"شف لي طريقه ..!!"

[♡سدرة المنتهى♡]

...



تعبت انا أنثر هم قلبي علـى النـاس
وتعبت ادور للحقيقـة حقيقـة..



يلعن أبوه شعور لابوه إحساس
لاجيت أسوي من جراحـي حديقـة..



شف لي طريقة لاغدى دربنا يـاس
تعبت أنا ترديد ( شف لي طريقـة )..



ماعاد ياسع للحزن أي كرّاس
وماعاد قلبـي يحتمـل أي ضيقـة..



شفني رشفت من الغرابيل كـم كـاس
والصبر مابلّت أمانيه ريقـه..



أكبر مصيبة طيحة إنسان حسّـاس
تسوى بعيني مـوت كـل الخليقـة..



أكذب على نفسى إذا قلـت لابـاس
والباس أصلا ًمـن زهـوري رحـيـقة..



ياما تعبت أشحذ من عيوني أنعـاس
مامر طيفه عينـي دقيقـة..



صعبه تشوف بعينك الحلم ينـداس
كنّك اتطفي .. من دموعـك حريقـة..



الموت ماهو لاانحني للتعـب راس
الموت نفسك لانحنـت للخليقـة..



كل الدروب أشوفها ياس فـي يـاس
سايق عليك الله ( شف لـي طريقـة )..



...

[أميرة الروح]

صعبه تشوف بعينك الحلم ينـداس
كنّك اتطفي .. من دموعـك حريقـة..
نص رائع جدا اختي
راق لي
بارك الله فيك

[اموووره]

أكبر مصيبة طيحة إنسان حسّـاس
تسوى بعيني مـوت كـل الخليقـة..

أكذب على نفسى إذا قلـت لابـاس
والباس أصلا ًمـن زهـوري رحـيـقة..

ياما تعبت أشحذ من عيوني أنعـاس
مامر طيفه عينـي دقيقـة..

الموت ماهو لاانحني للتعـب راس
الموت نفسك لانحنـت للخليقـة..

الله الله
انتقاااء جداً راااقي راااقني ..
يعطيك العااافية سدوره ..

(تستحق النجوم الخمس)

[الشيخه الفلانيه]

يَ هلآ بك " سدرة آلمُنتهى "
انتقاء جميل جداً عزيزتي
يعطيك الله ألف عافيه :)'

[رايق البال]

هلا فيك سدره ..
نص واختيار جدا راقي كما تعودنا منك
الف شكر لجهدك واختيارك وتفاعلك الجميل
طابت مساءاتك ..

[نوارة الكون]

سلمت يمناك اخي
انتقاء جميل وتواجد اجمل
دمت في حفظ الرحمن ورعايته