حبي خالص
12-10-2014, 10:47 AM
يالله ياخالق سما وأرض وأبراج
ياكاتبٍ للعبد موته ومحياه
يا من جميع الناس لرضاه تحتاج
حاجة مريضٍ ينظر الموت لدواه
يرضيه شوف العابد الحافي الحاج
ولا يجيب رضاه مالٍ ولا جاه
ويرضيه صوت مهمهمٍ فوقه سراج
عبدٍ إلا جا تالي الليل ناجاه
يقدر يمد الخلق لو جوه أفواج
يعطي ويمنع يعني الرزق برضاه
العمر مثل اليم وأيامه أمواج
والموت مثل السيف ما جاه زكاه
عبدك وأدور من سجن همي افراج
إلطف بعبدٍ لا لحقه همٍ أقصاه
وإلطف بعدٍ لفه الوقت بسياج
لا هو بكاسرها ولا هي بمرخاه
وإلطف بقلبٍ بالتنهاد لجاج
على الذي ما تبت من زود لقياه
وإلطف بعينٍ دمعها دوم زعّاج
لون امحجرها مجهمٍ عقب فرقاه
لا فاقدٍ منصب ولا فاقدٍ تاج
لكن فقدت أغلى من الشوف لا تاه
طيري غدى لا زيد عاود لا راج
أدعيه بفوادي ولا رد لدعاه
متّ برجاه ولا التفت لي ولا انعاج
لا أقنعت من وصله لا ظني ألقاه
ياللي تقول تعيضني فيه بأزواج
الله يعيض العين في زيد لاماه
اترك فوادي ينفد دعاه بخلاج
واعتق سبيله كان لك قلب لله
خلّه يبرّد حرّته بالتنشاج
مادام حيلتك الحكي والمواساه
عليه دام الليل للصبح ينباج
وأنا فوادي يشكي أقصاه لأدناه
عقبه وأنا بين المخاليق دواج
صيدي ونين وهم والقلب ما أخلاه
إليا طرت لي ضيعته وسط الإزعاج
سج الفؤاد إذني بونته وبكاه
ما عاد به طربه ولا فلة حجاج
الطير قفى والعوض فيه طرياه
ياكاتبٍ للعبد موته ومحياه
يا من جميع الناس لرضاه تحتاج
حاجة مريضٍ ينظر الموت لدواه
يرضيه شوف العابد الحافي الحاج
ولا يجيب رضاه مالٍ ولا جاه
ويرضيه صوت مهمهمٍ فوقه سراج
عبدٍ إلا جا تالي الليل ناجاه
يقدر يمد الخلق لو جوه أفواج
يعطي ويمنع يعني الرزق برضاه
العمر مثل اليم وأيامه أمواج
والموت مثل السيف ما جاه زكاه
عبدك وأدور من سجن همي افراج
إلطف بعبدٍ لا لحقه همٍ أقصاه
وإلطف بعدٍ لفه الوقت بسياج
لا هو بكاسرها ولا هي بمرخاه
وإلطف بقلبٍ بالتنهاد لجاج
على الذي ما تبت من زود لقياه
وإلطف بعينٍ دمعها دوم زعّاج
لون امحجرها مجهمٍ عقب فرقاه
لا فاقدٍ منصب ولا فاقدٍ تاج
لكن فقدت أغلى من الشوف لا تاه
طيري غدى لا زيد عاود لا راج
أدعيه بفوادي ولا رد لدعاه
متّ برجاه ولا التفت لي ولا انعاج
لا أقنعت من وصله لا ظني ألقاه
ياللي تقول تعيضني فيه بأزواج
الله يعيض العين في زيد لاماه
اترك فوادي ينفد دعاه بخلاج
واعتق سبيله كان لك قلب لله
خلّه يبرّد حرّته بالتنشاج
مادام حيلتك الحكي والمواساه
عليه دام الليل للصبح ينباج
وأنا فوادي يشكي أقصاه لأدناه
عقبه وأنا بين المخاليق دواج
صيدي ونين وهم والقلب ما أخلاه
إليا طرت لي ضيعته وسط الإزعاج
سج الفؤاد إذني بونته وبكاه
ما عاد به طربه ولا فلة حجاج
الطير قفى والعوض فيه طرياه