..داااامـگ ملـگت الـرووووح ويـن الغــرابــه؟!..

[*~*عـاشقــة الجنــان*~*]

دامك ملكت الروح وين الغرابه

صعبه اعيش ايام عمري بلياك
وانت الحياة بدون شوفك كآبه

تعال خذني لاخر حدود دنياك
مليت اقاسي من زماني عذابه !!

حاولت لكن ما تحملت فرقاك
بُعدك عذاب وفي حضورك مهابه !!

للشوق فيني شي لا ماعتقد جاك
حوّل حياتي للملل والرتابه

أوقات اشوف ان الغلا ما تعداك
واحيان احس ان الهوى للغلابه !!

بين المحال وبين خافي نواياك
حار السؤال ولا لقيت الاجابة !!

كانك تقول هموم وقتك تقفاك
وش حيلة اللي صار همه زهابه

يطرد سرابك في متاهات رجواك
نفس الطريق اللي مشيته مشابه

قلب ٍ يحبك كيف يسلا وينساك
ماللفضاء لو شفت دونك رحابه

خليتني عايش على حد الادراك
مثل الجريح اللي تمادى صوابه

ماحد ٍ ملأ عيني من الناس لولاك
في غيبتك كل الاوادم تشابه !!

هذا الشعور اللي من اقصاي ينخاك
يبي القليل وما عطيته رضابه

كل القصايد داخلي همها ارضاك
غلاك مدادي لا بغيت الكتابه

أجيك كلي يوم كلي فداياك
كلش يهون الا الغالي وغيابه

رد الوفاء والغلا للي تمناك
قفّى العمر واحلى ليالي شبابه

جاتك مشاعروأحاسيس مالها غير شرواك
دامك ملكت الروح وين الغرابه



مما رااااق لي لكم..

[رايق البال]

هلا فيك عاشقة الجنان ..
نص واختيار ولا اروع واحييك على هذه الذائقه
الف شكر لجهدك واختيارك وتفاعلك الجميل
طابت مساءاتك ..
( نص يستحق النجوم الخمس)

[حبي خالص]

وراق لي اختيارك عزيزتي
يعطيك الله العافيه ودمتي برقي ذوقك

[أميرة الروح]

نص واختيار جميل
بارك الله فيك

[*~*عـاشقــة الجنــان*~*]

هلا فيك عاشقة الجنان ..
نص واختيار ولا اروع واحييك على هذه الذائقه
الف شكر لجهدك واختيارك وتفاعلك الجميل
طابت مساءاتك ..
( نص يستحق النجوم الخمس)
كل الشكر ع مرورك العطر استاذي..كلك ذوووق
كل الشكر

[*~*عـاشقــة الجنــان*~*]

وراق لي اختيارك عزيزتي
يعطيك الله العافيه ودمتي برقي ذوقك
كل الشكر ع مرورك العطر ..كلك ذوووق
كل الود

[*~*عـاشقــة الجنــان*~*]

نص واختيار جميل
بارك الله فيك
كل الشكر ع مرورك العطر ..كلك ذوووق
كل الود