي الاستاذه وتصيح وخبرت بنت عمها


جد اليوم حسيت بتأنيب الضمير

صدج ان انا حيوانه وبلا ضمير


لما شفت هالفيديو تذكرت هالبنت

يالله انك تسامحني ع كل حاجه خليت فيها شخص تنزل دموعه والسبه انا





هالبنت لما كنا صف 10 كانت ترسب مرتين
مع انها قبل من اشطر البنات تجيب من المراكز الاوائل
صف 10 كانت وايد تكتب خواطر وروايات وتجلس بروحها وما تهتم لدراسه


وعجب انا انتقلت مدرسه يديده ومن صف 10 ما شفت هالبنت

يعني مرن فوق 7 سنين مشفت هالبنت يالله

[زهور المحبةة]

https://youtu.be/u6cjkNg1Uoc



اهداء لكل ام...♡

[زهور المحبةة]

اصعب شي

لما تتذكر وتمر من مكان الحادث اللي توفو فيه اشخاص عزيزين ع قلبك
ويمر عليك شريط الذكريات...<<صعبه بحد الوجع

عسى ربي يرحمكم يارب

والاصعب لما يزورونك ف الحلم وتشوفهم وتسولف معهم وتضحك
وتفرح وتستانس ولما تقوم تعرف ان هالشي كان حلم وتتضايج

[زهور المحبةة]

ماكل شخص يملي الطيب عينه
بعض البشر لو زاد طيبك تمرد !



تصبحون ع ما تتمنون ^_^

[زهور المحبةة]

هَبْ البَرَّادْ وزانت النفسيه
والجو روعه والمشاعر حَيَّه

والغيم غطى الديره السحريه
وجَادَتْ لك الأبيات يا مَغَنيها

[زهور المحبةة]

اللهم اجعل صباح هذه الجمعة

راحة للقلوب.. تفريج للهموم
شفاءً لكل مريض.. رحمة لكل ميت

ترنموا بأذكاركم فهي سياج القلب والروح .
وأنيروا جمعتكم بسورة الكهف [أسعد الله جمعتكم]

[زهور المحبةة]

ماني مثل غيري ولا الغير مثلي
لي خط سير مختلف في زماني

صعب على غيري يسد بمحلي
ومحدن كفو ياخذ بوقتي مكاني

[زهور المحبةة]

أريدك على انفراد

عبارة تتوقف عندها الأنفاس ..
ويدور في بالك مئات التساؤلات ..


فما بالك بقول خالقك ..!
( وكلهم آتيه يوم القيامة فردًا )

[زهور المحبةة]

ياما وقفٺ بوجہ וلايام ما طحٺ
و ياما وثقٺ بناس وוلناس طاحوו

مشيٺ بالدنيا ﯙٺعلمٺ وוرٺحٺ
וهل וلمصالح لاخذو شيء رוحوו

[زهور المحبةة]

http://www.3rbz.com/uploads/7e57a46888115.png (http://www.3rbz.com/)مركز تحميل الصور (http://www.3rbz.com/)


هالبارحه مريت دار المسنين
وحزنت من شوف القهر .. والمصايب

شيبان في الستين .. ولا في السبعين
مرت عليهم في الحياه العجايب*

قلت السموحه لكن .. عيالكم وين
قالوا عليها لكن النسل خايب

عيالنا تمشي بشور النسآوين
والله يجازي من يكون السبايب

سكت ودنق وأسبلت دمعة العين
وهبت عليه من الليالي هبايب

قام يتذكر يوم كانوا بزارين
ياخذ لهم في كل روحه لعايب

ويشيلهم من الأرض لاجوا حافين
ويبكون لقد هو عن البيت غايب

واليوم يبكيهم وهو شايف الشين
لا عيال لا زوجه ولا به قرايب

يامقصر ( ن ) في حقهم انت مسكين
لا تعق فيهم واطلب البر تايب

من عقب ما ربوا تبريت ذالحين
لابارك الله في ردي الصلايب

والله يارجل (ن ) فيه نخوه وبه دين
انه ما يرمي بذا الدار شايب

[زهور المحبةة]

http://www.3rbz.com/uploads/3d2ef773356c8.jpg (http://www.3rbz.com/)مركز تحميل الصور (http://www.3rbz.com/)





قبّلت راسه وكان جسم بلا روح
وداعة الله ياأبيض القلب لا باس

خلني مع الذكرى أسابقها بالنوح
ودموع عيني تطعن الخد كالفاس..

تكفين ياذكرى زرعتي بي جروح
خليني أسلى مابقى فيني أنفاس

يانوحي في ليلي وياصبحي بتنوح
وين ألتفت بلقى مثل روحك أجناس..

ياصرم حال اللي بكى مثل هالروح
وياوجد عين اللي بكى وسط هالناس

رحلت من دنياي والكل بيروح
غديت مع ذاك الخبر كلي محتاس..

استغفر الله يا أبيض القلب مسموح
لقانا فالجنة بإذن رب هالناس

يارب تجمعنا بجنات وصروح
وتجبر الخاطر وتجبر هالإحساس..

[زهور المحبةة]

قبل كم يوم مشيت ل مكان من زمن طويل ما رحت له
ل مكان الطفوله





مر ف بالي شريط الذكريات
ذكريات حلوه وأليمه نوعا ما

تذكرت ولاد خوالي وبناتهم لما نلعب
وتذكرت ولد خالي المتوفي لما كنا نلعب


اذكر كل زاويه ف المكان
مع ان مر علي ١١ سنه ما طبيت هالمكان
من لما كنت صف ٦ انتقلنا لبيتنا اليديد
وابد ما زرت هالمكان من لما انتقلنا وقبل كم يوم زرته ^_^

[زهور المحبةة]

بعض الناس ودك تسلم عليه مرتين

واذ قالك ليش !
قله لك ولوجهك الثاني

[زهور المحبةة]

مدونتي مفي نوم ... شبعانه نوم

راجده العصر 5 ساعات ههه



ودي اسولف واخمس هني بس مفي بارض ههه

[زهور المحبةة]

صباااح الخير مدونتي
اسعد الله صباحكم جميييع...#


وهالزكام لاعب بي لعب >_<

[زهور المحبةة]

الحاله كسيفه والوضع مزري

احتاج القليل من مسكنات الآلم
من هين بلجاها من الزكام ولا من الكحه
ولا من سن العقل اللي مطير عيشتي

يالله ترحمني

ع قوه ألم سن العقل يخوفي تظهر لهي حمى...<< وتكتمل السلسله

يالله بالرحمه

[زهور المحبةة]

سبحان الله وبحمده
سبحان الله العظيم

[زهور المحبةة]

youtu.be/we_PfJgCyfA




ابوووي عزوتي

يستاااهل ولد الشيوخ ^_^

يعلني افداه ويعل يومي قبل يوم امي وابوووي
ويعل ما اشوف فيهم مكروه يارب

يعل الوجع في ولا فيهم يارب

[زهور المحبةة]

اسأل الله العظيم رب العرش العظيم أن يشفيني

اسأل الله العظيم رب العرش العظيم أن يشفيني

اسأل الله العظيم رب العرش العظيم أن يشفيني

اسأل الله العظيم رب العرش العظيم أن يشفيني

اسأل الله العظيم رب العرش العظيم أن يشفيني

اسأل الله العظيم رب العرش العظيم أن يشفيني

اسأل الله العظيم رب العرش العظيم أن يشفيني



طهور وما علي باسس ان شاء الله
يالله انك تشفيني يالله

اطلع من مرض يجي مرض اقوى عن اللي قبل

اللهم اني لا اسألك رد القضاء ولكن اسألك اللطف فيه

[زهور المحبةة]

ويات ساعه 2 واني بعدني سهرانه
اهم شي نمت من ساعه 10 لين ساعه 12
الدواء مفعوله مب قوي اهم شي المنوووم... اذيه العشق ههه

يسكن كل وجع
اعرفني ما برجد غير ساعه 4


الاحلى ان الترويح محد فيها غير اني ههه

[زهور المحبةة]

ما اكرهه غير اللي يقومني ف عز نومي

عيل بذمتك ي مدونتي حد يقوم ساعه ٧ صباح


شغالتني عليها لسان ايش طوله حشششي

تجول مكينه الطوي


مكينه الطوي اللي ف النخيل اللي ينسمع صوتهي لين اخر الحاره



اسميني قمت لهي وهديتهي هد ... اشوفهي مره ثانيه اسمع صوتهي واني راجده بتغيب


يسد ذاكن الشغالات مأدبتنهن لما يشوفني راجده ما يتكلمن واذ يبن شي من الغرفه يدخلن بصوت خفيف

الا هاي يبالي اصلبهي واكسر خشمهي بعد



اني في طبع اذ حد قومني من عز نومي انجلب ينيه ههه... هاي مشكلتي يسد بروحي عصبيه بعد

كله متولف ههه

[زهور المحبةة]

صباح الخير مدونتي


اعرف طولت الغيبه وجيه ...غصب عني هع
المهم ايش ابا اجول اممم

مابا اجول شي بس يايه انفض الغبار وراجعه اختفي هع

[زهور المحبةة]

مدونتي صارت ممله بقوه


المهم معي بعض النصايح لشهر الخير






صلاة الضحى كل يوم أربع ركعات



قرأت جزئين كاملين من القرآن الكريم


النهوض الساعة 2:40دقيقة ليلا
اولا تقرا القرآن بعدها الصلاة بعدها الدعاء والاستغفار وبعدها السحور



الصلوات كلها في وقتها


نافلة ركعتين بعد سنة المغرب، وركعتين بعد سنة العشاء، وركعتين بعد سنة الظهر،


داومووو ع أذكار الصباح والمساء


الدعاء قبل الإفطار



رطب لسانك بالذكر والاستغفار كثيرا



كل يوم صدقة ولو مئة بيسة أو صحن فطور أو حتى ابتسامة


صلة الرحم


اجتهد أن تفطر صائم لتنال العتق من النار