أميرة الروح
02-05-2017, 09:54 AM
قصيدة ياقلب لاتحزن
الكون موحش والزمن فاقد إحساس..
والهم ينسج من خيالي قصيده..
أكتب همومي بالقلم فوق قرطاس..
وأرسم معاناة الجروح الجديده..
القلب وش خلاه مخنوق الأنفاس..
بين الضلوع العوج ينزف وريده..
الا الفراق وغربة الناس للناس..
وبعض السوالف والعلوم المكيده..
ياقلب لاتحزن ولا يغلبك ياس..
إرتاح و إستبشر بلحظه سعيده..
أقولها ياقلب لا باس لا باس ..
لاتقهرك سود الليالي العنيده ..
اللي ذكر طيبي على العين والراس..
واللي تجاهلني تجاهلت سيده..
ماهمني من باعني دون مقياس..
عزيت نفسي والأماني بعيده ..
أنا كذا طبعي مع كل الأجناس..
القلب عزيته و شديت قيده..
حوله من الأضلاع حطيت حراس..
تحميه من غدر الليالي الشديده..
اللي يذوق الغدر صافي من الكاس..
لابد يتعلم و علمه يفيده ..
ضويت لي في سود الأيام نبراس..
يهدي حياتي للدروب الرشيده..
محشوم فكري عن تفاكير الأدناس..
نفسي عن الهفوات دايم زهيده..
واللي يحاول يسرق اللولو والألماس..
ماطالته عينه ولاطالته إيده ..
يبطي ويشهر للبشر ذل الأفلاس..
لابدد أمواله بيفلس رصيده ..
ماكل صيد يجيبه الحر قرناس ..
يموت بالرمضا ولاهو يصيده..
واللي يحاول يكسر الراس بالفاس..
مثل الذي بيده يكسر حديده..
كتبتها جمله أنا بين الأقواس..
(لاتقرب النيران جسمك تبيده)..
أعوذ بالرحمن من كل خناس ..
من الوساوس والحياة البليده ..
ياوجد حالي كل ماهب نسناس ..
سافرت بافكاري لدنيا بعيده ..
أتذكر اللي غاب من خيرة الناس..
اللي وصوفه في خيالي فريده..
محشوم وافي طيب العرق والساس..
بين البشر مافيه شخص نديده ..
نسله من الأحرار والعرق دساس..
غيب عن عيوني بساعه نكيده ..
بصبر على فرقاه والقلب حساس..
حياتنا ماجت على ما نريده .
الكون موحش والزمن فاقد إحساس..
والهم ينسج من خيالي قصيده..
أكتب همومي بالقلم فوق قرطاس..
وأرسم معاناة الجروح الجديده..
القلب وش خلاه مخنوق الأنفاس..
بين الضلوع العوج ينزف وريده..
الا الفراق وغربة الناس للناس..
وبعض السوالف والعلوم المكيده..
ياقلب لاتحزن ولا يغلبك ياس..
إرتاح و إستبشر بلحظه سعيده..
أقولها ياقلب لا باس لا باس ..
لاتقهرك سود الليالي العنيده ..
اللي ذكر طيبي على العين والراس..
واللي تجاهلني تجاهلت سيده..
ماهمني من باعني دون مقياس..
عزيت نفسي والأماني بعيده ..
أنا كذا طبعي مع كل الأجناس..
القلب عزيته و شديت قيده..
حوله من الأضلاع حطيت حراس..
تحميه من غدر الليالي الشديده..
اللي يذوق الغدر صافي من الكاس..
لابد يتعلم و علمه يفيده ..
ضويت لي في سود الأيام نبراس..
يهدي حياتي للدروب الرشيده..
محشوم فكري عن تفاكير الأدناس..
نفسي عن الهفوات دايم زهيده..
واللي يحاول يسرق اللولو والألماس..
ماطالته عينه ولاطالته إيده ..
يبطي ويشهر للبشر ذل الأفلاس..
لابدد أمواله بيفلس رصيده ..
ماكل صيد يجيبه الحر قرناس ..
يموت بالرمضا ولاهو يصيده..
واللي يحاول يكسر الراس بالفاس..
مثل الذي بيده يكسر حديده..
كتبتها جمله أنا بين الأقواس..
(لاتقرب النيران جسمك تبيده)..
أعوذ بالرحمن من كل خناس ..
من الوساوس والحياة البليده ..
ياوجد حالي كل ماهب نسناس ..
سافرت بافكاري لدنيا بعيده ..
أتذكر اللي غاب من خيرة الناس..
اللي وصوفه في خيالي فريده..
محشوم وافي طيب العرق والساس..
بين البشر مافيه شخص نديده ..
نسله من الأحرار والعرق دساس..
غيب عن عيوني بساعه نكيده ..
بصبر على فرقاه والقلب حساس..
حياتنا ماجت على ما نريده .