تذكر يوم جيتك برد .... ابي حضنك يدفيني

[حبي خالص]

،تذكر يوم جيتك برد.. أبي حضنك يدفيـنـي.."
رجعت وخاطري منك.. صقيع البرد في جوفه..​

تذكر ثورة اشواااقي.. ولهفه.. قلبي وعيـنـي.."
على شوفك تسابقني.. خطاوي الشوق ملهوفه..​

تذكر حرقة غيابك ..ونار البعد تكويـنـي.."
تذكر من على همه.. حمل همك على كتوفه..​

تذكر كم دعيت الله.. يحفظ خطاك وتجيـنـي.."
بعيد انته وأنا مدري.. وهمي يصفق كفوفه..​

تذكر كم سهر طرفي.. وحار الدمع في عيـنـي..".
وكم لجلك وهن حالي.. وزهري شانت وصوفه..​

أنا من كثر ما أحبك.. جهلت اللي يناديـنـي.."
ومن زود الغلا قلبي.. عشق زلاتك العوفه..​

أخبي لك بعض شوقي.. وادس الورد بيديـنـي.."
لجل ما اخترع عالم.. تحير العين من شوفه..​

أمـــوت بداخلي واضحك.. إذا في يوم تلفيـنـي.."
أبين لك فرح وجهي.. واداري عنك ظروفه..​

جعلت القلب له روضة.. زهرها أجمل سنيـنـي.."
سقيت ترابها بدمعي.. رعاها صدري بخوفه..​

غربيه كيف ما هزه.. وداع النور من عيـنـي.."
غربيه كيف ما زلزل.. بكايه أرضٍ تحوفه..​

جمد قلبي على بابه.. ووردي مات بيديـنـي.."
رحلت وخاطري منه.. صقيع البرد في جوفه..​

[أميرة الروح]

نص جميل
بارك الله فيك

[نسر البوادي]

الله الله عليك حبي خالص ابيات فاقت الروعه والابدااع
يعطيك الف عافيه ياذوووق

[رايق البال]

هلا فيك حبي خالص ..
نص واختيار راقي الله عليك الله
الف شكر لجهدك واختيارك وتفاعلك الجميل
طابت مساءاتك ..
( نص يستحق النجوم الخمس)

[روانـــــووو]

قصيدة جميلة حبي خالص
تسلم ذائقتك وإختيارك العذب
تحياتي لك 🌹

[الشيخه الفلانيه]

قصيده جميله
كل الشكر علىَ الأنتقاء
يعطيك الله العافيه :)'