|| الكتاب السحري( من ج1 الى ج5 والاخير||.........

[ورد القرنفل 1]

ياهلا فيكم مرة اخرى نلتقي وياكم في رواية جديدة اتمنى ان تنال رضاكم واعجابكم
وعسى تكون ذو فائدة وتستمتعووا بكل تفاصيلها وتبحروا في احداثها...
وفي بداية الامر اعتذر عن اللغه فالعامية قريبة مني بس احاول اغير :cool:



روايتي من واقع الحياة ولكن مع اضافة بعض الاكشن والاحداث من خيالي وفكري الواسع :o
نتحدث عن 4 شباب التقوا في العاصمة لتكون بينهم اجمل صداقة واخوة ...من اماكن مختلفه ولكن القلوب واحدة


​

الجزء الاول..

عادل ومحمد :موظفان في دائرة حكومية مع اختلاف نوعية العمل
خالد:معلم فيرياء في مدرسة ثانوية
حسن:في السلك العسكري

اختاروا شقة لتكون محل اقامتهم والشقه عبارة عن غرفتين وصاله صغيرة ومطبخ ودورتين مياة
والغرف ما كبيرة كثير قرروا ان غرفه وحده تكون للنوم والثانية للاغراض واحيانا خالد يستخدمها للتحضير بعيدا عن الربشة والفوضة مال اصدقائة والصاله مكان للاكل ومشاهده التلفاز وكذا يعني ...وما بوصف لكم كيف ترتيب الشقه ونظافتها ههههه عندكم فكرة كيف تكون غرف العزابية ومن المعروف نادرا تشوف شاب مرتب المكان الي فيه وكذا هالامور ..هههههه لا احد يزعل:rolleyes:
حسن كان اشطر واحد وابرعهم في الطبخ وكان دائما يضحكوا عليه يحضرلهم الوجبات وهم جالسين وينتظروا ...بس احيانا يحب يعاند ويقولهم تعبان وما اقدر اسوي لكم شيء فيضطروا يطلبوا اكل من المطعم او يتبرع خالد ويسوي لهم بيض وشاي وهذا الي يعرف يسوية ...
دائما اول شخصين يوصلوا البيت هم عادل ومحمد ومن يوصلوا اما يجيبوا معهم غداء من المطعم او يجلسوا يشوفوا التلفاز ويتصلوا ب حسن يجيب الغداء معه وهم يتحججوا انه بيبرد،، في يوم من الايام عادل قال ل حسن لا تجيب غداء انا بطلع من وقت عندي مشوار واجيبه معي ...لما وصلوا البيت هذا عادل شاطر في المقالب ..جاب فلفل اخضر وهو يحرق وقطعه قطع صغيرة جدا بحيث انه ابد ماحد يلاحظة وقال ل محمد يالله احنا نوكل هذا الجزء وبنترك هذا الجزء وبنسوي فيه الفلفل قاله تم هم اكلوا وشبعوا واخفوا كل الاثار الي تدل على انهم اكلوا شيء...وعادل شوية يرسل ل حسن وشوية ل خالد وينكم متنا جوع تأخرتوا ومسكين خالد يقولهم الحين دقايق بوصل كان عندنا امتحان للطلبه
وصل حسن وبعده بلحظات وصل خالد يقولهم وانا بعد مايت جوع من الصباح وانا من لجنة الى لجنة اشوف الطلاب وما لحقت اكل ابد شيء ...
قام عادل بهمة ونشاط وقرب الغداء ومحمد ساكت وفي وجهه ابتسامة عريضة ..
حسن يقولهم ما كأنه العيش اليوم شوية ..رد عليه عادل ما حصلنا من مطعمنا غير هذا وما خلصني اروح مكان ثاني
شوية وخالد يصرخ لما اكل اول لقمة وحسن وقفت اللقمة في حلقه والدموع تنزل وعادل ومحمد ياكلوا صلطة وبعدين محمد ما تمالك نفسه وضحك بقوة وفهموا الامر انه مقلب من عادل واستوت الفوضة والربشة ...
مرت الايام وخلاص حسن وخالد ما يأمنوا ياكلوا شيء من تحت ايدين عادل ومحمد
عادل كان كثير ربشة ويحب الضحك والمرح ودائما يسوي فيهم مقالب بس لان صداقتهم قوية يتحملوا وخلاص تعودواا على اسلوبه ومزاحه ..
كانوا دائما في الليل لما ما يطلعوا من البيت يشوفوا فيلم رعب ويجلسوا في الظلام كل الانارة الي بالبيت يطفيوها يمكن يتفاعلوا اكثر مع المقالب ...محمد خواف بشكل صح يتابع معهم بس بعدين اي حركة بسيطة يحس بخوف
بعد ما خلصوا مشاهدة فيلم رعب عن السحر ومصاصين الدماء وكيف ع قولت الانجليز الارواح الشريرة تسكن الدماء وكذا
بعد اكثر من ساعه هدوء والكل نايم وليل نهض عادل من نومه يريد يسوي مقلب ل محمد لانه كان في الفيلم واجد متخوف ومتأثر ومن حسن الصدف ان حسن مشتري لعبة دمية على شكل دب ومخلنها في الدولاب ولما تشتغل من الجهاز عيونها تلمع باللون الاحمر جابها وخلاها ع طول عند راس محمد وشغلها ولحق محمد من اذنه فتحرك محمد ولما نهض يشوف الدب مع راسه ويلمع ما عرف شو يسوي قال اذا صرخت وناديت واحد من الشباب يمكن يقتلني ع باله مال الفيلم وصل عنده ...ياربي شو اسوي تلحف باللحاف وجلس اعتقد يقرأ المصحف كامل والعرق يتصبب منه وعادل مايت ضحك ..بعدين راح ولحقة من رجوله ورقبته وما يصرخ محمد صرخه قوية جدا وينهضوا حسن وخالد وعادل مايت مايت ضحك ...ويشوفوا محمد يريد يعرفوا وين رجوله وين راسه ما عرفوا هههههه من الخوف الي فيه ويقولهم سكتوا بيقتلني بيقتلني ولما شافوا حاله عادل ما تمالكوا نفسهم يضحكوا ومحمد خلاص واصل للمرحلة النهائية وشفايفه يهتزن كـأنه بردان وخافوا لا يجيه شيء...بعدين بصوت واحد قالوا له تعيش وتاخذ غيرها وفهم وينهض بقوة ويصفع عادل وكله ضحك وقاله اليوم ما بخليك تنام بخليك كذا ههههههههه وفعلا ما خلاه ينام والنتيجة في العمل ينود ويتثاوب وفي نهاية الامر استأذن ورجع البيت ينام ومحمد اكيد معه ...ياحبهم للعمل هذلاء الاثنين عندهم حب زايد ونشاط وحيوية
مرت الايام وهم على هذا الحال مقالب وضحك وسوالف ونهاية كل اسبوع كل واحد يرجع بيته ...
عادل كان جالس عند والده وجده وكل السوالف مال زمان اول والجن وهالقصص الرائعه....تعجبني بصراحه دائما مع جدي ابدي له بقصه قديمة وعاد يطربني بالقصص الي احبها خخ :o
الجد يحكي قصه فلان لما كان يريد يتعلم السحر وامور الجن يقول ما قدر وتجنن هذا ما لعبة لازم الواحد يكون قلبه قوي وما يخاف غير من ربه ويكون عنده عزيمة ...دخلت الفكرة في عقل عادل وجلس يسأل جده من سؤال الين سؤال وكذا وابوه يقوله شو تريد بهالامور الله يبعدكم عنها وعن امورها ..الواحد يمكن يتجنن والجن يتلبسوة...
راح عادل عنهم والفكرة في باله ويقول والله حلو الواحد يتعلم هالامور وابتسامة في وجهه ويقول كل يوم بخوف محمد بقوله شوفه ذاك الليت الحين بيتحرك ولا بقوله شوفه ذك القطة الحين بتنقلب كلب ...خخخخ تعرفوا ان احيانا يخيل لنا شفنا شيء وفجأة ما نشوف او يتغير هذي اعمال الجن و....تقريبا
عادل يحاول يبحث عن الكتاب الي يقصده جده مع ان خبره ابوه انه تم مصادرة الكتاب والنسخة الاصليه ابدا ما تباع في المكاتب ولكن عادل اصر انه يحصل هالكتاب ويقرأ الي فيه....ههههه ما بقول اسم الكتاب عن حد يروح يبحث عنه
شغل فكره بهالموضوع حتى بدأ يقلل من المقالب وبدأ يتغير وسارح الفكر وكان يوميا يخرج العصر من دون ما يخبرهم وهو يروح يبحث عن الكتاب ..حتى اصدقائة فكروا ان الطيب بدأ يحب من كذا بس شارد الذهن ومتغير شكله من كثر ما يفكر في الحب وقالوا اكيد العصر يتلاقوا مع بعض...ياخي صديقكم كيف كذا تفكروا فيه يعني لو مثلا حب عاد ما لدرجة انه يروح يقابلها وهو معروف اخلاق وادب بس شوية ربشة وفوضة فيه...المهم اتفقوا ان في الليل يسويوا له مقلب بسيط ويشوفوا ردة فعله
راحوا محل لبيع ......



انتظرونا في الجزء القادم

[اموووره]

صباحووو

هلاوووي وروووده ..
روااايه امبين انها كلها اكشن وشسمهه الظاهر تخوف دام السالفه فيها شسمهه اهئ ..
عجبتني شخصية عادل يعجبني الانسان الفرفوش وصاحب المقالب ..
بااارت جداً جميل واكيد يمهد لبارتااات اجمل ..
متاابعة لك غاليتي ..

يعطيك ألف عاافية ^^

[نوارة الكون]

كل العاده مبدعه غاليتي
بدايه جميله وشيقه
ننتظر البقيه

[حنااايا..الروح]

بداية مشوقة ورائعة
السالفة فيها جن وعفاريت
على الموجة يعني
شي جميل ..متابعين بإذن الله
بنشوف عادل لوين بتوصله مجازفته

[أميرة الروح]

بداية رائعة جدا لما فيها من أكشنات
بارك الله فيك ووفقك
بأنتظار تكملة الرواية بكل شوق

[نديم الماضي]

ياهلا فيك ورد القرنقل
ماشاء الله عليك مبدعه روايه كثير رائعه
ومعبره وتحكي عن شي قريب من الواقع
وبالفعل يخذ شي من الحاصل في هذا الوقت

يعطيك العافيه وفي انتظار الباقي..

[السفينة]

يعطيك العافية يا ستي ووفقتي في الجزء الأول .. وصادقة جميلة بين الثلاثة رغم المزاح الثقيل مالهم .. وشو اسم الكتاب عاد؟ ننتظر الجزء القادم .. تحياتي لك ..

[ورد القرنفل 1]

صباحووو

هلاوووي وروووده ..
روااايه امبين انها كلها اكشن وشسمهه الظاهر تخوف دام السالفه فيها شسمهه اهئ ..
عجبتني شخصية عادل يعجبني الانسان الفرفوش وصاحب المقالب ..
بااارت جداً جميل واكيد يمهد لبارتااات اجمل ..
متاابعة لك غاليتي ..

يعطيك ألف عاافية ^^


مساايا غلاتوو
ههههههه اكيد تخوف لانها فيها شسمة واكشن كثير هع تابعينى لاه
يعني مثلي عادل بس الحين تبت عن المقالب :o
واسعدني مرورك دائما تعطيني حمااس :cool:
تحياتي

[ورد القرنفل 1]

كل العاده مبدعه غاليتي
بدايه جميله وشيقه
ننتظر البقيه

هلا فيك غاليتي
دائما مرورك تشجيع لي ويسعدني
تحياتي،،

[ورد القرنفل 1]

بداية مشوقة ورائعة
السالفة فيها جن وعفاريت
على الموجة يعني
شي جميل ..متابعين بإذن الله
بنشوف عادل لوين بتوصله مجازفته


هلا فيك
أسعدني مرورك العطر
ههههه بنشوف عاد ما مجازفة
تحياتي

[ورد القرنفل 1]

بداية رائعة جدا لما فيها من أكشنات
بارك الله فيك ووفقك
بأنتظار تكملة الرواية بكل شوق

هلا فيك
أسعدني مرورك العطر
ان شاء الله
تحياتي

[رايق البال]

هلا فيك ورد ..
روايه بالتأكيد ستكون رائعه كما تعودنا منك وعذرا لتأخري بالوصول
الف شكر لإبداع قلمك وفكرك الرائع
طابت مساءاتك ..
( طرح يستحق النجوم الخمس)

[ورد القرنفل 1]

ياهلا فيك ورد القرنقل
ماشاء الله عليك مبدعه روايه كثير رائعه
ومعبره وتحكي عن شي قريب من الواقع
وبالفعل يخذ شي من الحاصل في هذا الوقت

يعطيك العافيه وفي انتظار الباقي..


وياهلا فيك استاذي...
اسعدني مرورك العطر وكلماتك المحفزة
بارك الله فيك
تحياتي،،

[ورد القرنفل 1]

يعطيك العافية يا ستي ووفقتي في الجزء الأول .. وصادقة جميلة بين الثلاثة رغم المزاح الثقيل مالهم .. وشو اسم الكتاب عاد؟ ننتظر الجزء القادم .. تحياتي لك ..

وياهلا فيك استاذي نورت..
اسعدني مرروك العطر والرائع
هههههه ما بقول الاسم اخاف الفضول يخليك تبحث عن الكتاب وبعدين يصير فيك شيء ....
تحياتي،،،

[ورد القرنفل 1]

هلا فيك ورد ..
روايه بالتأكيد ستكون رائعه كما تعودنا منك وعذرا لتأخري بالوصول
الف شكر لإبداع قلمك وفكرك الرائع
طابت مساءاتك ..
( طرح يستحق النجوم الخمس)

وياهلا فيك استااذي..
اسعدني مرورك العطر....معذور
تحياتي،،،

[ورد القرنفل 1]

الجزء الثاني..المقلب

طلع عادل كعادته العصر واتفقوا محمد وخالد يروحوا محل يبيع هدايا و ورد واشتروا باقة ورد حمراء ومعها عطر راقي ...ههههه حظه جته هدية بلاش..المهم خالد ومحمد هم الي عليهم المهمة لان معروف عن خالد ذووق وخبير في امور الهدايا ومحمد معه مرافق وحسن جلس بالبيت يرتب عشاء محترم لهم ...
قالوا بنحاول نرجع قبل من يوصل عادل البيت ..اشتروا الهدية وعطوها الهندي الي يسكن جنب شقتهم الي ينظف المكان وخبروه المطلوب منه ...وبعد محمد راح محل الهواتف اشترى هاتف لاخوه وقبل اشترى له رقم جديد ...
وصلوا البيت ورتبوا كل شيء ...رجع عادل وعلامات الحزن في وجهه وبدوا يعلقوا فيما بينهم وهو دخل الغرفه شوية ...قالوا اكيد تزاعلوا ما عليه بتجيب له اليوم وردة حمراء وبيرضى ويضحكوا بقوة ...
بعد صلاة المغرب محمد قالهم بنام شوي ولا تنسيوا تركوا لي من العشاء وهذا جزء من الخطة ...خرجوا هم يتعشوا
وفجأة سمعوا صوت الجرس ...حسن بالمطبخ وخالد سوى نفسه يحضر وما حد غير عادل يفتح الباب وفعلا قام ولقى الهندي وسلم عليه وعطاه الباقه والعطر ووتفاجأ
عادل :من وين هذا ؟؟!!
الهندي:وحده في جيب ..
عادل:غلطان صديق انت يمكن حال خلود..
الهندي:لا بابا ..يقول مشان عادل
عادل:شيل ما فيه ريد انا هذا
وسمع خالد قال وابوها راحن الفلوس وقام وراح عندهم وسأل عادل ايش هناك ...ولما شاف الورد
الله عدول اش هالزين من وين هالورد الي ينبض بالحب والرومانسية طلعت داهيه وهدايا بعد علمنى لاه
وقال للهندي روح صديق شكرا
عادل:مو يروح وهذا حال من
وقبل من يرد خالد سمع عادل صوت هاتفه وراح له وشاف رقم غريب ..قال هذا رقم غريب ما برد عليه عن يكون حد يريد ينصب علي ..اخذ خالد الهاتف وقاله لا هذا رقم عماني يمكن يكون احد معارفك ومسوي رقم جديد..المهم ما رضى عادل يرد وبعد اقناع من خالد وحسن رد
وسمع صوت بنت وتسلم عليه وتعرفه وتخبره عن الهدية استغرب من الامر كيف تعرفني وكذا ...ههههه يصير احيانا كذا بين الاصدقاء مقالب بهذا الشكل جنون الشباب...عصب عادل وغلق الهاتف وجلس يتنازع بشدة على البنت الي هي ههههههه محمد وحسن يضحك وما تمالك نفسه وراح المطبخ بس خالد ما يضحك يعني ماخذ الامر جدي ..قاله انزين اذا ما تريد العطر جيبه انا اخذه ..ههههه دافع له فلوس الرجال...قاله لا باكر اخليه في القمامه الي عند الشارع عشان تشوفه ...حاول يقنعه بس ما شيء فايدة وجلسوا مع بعض الثلاثي تو ايش العمل مصر الرجال يوديه القمامة الورد برايه مامهم بس العطر ...وفعلا في الصباح قرر انه يخليه في القمامة وخالد تأخر عن الدوام ولما خلاه في القمامه محمد سوى له رنه وراح دخل العطر والورد بعد ...واخذ العطر والورد هدية للهندي
وكرر محمد نفس الموقف لما رجعوا البيت اتصل به وكان عادل معصب وجلس يتنازع بقوة ومحمد ما قدر يتمالك نفسه وجلس يضحك وانتبه عادل ان الضحك من الغرفه وراح بكل قوة وعصبيه وشاف محمد ماسك الهاتف قاله ما انا حسسسسسسسسس
هههه ما كمل الاسم وانهال عليه بالضرب من قلبه ومحمد يصرخ والله هم معي روح لهم كسرت عظامي...
انتهى المقلب ونسوا كل شيء ورجعوا مثل قبل...نادرا نلقى اصدقاء بكذا قوة تحمل لبعضهم بعض وحبهم قوي.. الحياة تكون روعه ..لو بنات خخخ اكيد زعل مدى الحياة ..
خالد كان يبحث عن كتاب لمادة الفيزياء وما حصل عليه من كذا مكتبة ..زميله في المدرسة خبره انه يمكن يحصل الكتاب في مكتبة بالمكان الفلاني(اسم المكتبة سر) ..فرح خالد قال طيب بروح اليوم او باكر بشوفه ولما رجع خبر اصحابة انه يريد يروح المكتبة حد بيرافقني منكم ..محمد وحسن قالوا لا نريد ننام نريح ..عادل قال فرصه ابحث عن كتابي ووافق انه هو يرافقه هههه وبصوت واحد محمد وحسن جيبوا العشاء معكم اليوم نريد خفايف هع دجاج ماكينه ومشاكيك لحم واي نوع من الفطائر وبس نريد عشاء خفيف..و تعشى يا فقير..هههه كذا عشاء الفقير الله يستر ...وفعلا وصلوا المكتبة وعادل شاف كتاب شبيه بالكتاب الي يريدة وطبعا اشتراه وقيمته غاليه جدا ..خالد استغرب يقوله شو تريد بهالكتاب تراه كله نجوم مافاهم الي داخل الكتاب ...عادل يرد عليه هههه ثقافه وراح سأل صاحب المكتبة عندكم الكتاب الفلاني سكت صاحب المكتبة لحظة بعدين رد عليه شيء بس ما موجود هنا عطني رقم هاتفك وبأمن لك الكتاب وبتصل بك بس ثمنه غالي ..عادل ما مهم عنده الثمن المهم يلقى الكتاب وافق وخرجوا من المكتبة بس ما خطر في بال خالد يسأله عن الكتاب...
ولما وصلوا البيت وهم يتعشوا خبرهم ان الكتاب الي شاغل فكره خلاص حصله الحين وهم على بالهم كتاب مال الابراج وكذا فجلسوا يضحكوا عليه ...ويقولوا مجنون هذا و بيصير مثل مريم نور...
بعد العشاء قرروا يتابعوا فيلم رعب خالد تركهم للحظة يكمل تحضير ومحمد رافض يتابع لانه خايف عن يحلم الي يشوفه
وبعد ضحك وسوالف جلس معهم وخلص الفيلم هههههه محمد جته نوبه خوف وما قدر ينام بس يفكر وفي نهاية الامر جلس يقرأ سورة الفلق وماحس بنفسه ونام...
عادل ينتظر الاتصال من صاحب المكتبة لكنه بدأ شوي شوي يقرأ من الكتاب الي اشتراه بس ماكان واضح واجد ..اخذ ورقه وقلم وبدأ يرسم الاشياء الي موجوده فيه ويحفظ الاسماء وانشغل بالكتاب كثير ..ومن ضمن الامور لازم يرسم ويسوي كل شيء بالليل ..ههههه حماس وقت الليل يجيوا الجماعه الثانية وقتهم ..الكل نايم بس عادل صاحي وبدأ هو يرسم يسمع اصوات غريبة وحد يمشي في المطبخ وحركة في دولابات المطبخ وووووو....
خاف عادل ترك الكتاب وتلحف ونام هههههه والله يعين كيف نومته كانت ...
في اليوم الثاني هو جالس يقرأ في الكتاب سمع صوت وخلى الكتاب ورجع ينام ...
محمد كان كل يوم لازم يترك ماي جنبه ولما يصحى يشرب عن يروح المطبخ في ذاك اليوم نسى يترك الماي ونهض يريد يشرب
خرج من باب الغرفه وسمع صوت في المطبخ وكان تارك باب الغرفه فتح يشوفهم كلهم نايمين ويفكر من بالمطبخ شاف كأنه حد مر في المطبخ محمد وقف مكانه كأنه تجمد وما قدر لا يتقدم خطوة للخلف او الامام وينظر بعيونه وحس شعر جسمه كله واقف...وهذا اكيد دليل وجود الجن في المكان...ههههه حالة محمد حاله


تابعونا شو بيصير لمحمد في الجزء القادم

[روانـــــووو]

تسجيل حضور ..... 😎😎😎
متابعة لروايتك بعدني ما قريت شي بس العنوان ملفت ويسعدني أن أكون أحد القراء لقلمك الراقي
أسعدك الرحمن

[السفينة]

يا ساتر يا الله .. ترى كله من هذا الكتاب اللي ما تريدينا نعرف اسمه .. وعاد سوالف الشباب معروفة عادي يقلد صوت بنت ويتصل عليك ويعمل فيك مقلب محترم .. وفقتي في الجزء الثاني .. ننتظر الجزء الثالث على الباب ..

[اموووره]

مساياااا ..❤

بالاول عجبني المقلب هههه ..
وفعلا صداقتهم قويه والا مستحيل يتحملوا كل هالامور والمقالب والتصفيع 😂

اممم صراحه بديت اخااااف يعني كأنه بدينا ندش فالاكشن والجن وهالامور 😵
الله يستر بس والله يعين محمد ما نقت الا تطيح فيه وحليله حيت انه خواف ..
نتريا البارت الثالث وروده ..
عاد فيني فضول اعرف وش طلع وشو صار مع حمود ..

يعطيك ألف عاااافيه الغلا ..

[روانـــــووو]

مساء الخير
قرأت الرواية شبابية وجداً جميلة .. ياخي أحس حياتهم ما فيها تكلف مثل البنات وما يتزاعلوا بسهولة وعلى سالفة الإتصالات ترا هذه المقالب بدت توصل للبنات بس عن طريق الرسائل لإن الصوت صعب على البنت تحوله لصوت ولد وكانت في بنت معنا بشلة مكونة من 6 بنات .. سوو في وحدة منهم مقلب اللي عملت هذا المقلب كانت مشترية فون جديد ورقمها الجديد ما عند اللي إنعمل فيها المقلب المهم وبدت ترسل مسجات هلا وتسلم عليها وووو
وهذيك ما ترد بيوم من الأيام رسلتلها ماشاء الله العباية اللي لابستنه اليوم حلوة واللون الفلاني طالع ما أعرف شو والشنطة
عاد هاذيك ماااااتت من الخوف صدقت انه ولد
وبعدين قالوا لها مقلببب ههههههههه

الله يستر شكله الأجزاء الجاية فيها أكشن وسوالف الجن ورعب متااااابعين للجزء التالي بكل حماااس

[ورد القرنفل 1]

تسجيل حضور ..... 
متابعة لروايتك بعدني ما قريت شي بس العنوان ملفت ويسعدني أن أكون أحد القراء لقلمك الراقي
أسعدك الرحمن


هلا فيك لغلا يشرفني ويسعدني متابعتك لي وعسى تنال رضاك واعجابك
تحياتي،،

[أميرة الروح]

بارت جميل واحداث رائعة
عجبني المقلب زين نسوي ح ربيعاتنا كذا مقالب
كنت متحمسة اريد اعرف اسم الكتاب بس لحين ﻷ خوفني ههه
بأنتظار البارت القادم بكل شوق
ﻻ تتأخري علينا:rolleyes:

[ورد القرنفل 1]

يا ساتر يا الله .. ترى كله من هذا الكتاب اللي ما تريدينا نعرف اسمه .. وعاد سوالف الشباب معروفة عادي يقلد صوت بنت ويتصل عليك ويعمل فيك مقلب محترم .. وفقتي في الجزء الثاني .. ننتظر الجزء الثالث على الباب ..

هلا فيك استااذي
شكرا لك على المرور الجميل والتعقيب الراقي
اسعدني جدا حضورك
تحياتي،،

[صوت الحمام]

السلام عليكم

رواية راح تكون رائعة بكل تأكيد
أسلوبك في الكتابة ممتع ومشوق

الضحك والمقالب أحلى شي
المهم الربع لا يزعلوا هههه
أحب أتابع سوالف العالم الآخر وحركاتهم هههه👿😈


بإذن الله بتابعك للنهاية
بإنتظارك عزيزتي

الله يوفقك

[ورد القرنفل 1]

مساياااا ..❤

بالاول عجبني المقلب هههه ..
وفعلا صداقتهم قويه والا مستحيل يتحملوا كل هالامور والمقالب والتصفيع 

اممم صراحه بديت اخااااف يعني كأنه بدينا ندش فالاكشن والجن وهالامور 
الله يستر بس والله يعين محمد ما نقت الا تطيح فيه وحليله حيت انه خواف ..
نتريا البارت الثالث وروده ..
عاد فيني فضول اعرف وش طلع وشو صار مع حمود ..

يعطيك ألف عاااافيه الغلا ..




ومسايا غلاتووووووووو

اسعدني جدا حضورك،وتعليقك الجميل والراقي
ايوا الحمد لله قووية جدا لا ابد مو بينهم زعل كل شيء يتقبلوه بصدر رحب
ههههههههه انتظري لاه وشوفي شو بيصير ل حمود ..تراه لازم الي يخاف يكون الضحية ;)
وربي يعافيك
تحياتي:o

[حنااايا..الروح]

بدينا ندش فالجامد عقولت المصاروة

شكل الرسومات والكتابات الي كان يكتبها عادل هي استحضار للجن
الله يستر وما يأذونهم
ام محمد فالله يكن بعونه
متابعة لكم بس هالله هالله فينا ورد
لا تثقلي العيار علينا

[ورد القرنفل 1]

مساء الخير
قرأت الرواية شبابية وجداً جميلة .. ياخي أحس حياتهم ما فيها تكلف مثل البنات وما يتزاعلوا بسهولة وعلى سالفة الإتصالات ترا هذه المقالب بدت توصل للبنات بس عن طريق الرسائل لإن الصوت صعب على البنت تحوله لصوت ولد وكانت في بنت معنا بشلة مكونة من 6 بنات .. سوو في وحدة منهم مقلب اللي عملت هذا المقلب كانت مشترية فون جديد ورقمها الجديد ما عند اللي إنعمل فيها المقلب المهم وبدت ترسل مسجات هلا وتسلم عليها وووو
وهذيك ما ترد بيوم من الأيام رسلتلها ماشاء الله العباية اللي لابستنه اليوم حلوة واللون الفلاني طالع ما أعرف شو والشنطة
عاد هاذيك ماااااتت من الخوف صدقت انه ولد
وبعدين قالوا لها مقلببب ههههههههه

الله يستر شكله الأجزاء الجاية فيها أكشن وسوالف الجن ورعب متااااابعين للجزء التالي بكل حماااس

ومساء النور ..
هلا فيك لغلا

شكرا لك على المرور الجميل والتعقيب الراقي
اسعدني جدا حضورك
ههههههه اكيد الشباب دائما ما بينهم تكلف وهذا الي يميزهم بس شوية بين البنات اي ملقب لو بسيط ما يتحملن
ويزعلن بسرعه ما ادري ليه ههههههه ياخي ساعه ضحك طشة
تابعي الاكشن ههههههه احاول اخليكم تتخيلوا الاجواء ان شاء الله :cool:
تحياتي

[ورد القرنفل 1]

بارت جميل واحداث رائعة
عجبني المقلب زين نسوي ح ربيعاتنا كذا مقالب
كنت متحمسة اريد اعرف اسم الكتاب بس لحين ﻷ خوفني ههه
بأنتظار البارت القادم بكل شوق
ﻻ تتأخري علينا:rolleyes:


هلا فيك اميرة...
شكرا لك على المرور الجميل والتعقيب الراقي
اسعدني جدا حضورك
هههههههه لا احسن لك ما تعرفي اسم الكتاب سر

تحياتي،

[ورد القرنفل 1]

السلام عليكم

رواية راح تكون رائعة بكل تأكيد
أسلوبك في الكتابة ممتع ومشوق

الضحك والمقالب أحلى شي
المهم الربع لا يزعلوا هههه
أحب أتابع سوالف العالم الآخر وحركاتهم هههه


بإذن الله بتابعك للنهاية
بإنتظارك عزيزتي

الله يوفقك

وعليكم السلام ورحمة الله وبركاته
هلا فيك نوووررتي كثير

شكرا لك على المرور الجميل والتعقيب الراقي
اسعدني جدا حضورك
هههههههه لا قالوا ما بيزعلوا
تشريف فديتك متابعتك

تحياتي،

[ورد القرنفل 1]

بدينا ندش فالجامد عقولت المصاروة

شكل الرسومات والكتابات الي كان يكتبها عادل هي استحضار للجن
الله يستر وما يأذونهم
ام محمد فالله يكن بعونه
متابعة لكم بس هالله هالله فينا ورد
لا تثقلي العيار علينا


هلا فيك حنايا..
شكرا لك على المرور الجميل والتعقيب الراقي
اسعدني جدا حضورك
ايوا بدينا ندش في الجامد هههههههه....يمكن:rolleyes:

تحياتي،

[ورد القرنفل 1]

الجزء الثالث...


محمد وقف مكانه كأنه تجمد وما قدر لا يتقدم خطوة للخلف او الامام وينظر بعيونه وحس شعر جسمه كله واقف...وهذا اكيد دليل وجود الجن في المكان...ههههه حالة محمد حاله
يسمع صوت وخطوات بالمطبخ وشيء اسود ما عرف كيف شكله بس يشوف غمض عيونه
من الخوف وحس انه في عالم آخر
وبصوت خايف حسسسسسسسن ومن حسن حظة نهض حسن ويشوف محمد واقف عند الباب وهو في السرير يقوله محمد شو صاير لك واقف كذا وهو يهتز راح جنبه ومسكة من ايده وغلق الباب وسأله شو الي صار وخبره بكل السالفه ..
قاله احس ان بيتنا مسكون بالجن ..
ياولد الحلال كل البيوت كذا بس عاد يختلف الي يسكنها يمكن مسالمين او يحبوا يؤذوا الناس ..
بس ياخي قبل بيتنا مافيه كذا وابد ما طلع لنا شيء ...المهم قاله ينسى ويقرأ ويحاول ينام
الله يهديك حسن كيف اقدر انام بعد الي شفته وانا جسمي الحين كله يهتز مستحيل اقدر انام
وجلس في السرير ويشوف الباب ويحس انه حد يقترب منه ويصرخ وكذا طول الليل...
وفي الصباح كل واحد راح طريق عمله واصبح البيت موحش ماحد يقدر يجلس بروحه الا يحس بأشياء تجيه
مرة يشوفوا قط اسود ومرة عصفور.... من غير الحركات حتى اصبح اكثر ظلام البيت ..
و بدت تصرفات عادل تتغير وينعزل اكثر ودائما شارد الفكروالذهن
في يوم قالهم بطلع شوي بالليل بقابل شخص وممكن اتأخر وهو اصلا رايح يطبق الي في الكتاب ..يكون في مكان منعزل وبعيد عن الناس
في تلك الفترة ما قدروا يشوفوا فيلم رعب بالبيت الي يحسوا بحد معهم ويمسكهم وحركات ،،مرة خالد جالس يحضر بالغرفه الثانية بروحه ودفتر التحضير ينغلق ويفتحه هو وينغلق وعصب قال ما حاله هذه وسمع صوت ناعم (تابعوا التفاصيل لاحقا)...
المهم الوقت تأخر وعادل ما رجع خالد نام ومحمد نص نايم من الخوف الي عنده بس حسن كان صاحي و يتصل بعادل وما يرد خاف عليه وما قدر ينام جلس ينتظرة فجأه سمع صوت دولاب المطبخ يسوي صوت قال اكيد هذا حمود مخلي النافذة فتح والهواء يحرك الدولاب وصوت الاواني يتحركن ما ان قرب صوب الباب يشوف عيون يلمعن وقطة سوداء كبيرة ويشرد ويغلق الباب وتلحف ويقرأ قرآن وخايف تجي صوبه ومرعوب وما قدر يخبرهم لانه خاف على محمد ...بعد لحظات دخل عادل وما تكلم ونام
في الصباح حسن ما خبر حد بالموضوع بس اخذ اجازة وعادل ما داوم نام وما صحى بس حالته غريبة ..في الليل خبرهم حسن انه اخذ اجازة وبيروح اسبوعين البلد من الخوف ...
فجأة صاحب المكتبة اتصل بعادل وقاله انه امن له الكتاب واتفقوا يتلاقوا في مكان ..
خالد راح مع عادل واساسا ما عارف عن الكتاب شيء
وحسن اصلا ما قادر يجلس في البيت مرعوب بس ما قادر يقول شيء لان محمد خواف بشكل وخالد بعد ...فرح عادل بالكتاب وقرروا يشوفوا فيلم جديد عن الرعب واختاروا فيلم الدمية الي تقتل فيه (بعدهم ما تابوا عن الرعب)...وتذكر محمد الموقف وجلس يضحك ،،عادل قالهم ما بنطفي الانارة ...استغربوا كيف انت كنت تحب تشوف في الظلام قالهم كتغير..وما ان بدأ الفيلم تفاعلوا مع اللقطات والي يصرخ والي يشوف في صوب وفجأة يسمعوا صوت خطوات بالمطبخ والكل وقف مكانه واخذ حسن الجهاز وهو يهتز يسوي السعودية قرآن ويعلي الصوت بس الخطوات كأنها تقترب منهم والكل مرعوب واصوات غريبه.. ومحمد بدون نفس ..خرجوا شوي شوي من الباب وناموا بالسيارات من الخوف ..ورجعوا الفجر البيت بعد الصلاة حسن قالهم اذا استمر كذا الحال بنظطر نغير السكن وانا اليوم برجع البلد خذيت اجازة وعادل قالهم وانا لازم برجع البيت هناك شيء ضروري لازم اسويه يخص الكتاب الي اشتريته
محمد قال انا ما يستوي اخذ اجازة لان عندنا نقص بالمكتب وخالد بعد ما ممكن ياخذ اجازة بس عادل نصحهم يشوفوا مكان ثاني يناموا فيه خايف عليهم وهم الاثنين اكبر خوافين ...محمد بشجاعه ما نخاف الي من الله وانام وبخلي المصحف عند راسي والسماعات في اذني
خالد ومحمد بالبيت لوحدهم تعشوا وقرورا يدخلوا الغرفه من وقت وفكرة خالد يخلوا انارة البيت فتح لانه تفكيرة ان الجن ما يجوا في المكان المضاء وناموا وسماعات الهاتف في اذنهم ومشغلين قرآن مر اليوم الاول بسلام وما سمعوا شيء والتلفاز يخلوه فتح سواءا بالبيت او لا وطبعا السعودية قرآن
اليوم الثاني من دخلوا البيت وهم حسوا بشيء غريب ومعهم الغداء جلسوا يتغدوا ...خالد يخلي يده بالارض ويحس حد يمسكها يقوله حمود ما ناقصين حركاتك الحين ويشوف عليه يقوله والله ما سويت شيء لا تخوفني
قال بسني شبعت خلى نطلع شوي من البيت ولما يريدوا يطلعوا ما قدروا حسوا بشيء يمسكهم وكذا...
يومين وبعدين اجازة نهاية الاسبوع كل واحد راح البلد
عادل وصل البيت وكل يوم بالليل يروح عند جبل بعيد شوي عن بيتهم ويجلس يرسم في الارض الي يشوفه بالكتاب اول يوم حس
بأن حد يحيط به وبدأ شعر راسه وكل جسمه يوقف خاف ورجع البيت ..لكن بدأ شوي عقله يقل و مشتت
خالد ومحمد رجعوا البيت وبالليل جالسين وسمعوا صوت بالمطبخ قال شو بنروح نشوف ..محمد يهتز يقوله خلا ننام بالسيارة خالد سوى شجاعه وقام من مكانه ومحمد يمسكه من ايده وصلوا المطبخ ما شافوا شيء ..دخلوا يناموا وهم بالغرفه الي يشوفوا الباب ينفتح
شوي شوي ....

عاد كيف الشعور والموقف الي هم فيه
تابعوناااااااااا:cool:

[اموووره]

صباحووو ..❤

وااااااااي وروووده هالبارت سوااالي رعب والغم قريته نص الليل اهئ ..
الله يهدي عادل سوالهم سالفه بهالكتاب ..
بس بصراحه قوة عين فيه يروح عند جبل بالليل ويسوي هالحركات ..
عاد شسمهه فيني فضول اعرف من اللي فتح الباب والا عادل ..؟
نتريا البارت القادم وشسمهه لا تطولي علينا اهئ ..

[أميرة الروح]

رواية جدا جميلة عشنا أحداثها بالتفاصيل
راقت لي كثير
شسمه اختي ورد انتي تعرفي اسم الكتاب:rolleyes:
بإنتظار اﻻحداث القادم بكل شوق
بارك الله فيك ووفقك وسدد خطاك

[حنااايا..الروح]

أحداث مشوقة
اظن الكتاب هو كتاب الغزالي ولا
لان في طرق شرح لاستحضار ابجن والارواح
ولما يطيح بيد ناس غشمين وما يعرفوا شي ينقلب عليهم
لانهم ما مستوعبين ولا مقدرين حجم القوة الي هم استدعوها
هذا عادل شكله خبل وماحاس بالورطة جالس يغرق نفسه فيها
والمصيبه انه مب هو الوحيد الي بيتاثر ..حتى ربعه المساكين

واصلي ورد ..نبي نعرف شو بيصير

[ورد القرنفل 1]

صباحووو ..❤

وااااااااي وروووده هالبارت سوااالي رعب والغم قريته نص الليل اهئ ..
الله يهدي عادل سوالهم سالفه بهالكتاب ..
بس بصراحه قوة عين فيه يروح عند جبل بالليل ويسوي هالحركات ..
عاد شسمهه فيني فضول اعرف من اللي فتح الباب والا عادل ..؟
نتريا البارت القادم وشسمهه لا تطولي علينا اهئ ..

ومساايا لغلا :o
هههههه احسن شيء تقري نصف الليل عشان تتخيلي الاحداث صح
هيه والله عنده قوة ولا ما بيروح
انتظري لاه بنشوف من الي فتح الباب
تحياتي:cool:،،

[ورد القرنفل 1]

رواية جدا جميلة عشنا أحداثها بالتفاصيل
راقت لي كثير
شسمه اختي ورد انتي تعرفي اسم الكتاب:rolleyes:
بإنتظار اﻻحداث القادم بكل شوق
بارك الله فيك ووفقك وسدد خطاك

هلا فيك أميرة ...
اسعدني حضورك الاكثر من رائع وتعليقك الراقي
هههههههه ايوا اعرفه بس ما بقول
ان شاء الله
ولك بالمثل
تحياتي،،

[ورد القرنفل 1]

أحداث مشوقة
اظن الكتاب هو كتاب الغزالي ولا
لان في طرق شرح لاستحضار ابجن والارواح
ولما يطيح بيد ناس غشمين وما يعرفوا شي ينقلب عليهم
لانهم ما مستوعبين ولا مقدرين حجم القوة الي هم استدعوها
هذا عادل شكله خبل وماحاس بالورطة جالس يغرق نفسه فيها
والمصيبه انه مب هو الوحيد الي بيتاثر ..حتى ربعه المساكين

واصلي ورد ..نبي نعرف شو بيصير

هلا فيك حنايا...
اسعدني حضورك الرائع وتعليقك الراقي
لا للاسف مو هو هع
تحياتي،،

[روانـــــووو]

مساء الخير
اللهم سكنهم في مساكنهم
إتخيلتك تكتبي وإيدك ترتجف ههههه صراحة بارت جميل جداً ومشوق ياخي تعرفي فيلم رعب Conjuring الجزء الأول انا قررت أتابعه بالتلفزيون بس ماصار لإن أيام دوام وكذا إتخيلي الساعة 3 الفجر إعادته وضبطت الساعة ومسوية شاي بعد متفيقة هههه وشغلت التلفزيون وبروحي كنت الله وكيلك بس سمعت الموسيقى بندت التلفزيون بسرعة بسرعة وشرردة للغرفة هههع
وهذيلا بعد كل اللي شافوه والأصوات بالمطبخ ويشغلون فيلم رعب اعوذ بالله !!!!
المهم حلوة الختامية مشووقة جداً بإنتظار التكملة لا تطولي :p

[السفينة]

الله يهديك يا بنت الحلال احنا نقصين رعب. من غير شي نمشي ونتلفت ونتكفر. اعتقد انتي بروحك يوم تنامي . تسكري عين وتفتحي عين. حزء ثالث متقن جدا ورائع في التسلسل بالاحداث . ونتظر الجزء اللي بعده.

[صوت الحمام]

السلام عليكم

ههههه بعده يشوفوا فيلم رعب
ما يحتاج بروحه إلي يصير معهم فيلم
مسكين محمد حيت انه خواف اكثر شي يطلعوله هههاي
بس شكله هوه بيكتشف السبب بعدين وبيصير البطل :p

اتوقع إلي بيفتح الباب يمكن حد من ربعهم :rolleyes:

كل التوفيق لك

[ورد القرنفل 1]

مساء الخير
اللهم سكنهم في مساكنهم
إتخيلتك تكتبي وإيدك ترتجف ههههه صراحة بارت جميل جداً ومشوق ياخي تعرفي فيلم رعب Conjuring الجزء الأول انا قررت أتابعه بالتلفزيون بس ماصار لإن أيام دوام وكذا إتخيلي الساعة 3 الفجر إعادته وضبطت الساعة ومسوية شاي بعد متفيقة هههه وشغلت التلفزيون وبروحي كنت الله وكيلك بس سمعت الموسيقى بندت التلفزيون بسرعة بسرعة وشرردة للغرفة هههع
وهذيلا بعد كل اللي شافوه والأصوات بالمطبخ ويشغلون فيلم رعب اعوذ بالله !!!!
المهم حلوة الختامية مشووقة جداً بإنتظار التكملة لا تطولي :p

مساء النور والسرور
اسعدني غاليتي حضورك الرائع وتعليقك الراقي
هههههههههه حلو لاه فيلم رعب حقيقي
ان شاء الله
تحياتي،،

[ورد القرنفل 1]

الله يهديك يا بنت الحلال احنا نقصين رعب. من غير شي نمشي ونتلفت ونتكفر. اعتقد انتي بروحك يوم تنامي . تسكري عين وتفتحي عين. حزء ثالث متقن جدا ورائع في التسلسل بالاحداث . ونتظر الجزء اللي بعده.


هلا فيك استااذي...
اسعدني غاليتي حضورك الرائع وتعليقك الراقي
هههههه لا اصلا لما اكون بالصاله ويعطوني التنبيه الاول خلاص بتسحب واروح عنهم ما اخافهم هع :cool:

تحياتي،،

[ورد القرنفل 1]

السلام عليكم

ههههه بعده يشوفوا فيلم رعب
ما يحتاج بروحه إلي يصير معهم فيلم
مسكين محمد حيت انه خواف اكثر شي يطلعوله هههاي
بس شكله هوه بيكتشف السبب بعدين وبيصير البطل :p

اتوقع إلي بيفتح الباب يمكن حد من ربعهم :rolleyes:

كل التوفيق لك

وعليكم السلام ورحمة الله وبركاته
يا هلا فيك لغلا..

اسعدني حضورك الرائع وتعليقك الراقي
ههههه تراه كذا لازم الخواف يتقصدوه هع يمكن
:p

يمكن ليش لا
:cool:

تحياتي،،

[ورد القرنفل 1]

الجزء الرابع...


دخلوا يناموا وهم بالغرفه الي يشوفوا الباب ينفتح....
شوي شوي ....محمد وخالد ما عرفوا شو يسويوا ...محمد تلحف باللحاف ويقول اشهد ان لا اله الا الله واشهد ان محمد رسول الله...وخالد فاتح عيونه وكله يهتز-شعور صعب لما تحس نفسك في موقف خطر وما عارف كيف تتصرف- ويشوفوا الظل يقترب منهم ...محمد نام على الارض هو ومتلحف بس خالد غمض عيونه ويقول كلمات من الخوف والاهتزاز ماحد يفهمهن ولحظات وينفتح الباب كامل ..وصرخوا بقوة بدون ما يشوفوا من الي فتح الباب وحسن يسوي صوت وبدأ خالد بصوت مرتفع يقول كلمات.. اما محمد خلاص صمت وقطع النفس ويقول خلاص نهايتي اليوم ...يارب برحمتك والله ما سوينى شيء يارب سامحنا وحسن يقترب من خالج ويقوله وحدك ولا حد معك بسرعه تكلم -هههههههههه-
والله معي هذا هذا ويأشر على محمد...ويمسك محمد وما شيء محمد اغمى عليه وبعدين الي مع حسن طاح في الارض وهو يصرخ من الضحك وحسن يضحك يقوله محمد ...محمد قوم انا حسن والله حسن بس محمد خلاص فقد الوعي ع باله الجن تشبهوا بحسن
وخالد يقوله الله يسامحك احنا ناقصين الحين شو سويت فينا والله بنروح فيها كنا.... بعدين جابوا ماي بارد و وعطر وفاق محمد ...قالهم اضطريت اجي اخوي عنده باكر مقابله من وقت ولازم نجي هنا ..ليش خايفين ما انت محمد الي قايل ما تخاف، وخبروه ..الي صار لهم قال خبرتكم لازم ننتقل من هنا...محمد خلاص انا شكل موتي بيجي بسبب هالجن خلاص حسيت نفسي اشوف الكفن بس دمعت عيني تذكرت شيء .....وفي الصباح حسن واخوه ودعهم بيروحوا المقابلة وبيرجعوا ع طول البلد وبيحاول يبحث عن سكن جديد
خالد ومحمد وحدهم بالبيت والقرآن على مدار الساعه بالبيت بس ما نفع الجن الي معهم الظاهر انهم مسلمين وعادي يسمعوا القرآن
خالد في دورة المياة وهو يسرح شعره وهو متعود يسويه حركات وستايلات كبعض الشباب ومعروف عنه شوي انيق ويهتم بشكله كثير ...المهم حس كأن حد لمس شعره بقوة والتفت يمين ويسار وما شاف حد ..طلع وهو يضحك ويقول لمحمد سبحان الله بدينا نتوهم اشياء واشياء ...خلاص انا بديت ابحث عن سكن جديد وان شاء الله اخر شهر بننتقل ونتفاهم مع صاحب هالسكن ..وانا مفكر نشتري السكن الجديد ويكون ملكنا بصراحة احسن من ندفع اجار كذا..صدقك والله الفكرة حلوة بس احسن السكن يكون بس ملك شخص واحد ..بنشوف لما يرجعوا حسن وعادل نتناقش في الامر..
خالد طلع من البيت وهو يحس حد يمشي معاه بس ما يشوف حد
ولما فتح باب السيارة حس حد مسك ايده وسرعان ما تلاشى الامر ما اهتم خالد..كله يقول في نفسه انه يتوهم لما حرك السيارة شم ريحة عطر في سيارته ...جاء في باله ان محمد استخدم السيارة وهذا عطره ويضحك ويقول حشا هذا كل العطر يخلصه بيوم كذا يتعطر...محمد تعبان لانه ما نام بس ما قدر يطلع من العمل لانه وين بيروح يريح وهو ما يقدر يجلس بالبيت لوحده شرب يمكن 6 اكواب شاي ومع القهوة عشان يكون صاحي...
عادل اصبح شخص ثاني ويسوي حركات غريبه بالبيت وما حد فاهم القصه فيه تغيير كبير تائة وسرحان وما يستوعب شيء يتصلوا فيه اصحابة احيانا يرد واحيانا ما يرد والرسائل يطنشها وخبرهم انه مشغول ..فجأة راح عند الحلاق وحلق شعر راسه ولحيته والشنب كله صفر واستغربوا من الامر اهله ..ليش يسوي كذا اتصل اخوه ب محمد لانه معه بالعمل والاقرب له وخبره بأمر عادل وطلب منه يجي يزورة اتفقوا كلهم يروحوا معه ولما شافوا الحاله استغربوا وما عارفين شو يسويوا ...الخبير حسن قال انا اقولكم عادل شكله يحب ويريد يتزوج بس ما بإستطاعته لانه عنده سلفيات والجمعية يريد يعالج بها والده يعني امورة متأزمة وشكله اصابه مرض نفسي وانا متأكد والاحسن نعالج صديقنا نجمع له مبلغ من المال ونساعد محمد قال انا اتكفل بكامل المهر -ما عليه ابديه عن نفسي ولما يجي دوري عليكم مهري- حسن وانا علي العشا ومصاريف القهوة واللبس ماله وغرفة النوم و...خالد انا علي تذاكر السفر واي شيء يريده انا حاضر وما عندي مانع وهم يضحكوا على خالد وخبرها بنت العم تنتظرك بعد 5 سنوات ويضحكواحسن اتصل ب عادل وخبره ان يخبر اهله ويروحوا يتقدمواعادل بدون استيعاب يقوله تمام بخبرهم قال حسن شفتوا خبرتكم ان السالفه بنت ...خبره لاه بعد اياام ....عادل استاءت حالته وقرر اخوه يصطحبه الصباح المستشفى ,,,في الليل راح عادل عند الجبل ويرسم النجوم في الارض ويشوف فوق بعدين حس بالجن كلهم التموا عليه ما قدر يتحرك ولا يتنفس وما تحمل ...
وفي نهاية الامر لقى نفسه .....

همسة,,,,اعتذر عن الاخطاء بسبب الشبكة تفصل معي :confused:
تابعونا في الجزء القادم
تحياتي
:cool:،،،

[روانـــــووو]

مساء آخر دقايق من 2016 :p
ههههههه يالله على التفكير يعني حلق اللحية خلاص صار يحب .. أهم شي إن مصاريف الزواج عليهم المفروض عادل لو ما مفكر يتزوج يفكر الحين عروض مغرية من أصدقائه ما لازم يفوتها هههه
بعد كل هذا اللي يصير ويروح الجبل بالليل الله يهديه هو يلحق الجن بدل لا يلحقوه بإنتظار التكمله .. ربي يسعدك

[اموووره]

صباحووو ...❤

يا ربي وضعهم كيف صار ..؟!!
طيب دام عادل تعبان من هالسالفه ليش استمر عليها والا خلاص في شي يجبره انه يسوي هالحركات والوضع طلع من يده ..؟!
بااارت مخوف ويحليلهم حسن وخالد وحمود ينرحموا بجد ..
حشششى ورود تعرفي وين تنهي البارت وتخلينا متشوقين للبارت القادم ..

عاد لا تطولي علينا ..
يعطيك العااافيه الغلا ..

[السفينة]

السلام عليكم. بدايت افسر انه عادل له الصله باللي يحصل. احاول اقراء اجزاءك الصبح . عشان فليل ما فيني على الوسوسه. لكن نص رائع ومتسلسل في ترتيب الاحداث. وفقتي في الصياغة الجميلة يا ستي. ونتظر الجزء المجهول من القصة . حفظك الرحمن ورعاك

[ورد القرنفل 1]

مساء آخر دقايق من 2016 :p
ههههههه يالله على التفكير يعني حلق اللحية خلاص صار يحب .. أهم شي إن مصاريف الزواج عليهم المفروض عادل لو ما مفكر يتزوج يفكر الحين عروض مغرية من أصدقائه ما لازم يفوتها هههه
بعد كل هذا اللي يصير ويروح الجبل بالليل الله يهديه هو يلحق الجن بدل لا يلحقوه بإنتظار التكمله .. ربي يسعدك


صباح الخير لغلا...
اسعدني حضورك الرائع وتعليقك الراقي
هههههههه لا مو القصد لما حلق انه فيه بنت لا هنا بدأ يتغير وما يعي الي يسوية
ايوا كل شيء جاهز له ما عليه الي يتقدم بس هو ما يفكر ياخي صح
ان شاء الله

تحياتي،،

[ورد القرنفل 1]

صباحووو ...❤

يا ربي وضعهم كيف صار ..؟!!
طيب دام عادل تعبان من هالسالفه ليش استمر عليها والا خلاص في شي يجبره انه يسوي هالحركات والوضع طلع من يده ..؟!
بااارت مخوف ويحليلهم حسن وخالد وحمود ينرحموا بجد ..
حشششى ورود تعرفي وين تنهي البارت وتخلينا متشوقين للبارت القادم ..

عاد لا تطولي علينا ..
يعطيك العااافيه الغلا ..




صباحو غلاتووو:o...
اسعدني حضورك الرائع وتعليقك الراقي
هو شيء في بالي ولازم يحققه من كذا يروح تلقائي للجبل كلما قرأ الكتاب
ايوا حالته حاله الله يعين
انتظري وشوفي شو بيصير لهم هع :p
تحياتي،،

[ورد القرنفل 1]

السلام عليكم. بدايت افسر انه عادل له الصله باللي يحصل. احاول اقراء اجزاءك الصبح . عشان فليل ما فيني على الوسوسه. لكن نص رائع ومتسلسل في ترتيب الاحداث. وفقتي في الصياغة الجميلة يا ستي. ونتظر الجزء المجهول من القصة . حفظك الرحمن ورعاك

وعليكم السلام ورحمة الله وبركاته
اسعدني حضورك الرائع استاذي
ههههههههه احسن لك في الليل عشان تتخيل كل كلمة هع
تحياتي،،

[ورد القرنفل 1]

ملاحظة
بدمج الجزء الخامس مع الجزء الاخير من الرواية بسبب ظروف طارئة وخارجه عن الارادة:cool:

[روانـــــووو]

ملاحظة
بدمج الجزء الخامس مع الجزء الاخير من الرواية بسبب ظروف طارئة وخارجه عن الارادة:cool:
إن شاء الله بننتظرك :o

[ورد القرنفل 1]

الجزء الاخيرررر...

هلا فيكم ...



وفي الليل راح عند الجبل ويرسم النجوم في الارض ويشوف فوق بعدين حس بالجن كلهم التموا عليه ما قدر يتحرك ولا يتنفس وما تحمل ...وفي نهاية الامر لقى نفسه بالبيت وهو بالسرير واهله يقريوا عليه...اتصل محمد ب اخوه ليطمئن على عادل بعد ما اتصل فيه وهو ما يرد وخاف يكون صار فيه شيء... خبره بحالة عادل وان كل يوم يزداد سوء فقال له لا يكون يريد يتزوج وظروفه ما تسمح وكذا صار له، رد عليه الاخ لا الامر اكبر من سالفه الزواج كأنه فيه انهيار نفسي حاولت افهم شيء من الي يصير له ما قدرت ويقول كلام غريب دخلت غرفته حصلت عنده كتب غريبة وهو خلاص مافيه عقل معنا كـأنه جثه تتحرك مثل الرجل الالي وما عارفين شو الحل ...وخايفين عليه كثير,,,بعد ما اغلق محمد الهاتف اتصل بحسن وخالد وخبرهم وقرروا يزوروا عادل ولما شافهم ابتسم وما جلس معهم استغربوا من الامر ...محمد تذكر مقوله جده ان الجن لما يتلبسوا الشخص في راسه يكون مجنون وقال يمكن من الجن الي بالبيت استوى له كذا وبعد ما قال كذا محمد ع طول راحوا مع عالم وبعد معاينة حالته قالهم هذا فيه مرض نفسي والافضل تروحوا المستشفى ولما شافه الطبيب قالهم لازم نحوله مستشفى الامراض النفسية هذا حالته مستعصية ومتبلغ عنده الامر وشكله خلاص باقي شوي وبيكون مجنون ...عطوه ادوية مهدئات وغيرهن وهو حالته تستاء جدا لان الجن تلبسوه واصبح شخص بدون عقل...وكل يوم يشرب الادوية وتزيد الحاله
وقالهم الدكتور اذا ما شيء استجابة للادوية لازم يجلس معنا...
خالد كلما راح مكان حس بحد يلاحقه لما يركب سيارته ولما يخلي شيء في المقعد الامامي ع طول يسقط في الارض كأن احد بالكرسي ..يستغرب ويقول مو هذا الي يصير وفي يوم دخل غرفته بالليل الي هي بالبلد شوي يجلس بالكرسي ويسمع صوت يأن ويصرخ بصوت خفيف ..قال بسم الله من هناك ماحد تكلم وقف يغير ملابسه الي حد يمسكه من ظهره بقوة ويقوله مستحيل حد يقرب صوبك انا حبيتك وانت لي برضاك او غيره بس ما يشوف حد بس يسمع الصوت ويحس بالمسكة ويقرأ قرآن بس لازال الوضع لان الظاهر انها مسلمة والقرآن عادي تسمعه فجأة تجي عند خالد قوة وكأنه يلقي بها بالارض ويخرج بسرعه من الغرفه ويركض عند ابوه ويخبره بالسالفه قاله بسم الله من وين جتك هذي لا تخاف بنروح عند شخص يقرأ قرآن وكل شيء بيروح خالد خايف لا تسوي فيه شيء ...لا قدر يروح العمل ولا قدر يجلس في مكان بنفسه كانت لما تحصل فرصه بروحه تطلع له وتقوله نفس الكلام ...
خالد كان جالس يحضر بنفسه وفجأة....
وسمع صوتها بدلع شوي وهي تدلعه ويلتفت ويقول مرة جيتي انتي الله يخلصني منك ومن شرك..ردت عليه ما لك مفر خلاص خبرت كبيرنا وقال بيساعدني وبكون معك طول الوقت وانا لك وبلعب بشعرك الحرير و.... وهو يتعوذ وهي تتكلم وبعدين حس انها تقترب منه خاف بشدة منها وقالها اذا قربتي مني ما بتزوجك كان يريد ينقذ نفسه يسمع صوتها وخطواتها بس ما يشوفها فجأة حس بشيء يلمس خده ارتعب خالد لما بغى يقوم ما قدر كأنه حد مسكة وهو حضر كبير الجن وصل يريد يزوجها سمع اصوات واصوات وخالد يصرخ بس ماحد يسمع صوته...
اهل عادل واحد من جيرانهم خبرهم انه اكيد فيه جن ووصف لهم على عالم قرآن وفعلا
راحوا مع الشيخ لما شاف حالته قال الله يعينه ... اخذ ايده ومسك رأسة من صوبين مسكة قوية وقرأ له المرة الاولى وبدوا الجن يطلعوا ويتكلموا ....سألهم ليش دخلتوا هذا الشاب خبروه ان هو الي حاول يتعلم .....بس ما قدر وما تحمل واحنا كنا هناك ودخلنا فيه بلحظة خوف وقلة ايمان وما نريد نطلع منه ...قال لهم طلعوا وما رضوا
قال لهم بتطلعوا بالقرآن...قرأ له المرة الاولى وما شيء استجابة ،،، قالهم جيبوه يوميا لمدة اسبوع وبيرجع مثل ماكان...
خالد حالته صعبه في الغرفه ويرتجف خوف ويحس رأسه ينفجر فجأة يدخل اخوه الصغير واختفوا الجن وما قدروا يتموا الزواج
ركض خالد وهو يبكي عند امه ساعدوني شو العمل انا خايف بروح عنكم ساعدوني
امر خالد صعب الجن مو متلبسينه بس يراقبوه ويريدوا تحين الفرصه ويتم الزواج وبيكون بعالمهم
لما يكون نايم بغرفته يحس بشيء جنبة وولما يريد يخرج ما يقدر تكرر الامر مرارا
وقرر انه ما ينام بغرفته ولا ينام وحده ...ينام مع اخوه ويتكرر نفس الامر الاخ يجد نفسه بالارض
وهي تجلس جنبه ...
في يوم كان عندهم عرس ولد عمه وهو صديقة ولازم يكون كشخه بالعرس لانه بيمشي معه
كالعادة في غرفته يتجهزو يلبس الخنجر كلما يريد يصلحه يسقط الخنجر بالارض وتكرر الامر
وما حس بنفسه الا حد يدفعه بالكرسي وجلس ومسكة قوية ما قدر يتحرك
وبصوت اليوم يومنا وين المفر....انا لك وانت لي
امه عند الباب تقوله خلود يالله تأخرنا وهو يرد عليها بس ما تسمعه كأنه بمكان
بعيد...خالد من الخوف والرعب ما حس بنفسه فقد الوعي
ولما صحى في بيت غريب وهناك رجل ملتحي وفيه عمامه هع صرخ خالد يفتكر انه مع العالم الاخر
وضحك الشيخ وطمنه انه بأمان وربه نقذه ...بس كان بجسمة اثار اظافر حبيبته
طلب منه يواظب على القرآن ويبتعد عن اشياء كثيرة وفعلا اختفت حبيبته من الجن وبدت امورة تتحسن وترجع اوضاعه مثل ماكانت
عادل بدأت امورة تتحسن والعالم خبرهم بإلي كان عادل يريد يسوية وبموضوع الكتب
وفي نهاية الامر تم حرق الكتاب الي اشتراه بثمن غالي
حسن كان ليس احسن حظ من عادل وخالد
كان طالع بسيارته وشوي ابتعد عن البيت الي وحد يمسك البريك وانقلبت السيارة بعادل
ويشوف رجال شايب جنبة ويقوله تريد تجي معي وحسن ما فاهم شيء
وفجأة مجموعه شباب يقتربوا من حسن واختفى الشايب نقذوا حسن وفي المستشفى تكرر
نفس الشخص يوقف جنبة ويمسك ايده ....حضر اهل حسن واختفى
كان يتابعه مرار ولما وصل البيت حسن كان بعالم اخر ويهذي
اسبوع بنفس الحال وفي نهاية الامر كتب له شيخ حرز (آيات قرآنية ) وبدأ يرجع مثل ما كان
هههههههه والي كان يخاف بشده هو الي سلم من الجن ....محمد...
بعد شهر انتهى الامر وفهموا ليش الجن كانوا معهم
ويضحكوا على خالد وحبيبته من العالم الاخر ومحمد مسوي نفسه انه هو مطوع من كذا
سلم من الجن هههههههههه
ورجعوا الاصحاب مثل ما كانوا
وانت
هت سالفه الكتاب ونسى عادل كل شيء واقسم ما يتبع هالامور

ودمتم سالمين
واعتذر على سرعه الاحداث ودمجها لظروف وما وصفت لكم بالدقه الي صار مع خالد وحسن:cool:
تحياتي لكم\ورد
نلتقي في رواية اخرى


همسة
روايتي افتقدت تعليق الغالية على قلبي:confused:

[السفينة]

اعوذ بالله من الشيطان الرجيم ومن همزة ولمزه .. الواحد يقرا هذه القصة وشعر راسه يوقف. هذا درس لهم جميعا .. وعبره لنا .. ما شاء الله عليك يا ستي الفاضلة . اصبحتي كاتبه مبدعة.. وخصوصا اخذتي طابع سرد الحكاية بصورة مغايرة تمتع القارى بقراءتها اكثر من مرة .. لما لها من أحداث وتسلسل رائع . احسنتي ووفقك الله الى ما يحب ويرضا .. نتظر بشوق حكاية أخرى بقلمك الانيق .. كوني بخير.. حفظك الرحمن ورعاك..

[روانـــــووو]

اللهم سكنهم مساكنهم
قصة جميلة وفيها عبرة البعض ما يحس بتصرفاته إلا لما تصيبه المصايب منهم من يغني بالحمام وإنتوا بكرامة وبالنسبة للبنات لازم ما تفتح شعرها و تتسشور بالليل ولازم نواضب على قراءة الأذكار لنحمي أنفسنا
طريقة السرد جميلة جداً مبدعة يا ورد ماشاء الله عليك تمنياتي لك بالتوفيق

[اموووره]

مسايااااا ..❤

يا ربي ورووود بصراحه اقشعر جسمي ..
عاد خالد وحليله طاحت فيه اكثر شي ..
فعلا الواحد لازم يلازم قراءه القرآن وتحصين النفس بالاذكااار ..
بااارت مخيف خليتينا نحس بموقف ابطال الروايه ..
ابدعتي غاليتي وبإنتظاااار جديدك ..

شقرآ

[أميرة الروح]

رواية جدا رائعة ونهايتها رائعة
بأنتظارك في رواية جديدة
وفقك الله

[ورد القرنفل 1]

اعوذ بالله من الشيطان الرجيم ومن همزة ولمزه .. الواحد يقرا هذه القصة وشعر راسه يوقف. هذا درس لهم جميعا .. وعبره لنا .. ما شاء الله عليك يا ستي الفاضلة . اصبحتي كاتبه مبدعة.. وخصوصا اخذتي طابع سرد الحكاية بصورة مغايرة تمتع القارى بقراءتها اكثر من مرة .. لما لها من أحداث وتسلسل رائع . احسنتي ووفقك الله الى ما يحب ويرضا .. نتظر بشوق حكاية أخرى بقلمك الانيق .. كوني بخير.. حفظك الرحمن ورعاك..

استااذي
اسعدني مرورك الرائع وتعليقك المحفز
بارك الله فيك
تحياتي،،

[ورد القرنفل 1]

اللهم سكنهم مساكنهم
قصة جميلة وفيها عبرة البعض ما يحس بتصرفاته إلا لما تصيبه المصايب منهم من يغني بالحمام وإنتوا بكرامة وبالنسبة للبنات لازم ما تفتح شعرها و تتسشور بالليل ولازم نواضب على قراءة الأذكار لنحمي أنفسنا
طريقة السرد جميلة جداً مبدعة يا ورد ماشاء الله عليك تمنياتي لك بالتوفيق



هلا فيك روانوو نووووووورتي ...
اسعدني مرورك الرائع وتعليقك المحفز
بارك الله فيك
تحياتي،،