قلي وش الي جازلك بس واختار

[نوارة الكون]

قلي وش الي جازلك بس واختار



سلام عليكم ورحمة الله وبركاته




وبعد




هاذي قصيده ارسلها صديق لي ورديت عليه الاولى قصيدته




سلام ياسيف ن على الحق بتار
سيف ن شطير وعزته في نصابه
يابدر يانسل المطاليق الاحرار
الجرح يابو تركي عاين صوابه
انا اللذي يابدر قد ذقت الامرار
اخوك يابو تركي مغرم صبابه
على اللذي في داخلي ولع النار
غرون مدلع غض باول شبابه
ياليتني يابدر مع جنبهم جار
ولا بني عمي وحنا قرابه
لاكن من الاجناب يامبعد الدار
وبيني وبين اهله سوات الحرابه
وانا على وضح النقا ماقرب العار
لأني من الذيبه وربعي اعتابه
ياما على شانه تحملت الاسفار
وتخنقني العبره اذا جيت بابه
يابدر علمني ترى اخوك محتار
من لايع الفرقا ولاحدن درابه
يابدر لامن الزمن فوقنا جار
وصارت ظروف ن كلبوها تشابه
يابدر تكفا بلغ طوال الاعمار
اقنب بعد فرقاه مثل الذيابه
والله مايوصف شعوري بالاشعار
والعشق انا مابين ضرسه ونابه




والقصيده التاليه ردي في الاخ شبيب واتمنى ان تنال على اعجابكم من جديد






يامرحبا ترحيبة دمها حار
ترحيبة تشبه قنيب الذيابه
ترحيبة تعداد حبات الامطار
وعداد مانبت الزهر في ترابه
وعداد مايجمع من اللول بحار
الي يغوص مع البحر مايهابه
ترحيبة مصبوبها بن وابهار
مع ريح عودن تاجر الهند جابه
واهلا هلا ميه وتسعين مليار
تاصل شبيب وتحضنه وتحفابه
رجل وفي من طويلين الاشبار
من لابة مامثلها اي لابه
حر تربى له على كف صقار
ولا مثل نمر ملا الدم نابه
ياصاحبي هاذي دواليب الاقدار
كل عرف فعله وكل ن درابه
من عادته فرقى المواليف باصرار
هاذا هو اسلوبه ولا به غرابه
وعشق ن بليا وصل ماحوله اثمار
نعرف قوانينه ونقرى اكتابه
امر تدلل وش تبي سر واجهار
بالمال ولا الجاه ولا الحرابه
ان كانها بالمال حط رقم واصفار
وان كانها بالجاه وبل وسحابه
وان كانها ياخوك بالسيف والنار
حنا هل الطالات ربعك اعتابه
قلي وش الي جازلك بس واختار
ولا يحرقك بعد الحبيب وعذابه

[الشيخه الفلانيه]

انتقاء جميل عزيزتي
كل الشكر على الأختيار
يعطيك الله العافيه :)'

[مفآهيم آلخجل]

ذآئقة رآئعة

إنتقآء مميز

كل آلشكر لك..~

[نوارة الكون]

انتقاء جميل عزيزتي
كل الشكر على الأختيار
يعطيك الله العافيه :)'
اسعدني مرورج اختي
دمتي في حفظ الرحمن

[نوارة الكون]

ذآئقة رآئعة


إنتقآء مميز


كل آلشكر لك..~

اسعدني مرورج اختي
دمتي في حفظ الرحمن

[أميرة الروح]

نص جميل وانتقاء اجمل
بارك الله فيك

[حبي خالص]

اختيار جميل عزيزتي
كلك ذووووق

[رايق البال]

هلا فيك نواره ..
اختيار جدا رائع الله عليك الله
الف شكر لجهدك واختيارك وتفاعلك الجميل
طابت مساءاتك ..

[نوارة الكون]

نص جميل وانتقاء اجمل
بارك الله فيك


اسعدني مرورج اختي
دمتي في حفظ الرحمن

[نوارة الكون]

اختيار جميل عزيزتي
كلك ذووووق


اسعدني مرورج اختي
دمتي في حفظ الرحمن

[نوارة الكون]

هلا فيك نواره ..
اختيار جدا رائع الله عليك الله
الف شكر لجهدك واختيارك وتفاعلك الجميل
طابت مساءاتك ..



اسعدني مرورك استاذي
دمت في حفظ الرحمن