((((( يا حلا عذاب الهوى في سالف أزماني )))))

[نسر البوادي]

بخاوي الليل لين الصبح ياويني
واتلحف الضيق لين تعود لأحضاني

دامه غيابك لعب في حسبة سنيني
مالومه الدمع يومه طاح واشقاني

ياللي رسمت الوفا مابيني وبيني
وشلون ترضى اعيش بيوم وحداني !

انت اكثر انسان وارد في دواويني
حتى لمحت البشر طاحوا من أعياني

وانا اكثر انسان حبك وانت جافيني
يا حلمي شلون تتحقق مع ثاني !

خليتني للسهر وحدي يعنّيني
وشلون ضاع الوفا يا جملة أحزاني

الضحك في غيبتك ما عاد يعنيني
والبرد يسأل عن آخر عهد خلاني

وأجاوبه والدموع بضيق تكويني
ليته لدرب الغلا ما يوم ودّاني

حسبي على البعد كانه لاعب ٍ فيني
والمشكلة شوف ليه أصبحت إدماني

كان العمر شوك وانت أجمل بساتيني
كان السهر موت لين وصالك أحياني

ما كان به شخص وقت الشعر يرويني
الا انت ياللي سكنت بكل أركاني

لا مرك البرد كنت ألحفك عيني
لا جيت محتاجني .. محتاج القاني

لا غرّد الصبح ابدا بك عناويني
لا غابت الشمس كنت تدق بيباني

وافتح لك وتركضي يمّي تضمّيني
واضيع في ضمتك وتضيع عناويني

فجأة لقيت الوفا جاني يعزّيني !
يا قوّ قلب الوفا فيك انت عزّاني

للحين ماني مصدق لو تخونيني
خوفي اصدق وأعيش العمر وحداني

صحيح رحتي ولكن عايشه فيني
في كل ليله أعيش أيامنا ثاني

ببقى أحبك الين الموت يطويني
يا حلا عذاب الهوى في سالف أزماني

[أميرة الروح]

نص جميل جدا
بارك الله فيك

[نسر البوادي]

تسلمين اختي اميره الروح مرورك العطر اضاف الروعه ياذوووق
مرور لا عدمنااه

[حبي خالص]

اختيار جدا جميل اخي
كالعاده مبدع ومتألق بالاختيار

" نص يستحق النجوم الخمس "

[نسر البوادي]

تسلمين اختي حبي خالص مرورك العطر اسعدني ياذوووق

وشكرا على تزيينك الصفحه بالنجوم الخمس

[نوارة الكون]

اختيار جميل ومتميز اخوي
سلمت يمناك
ربي يعطيك العافيه

[نسر البوادي]

تسلمين اختي نواره مرورك العطر اسعدني ياذوووق

[رايق البال]

هلا فيك نسر ..
نص واختيار ولا اروع وجدا راقي
الف شكر لجهدك واختيارك وتفاعلك الجميل
طابت صباحاتك ..

[نسر البوادي]

تسلم استاذي رايق البال مرورك العطر اسعدني ياذوووق

[الشيخه الفلانيه]

قصيده جميله
كل الشكر ع الأنتقاء
يعطيك الله العافيه :)'

[نسر البوادي]

تسلمين اختي الشيخه الفلانيه مرورك العطر اسعدني ياذوووق