بندخل سنة جديدة وما شفنا اسمنا في جريدة

[ملهم]

بسم الله الرحمن الرحيم
سباح الخير

مقدمين طلب ارض من سنة 2008 ولحد يومنا هذا ما طلع اسم في جريدة معقولة 2008/2009/2010/2011/2012/2013/2014/2015/2016

والحين بندخل سنة جديدة 2017
معقولة كمين سنة واحنا ننتظر فقط تطلع لنا الارض وهذا حقنا ما نريد غير حقنا بس احنا
واحنا في عمان عدد سكان عمان مب واجد عشان نقول يعني ناس واجده نريد نعرف وين راح الارضي المواطنين وليش هذا التاخير

المفروض الحين احنا في عمان بصراحه ندخل موسوعة غينيس لي الارقام قياسية على هذا صبر 10 سنوات ننتظر عشان ارض

هذا بعد ما صار في كل دول العالم تقدم طلب ارض وتنتظر 10 سنوات
بلاد العجائب هذي .

تتاخروا سنة مب مشكلة اما تخلوا ناس تنتظر فوق 8 سنوات عشان يحصلوا ارض هذا ما يجوز عند الله كذا

ويا ليت الارض بتكون في مكان زين بعد خاصة اراضي مسقط .

المفروض الحين ناسس الي انتظرت هذي المده يعطيوا ارض + شيك نقدي

وشقرا

[اموووره]

صباحووو ..

هههه ملهم انتظر بدل الشيك كاش ..
اخوي ترا مب واحد ولا اثنين ولا ألف اللي قدموا معك ..
الموضوع مب هين لازم مسح للأراضي ودراسات ..
عادي انتظر 10 سنوات ثانيات واذخرها لأولادك ^^

شقرآ

[بدر الصالح]

عندك واسطه بتحصل ما عندك واسطه انتظر عشرين سنه لحد ما ترجع الميزانيه

[نـــــــقــــــــاء]

مثل ما قالت أمورة الي مقدمين عددهم كبير ويحتاج وقت .

[نـــــــقــــــــاء]

لكن فعلا البعض ما طولوا وطلعت لهم أراضي وبعضهم لا .

[ملهم]

مثل ما قالت أمورة الي مقدمين عددهم كبير ويحتاج وقت .الله يهديكي ترانا احنا كمين مليون بس

وكذا الوضع لو احنا عددنا 50 مليون شو راح نسوي

[ملهم]

صباحووو ..

هههه ملهم انتظر بدل الشيك كاش ..
اخوي ترا مب واحد ولا اثنين ولا ألف اللي قدموا معك ..
الموضوع مب هين لازم مسح للأراضي ودراسات ..
عادي انتظر 10 سنوات ثانيات واذخرها لأولادك ^^

شقرآ
اي درسات واي خرابيط تراه ما سنة ولا سنتين احنا على ابواب سنة 2017

8 سنوات مواطن ينتظر ارض تطلعه

[Histeria]

وانا ايضا ملهم مقدم على أرض سنة ٢٠٠٨ و لحد الان لم يحدث شيء ..

[نـــــــقــــــــاء]

الله يهديكي ترانا احنا كمين مليون بس

وكذا الوضع لو احنا عددنا 50 مليون شو راح نسوي

ٱمييين
يهدي الجميع يارب
بيطلعن قريب إن شاء الله المنتظرين من 10 سنوات .

[صدى صوت]

ان شاء الله قريبا وربي يرزقكم يا ملهم .. تستاهلوا كل خير

[Histeria]

فقدت الامل اصلا في انهم بيعطونا أراضي في مسقط ..

[ملهم]

وانا ايضا ملهم مقدم على أرض سنة ٢٠٠٨ و لحد الان لم يحدث شيء .. المفروض انت تدخل موسوعة غينيس 9 سنوات تنتظر تطلعلك ارض

[Histeria]

المفروض انت تدخل موسوعة غينيس 9 سنوات تنتظر تطلعلك ارض


اغلبهم بيدخلوا موسوعة الانتظار الطويل .

[نـــــــقــــــــاء]

وانا ايضا ملهم مقدم على أرض سنة ٢٠٠٨ و لحد الان لم يحدث شيء ..

غريبة فعلا طولتوا
إن شاء الله قريب

[ملهم]

اغلبهم بيدخلوا موسوعة الانتظار الطويل .8 سنوات انتظار مب شويه بصراحه
هل الاراضي في مسقط انتهت ولا يوجد اراضي
في سنة 2008 ناس ساحبين على اراضي في جحلوت وين جحلوت وين مسقط

يعني الي الحين جالس ينتظر في مسقط لا تفتكر انه راح تحصل في معبيلة او العامرات

[بركان]

يالله ياملهم هانت أصبر بعدك شوي ، صابر من سنة 2008 ، بتقصر على كمين سنة بعدهن

بس روح راجعهم يمكن اسمك سقط سهواً ..

[بدر الصالح]

ملهم جيب صوره واسمك بالكامل وبعد يومين تشوفه بالجريده فالك طيب طال عمرك

[ملهم]

يالله ياملهم هانت أصبر بعدك شوي ، صابر من سنة 2008 ، بتقصر على كمين سنة بعدهن

بس روح راجعهم يمكن اسمك سقط سهواً .. تراه كذاك اصبر بعد كمين سنة سبحان الله امكن يجهزولنا اراضي في مكان جميل
امكن احنا جالسين الحين نظلمهم لانهم تاخروا علينا مدة 8 سنوات من الانتظار بس امكن ينزلن اراضي في امكاكن جميلة مثل مرتفعات المطار او مرتفعات بوشر او المنى او مرتفعات القرم

[ملهم]

ملهم جيب صوره واسمك بالكامل وبعد يومين تشوفه بالجريده فالك طيب طال عمرك اجيب اسمي وصوره بس عاد منتظر 8 سنوات واخرتها تطلعلي ارض في جحلوت !!!!!!!!!!!!!!!!!!!!

[بدر الصالح]

ياريال جحلوت ولا دغمر ما تفرق المهم ارض حتى لو كانت على قمة جبل

[أفتخر عمانيه]

8 سنوات انتظار مب شويه بصراحه
هل الاراضي في مسقط انتهت ولا يوجد اراضي
في سنة 2008 ناس ساحبين على اراضي في جحلوت وين جحلوت وين مسقط

يعني الي الحين جالس ينتظر في مسقط لا تفتكر انه راح تحصل في معبيلة او العامرات

بالعكس ملهم ناس في العام الماضي طلع لهم في أماكن حلوه

في الفليج وفي الرسيل ( الجفنين )


ننتظر ادورانا ومتفائلين خير إن شاء الله تعالى :)

[أفتخر عمانيه]

تراه كذاك اصبر بعد كمين سنة سبحان الله امكن يجهزولنا اراضي في مكان جميل
امكن احنا جالسين الحين نظلمهم لانهم تاخروا علينا مدة 8 سنوات من الانتظار بس امكن ينزلن اراضي في امكاكن جميلة مثل مرتفعات المطار او مرتفعات بوشر او المنى او مرتفعات القرم

أيوى كذا أبغاك تتفائل

تفألو خير تجدوه


تحياتي لك

[ملهم]

بالعكس ملهم ناس في العام الماضي طلع لهم في أماكن حلوه

في الفليج وفي الرسيل ( الجفنين )


ننتظر ادورانا ومتفائلين خير إن شاء الله تعالى :) الفليج تابعة مسقط

او تابعة الباطنة ؟؟؟؟

[shaker]

هذه المشكلة العائمة ليس لها حل سوى الوقوف امام وزارة الإسكان ومخاطبة وزير الإسكان على الملأ وأخذ منه وعدبإعطاء جميع الذين تقدموا بطلب اراضي منذ 3سنوات فما فوق وإلا فستظل الأمور راكدة لأمد بعيد.
تقديري