((((((( والله أني كنت ألوم اللي يضيق إن غاب خله .. )))))))

[نسر البوادي]

والله أني كنت ألوم اللي يضيق إن غاب خله ..


لين جربت المحبة والفراق وقلت توبه..




نعنبو جد المفارق فيه هم وفيهذله ..


أثر كل الحب لذه والفراق اكبرعيوبه ..




أمس فارقت الغلا ومفارق الخلان عله..


ولعلاج الوصل لا تبلش طبيب ولاحبوبه..




الزعل هو سبة الفرقى يهز الحب كله ..


ليتني طولة بالي قبل لا يعلن غروبه ..




وهني اللي وسيع الصدر صدره وسع فله ..


غلطة الصاحب تجي وتروح ماهيب محسوبه ..




سامح الله طبعي اللي للتغيريالعله ..


قاضب (ن) خلك عزيز لين صارت لي عقوبه ..




ليش تحسب غلطة الصاحب على الصاحب مذله ..


ليش ما تحسب ميانه لو تجي عشرين نوبه ..




ولا وربي كنت أحبه حيل مادورتزله ..


لا تشكك في غلاه ولا تساعد في هروبه ..




لايمي قبلك تعبت ألوم شعارالمجله ..


كنت مؤمن في مقولة أعذب الشعرالكذوبه ..




وأثر كل (ن) في حياته له تجارب مستقله..


وأنت لاتشره على مثلي وتبلا لك بحوبه..




جان جابتك الحميه روح له تكفى وقل له..


لايخليني وإذا وده يخفف من ذنوبه..




يستخير وله غلا قلب (ن) صدوق مايمله..


فدوة (ن) له قلبي من شماله لي جنوبه..




يوم قفا والخفوق يفوح عقبه فوحدله..


وسط وقدت واحد (ن) عز الشتا والسهر دوبه..




لا تقهوى بارده من برد فنج الهوزله..


ثم قربها على جال الجمر وارهاش بوبه..




وين يدله الخفوق وكل مايدلهيتله..


طاري اللي يا كثر مااتعبت رجلي في دروبه..




لاطرأ جريت ونة من بلادهمستحله..


مثل ماراحت بلادي مع شعارات العروبه..




كل هاجوس يجيبه جعل شعري فدوة (ن) له..


واعذابي كل ما جابتلي القبله هبوبه..




مشغل قلبي بحبه دون خلق الله منالله..


هيه ياللي ممتلكني حسن وأسلوب وعذوبه..




ما سمعت إن الخوي له بالخوي تسعين زله..


وأنت طوف زلتي ياعل تفداك اللعوبه..




صاحبي سيف الهجر لا صرت تقدر لاتسله..


ماتظن العفو عند المقدره أكبرعقوبه..




ايه أنا اللي كنت ألوم الل ييضيق إن غاب خله..


بس جربت المحبة الفراق وقلت توبه

[أميرة الروح]

جميل جدا أنتقائك اخي
بارك الله فيك

[نسر البوادي]

اميره الروح تسلمين اختي مرورك العطر اسعدني ياذوووق

[حبي خالص]

انتقاء عذب ورائع أخي
شكراً لجمال اختياراتك وروعة تفاعلك

" نص يستحق النجوم الخمس"

[رايق البال]

هلا فيك نسر ..
نص جدا راقي واختيار عذب للغايه
الف شكر لجهدك واختيارك وتفاعلك الجميل
طابت مساءاتك ..

[نسر البوادي]

تسلم استاذي رايق البال مرورك اسعدني ياذووووق

[نوارة الكون]

سلمت يمناك اخي
انتقاء جميل وتواجد اجمل
دمت في حفظ الرحمن ورعايته

[نسر البوادي]

تسلمين اختي نواره مرورك العطر اسعدني ياذوووق

[الشيخه الفلانيه]

،



قصيده جميله
كُل آلششكرْ عَ آلأنتِقآء
يعطيكِ آلله آلععآفيهً :) !

[نسر البوادي]

تسلمين اختي الشيخه الفلانيه مرورك العطر اسعدني ياذوووق