(((((( برد الجفا ما يرحم ضلوع مغليـك )))))

[نسر البوادي]

برد الجفا ما يرحم ضلوع مغليـك
يلعب بحسبة شوقي اللي فضحتـه



حتى لو إن البعد غيّـب طواريـك
عيّا يتخلـى عنـك قلـبٍ جرحتـه



حبك بقلبي مثل عـرش المماليـك
وحبي بقلبك ما أنمسح لومسحتـه



تسترسل الدمعات من فوق خديـك
فديت دمع الشـوق لامـن لمحتـه



تبغيني أجي قول لي كيف ماأجيك؟
وأنت الوحيد اللي بعمري ربحتـه



الوصف يستعصي في هيبة معاليك
ولاأظن يكفيني العمر لو شرحتـه



يا من غلاك مذوّبٍ مهجتـي فيـك
إسمك على جدران صدري نحتـه



أسهى وأحس إنك تنـادي وألبيـك
ياويل حالي جبت عيـدي وبحتـه



أنا دخيل عيونـك السـود يكفيـك
ذبحت قلبي من غـلاك وفضحتـه



نذرٍ على رقبتي نذر إنـي أبغيـك
هذاالصحيح بخاطـري واستبحتـه



ما باقي إلا أخطفك وأنهـزم فيـك
ومنجاء على أثرنا من أهلك ذبحته

[أميرة الروح]

نص رائع جدا
راق لي
بارك الله فيك عالانتقاء

[نسر البوادي]

تسلمين اختي اميره مرورك الرائع اسعدني ياذوووق

[اموووره]

ما باقي إلا أخطفك وأنهـزم فيـك
ومن جاء على أثرنا من أهلك ذبحته

:rolleyes::rolleyes::rolleyes:

ابوي شوي شوي مب لهالدرجة عاد هههه ..
قصيدة جداً جميلة اخي نسر ..
استمتعت بقراءتها ..

(طرح يستحق النجوم الخمس)

[نسر البوادي]

هههههه ترى في النهايه لازم كذا
تسلمين اختي اموووره مرورك الرائع اسعدني
ويعطيك العافيه ياذوووق على تزيينك الصفحه
بالنجوم الخمس

[تباشيرالأمل]

صباح الخير

نص شعري جميل

شكرا لك

[نوارة الكون]

سلمت يمناك اخي
انتقاء جميل وتواجد اجمل
دمت في حفظ الرحمن ورعايته

[الشيخه الفلانيه]

أنتقاء جميل اخي
شكراً لـ هذه الذائقه
يعطيك الله العآفيه ؛)'

[رايق البال]

هلا فيك نسر ..
لا جديد عليك هذا التميز والابداع
الف شكر لجهدك واختيارك وتفاعلك الجميل
طابت مساءاتك ..

[نسر البوادي]

صباح النور اختي تباشير
تسلمين ياذوووق مرورك العطر اسعدني

[نسر البوادي]

نواره تسلمين اختي مرورك العطر اسعدني وكلك ذوووق ياذوووق

[نسر البوادي]

الشيخه تسلمين اختي مرورك الرئع اسعدني
وكلك ذوووق ياذوووق

[نسر البوادي]

تسلم استاذي رايق البال مرورك العطر اسعدني
ويعطيك الف عافيه ياذوووق

[حبي خالص]

ابداااع راقي أخي
جداً راق لي اختيارك أخي
لا خلا ولا عدم رقي ذائقتك

[نسر البوادي]

تسلمين اختي حبي خاص مرورك العطر اسعدني
يعطيك الف عافيه ياذوووق