((((( خليتني مخدوع في شكل خلي... )))))

[نسر البوادي]

يا صـانــع المــكـيــاج الله يجازيـك...
خليتني مخدوع في شكل خلي...

الله يـحرق مـصـنـعـك مع مباَنيك...
والمعرض الموجود في بيكاديلي...

خليتني اركض ورا البنت هاذيـك...
واشوفها أجمل غرام حـصـل لـي...

قلبي عشقها يا(جيفنشي) توماتيّك
وان شافها قلبي يرحب يهلي

هي رحبت بي وقالت الله يحييك
وقالت هلا باللي عشق زين شكّلي:

وقالت أنا أجمل بنت في اللي حّواليك
شف حسني الأخاذ وروجي العسّلّي

طالعتها ثم قلت هالقلب يبغيك
ومن شاف حسنك خلى غيرك يـولي

ابغي اشوفك دون مكياج يكسيـك
وابغي اشوفك بالجمال المحلي

قالت تبيني افرك الوجه تفريك
واشيل هالبودر وروجي وكحلي

قلت أي نعم قومي عسى الروحّ تفديك
ابغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وحسيت الأرض تدور وأنا بمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلّـي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكـيك
لا لا اتسرع ثم تنغش مثلي

اللي بلا مكياج خلها حواليـك
واللي تحط مكياج .. خلهاْ تولـي

[حبي خالص]

هههههه
حرام الوصف قصف جوي
بس اللي يركض خلف الجمال يستاهل
يعطيك العافيه أخي

[أميرة الروح]

هههههه قصف محترم
هذا جزاة من ينظر لجمال الوجه
بارك الله فيك عالانتقاء

[نسر البوادي]

تسلمين اختي حبي خالص مرورك العطر اسعدني
مرورك لاننحرم من يعطيك الف عافيه

[نسر البوادي]

تسلمين اختي اميره الروح مرورك العطر اسعدني ياذوووق

[مفآهيم آلخجل]

ذآئقة رآئعة
إنتقآء مميز
كل آلشكر لك..~

[نسر البوادي]

مفاهيم الخجل تسلمين اختي مرورك الرائع اسعدني ياذوووق