(((((( يجيبك الشــــــــــــــــــــوق )))))

[نسر البوادي]

يجيبك الشوق .. وألا تجيبك الحاجه
مصيرك لا صفعك الوقت .. تذكرني !!
أقفيت والحزن عقبك .. عاود أدراجه
ولا بقى إلا قصيدي فيك يجبرني !!


قبلك سمحت وهجرت العشق وإزعاجه
والشكر لله .. قبل الروح تشكرني ...
وشفتك وسلمتني قلبك ومزلاجه
وأصبحت تنهي على كيفك وتامرني !!


كنت أحسبك طبيب القلب وعلاجه
وأثرك تدّور على أدنى شي يكسرني !!
تسهر وترقد .. وشوقك طافي إسراجه
وأنا أتململ وطاري الشوق مسهرني !!


يامن بكاه القصيد العذب .. وإنتاجه
الله على كل طعنةٍ منك يأجرني !!
حركت بحر القصيد وهاجت أمواجه
وهذا هو اللي على فرقاك صبرني !!


قصيدةٍ من سحاب الشوق ثجاجه
منظومةٍ من رضا الجمهور تسترني
الله عطاك القبال .. ولبسك تاجه
وأعطاك من ما عطاني ما يكبرني !!


في طلتك ملح .. وبهرجتك ديباجه
متى على الله يجيني من يبشرني ؟!
يا آخر دروب الغلا اللي شيد سياجه
على خطا من غلاه العذب .. باشرني


يمكن مع الوقت حظي يضحك إحجاجه
يجيبك الله وتقول : أبطيت واعذرني !!

[حبي خالص]

الله عليك نسر
صح لسان قايلها ولا هنت على النقل الرائع أخي
يعطيك الله العافيه وكلك ذووق

" نص يستحق النجوم الخمس "

[نسر البوادي]

الله عليك نسر
صح لسان قايلها ولا هنت على النقل الرائع أخي
يعطيك الله العافيه وكلك ذووق

" نص يستحق النجوم الخمس "
تسلمين اختي حبي خالص مرورك العطر اسعدني
وشكرا على تزيينك الصفحه بالنجوم الخمس
وكلك ذوووق ياذوووق

[أميرة الروح]

نص رائع جدا وانتقاء أروع
بارك الله فيك

[نسر البوادي]

تسلمين اختي اميره الروح مرورك العطر اسعدني وكلك ذوووق

[روانـــــووو]

قصيدة جميلة .. نسر
كل الشكر لك على الإختيارات الراقية
تمنياتي لك بالتوفيق

[الشيخه الفلانيه]

نص جميل
كل الشكر عَ الأنتقاء
يعطيك الله آلعافيه :)'

[نسر البوادي]

تسلمين اختي روان مرورك العطر اسعدني وكلك ذوووق

[نسر البوادي]

تسلمين اختي الشيخه مرورك العطر اسعدني ياذووووق