أنساااااان

[تباشيرالأمل]

. إنسان ليت إنك عرفته من سنين
وإنسان ليت إنك أبد ما عرفته

وإنسان مايسقط خياله من العين
وإنسان ماكنك مع الوقت شفته

وإنسان لو تجعله القلب قلبين
مايبين بعينه وإذا بان عفته

وإنسان لو تجعله الجسم جسمين
تقول ما وفيت ولا انك نصفته...

وإنسان عايش في حياته بوجهين
وكل وقت له زامه ومعروف شكله

فإن شاف منك مصلحه طلع الزين
وتقول تو ورد المحبه قطفته

وإن شاف مابك مصلحه طلع الشين
وخلاك تكره عمرك إنك صدفته

وانسان وجهه واحد وماله اثنين
والنوع هذا طيب إليا اكتشفته

إليا حشمته تدري بحشمتك وين
وتحس بالتقصير لامن وصفته

والله خلق والله فرق والوفا دين
والجرح تشعر به ليا من نزفته

للشاعر سعد المطرفي

مما راقي لإحساسي

[رايق البال]

هلا فيك تباشير ..
نص واختيار جدا رائع واحييك عليه
الف شكر لجهدك واختيارك وتفاعلك الجميل
زانت ايامك ..
( نص يستحق النجوم الخمس)

[ابوقيس99]

أستاذتي تباشيرالأمل سعدنا بهذا الطرح الرايع شكرا لك

[مفآهيم آلخجل]

ذآئقة رآئعة

إنتقآء مميز

كل آلشكر لك..~

[أميرة الروح]

نص جميل راق لي
بارك الله فيك

[نسر البوادي]

الله الله عليك ياذوووق ابيات فاقت الروعه والابدااع

[الشيخه الفلانيه]

قصيده جميله عزيزتي تباشير
كل الشكر عَ الأنتقاء
يعطيك الله العافيه :)'

[عملاق الشعر]

تباشير


نص جداا راائع اختي



سلمت يداك المبدعة وذوقك الراقي