.. ضحكة برودي ..

[مجنونك ما يخونك]

​بديــت بإسـم الله عـدد كـل مخلـوق

الرازق المعـطي بفضـله يجـودي




يوم البشر ما بين عاقـل ومطفــوق
بـداوي العلة فـي ضحـكة بـرودي


اقطف اغصان الفكر واهدي عذوق
واطيّبك معـني منْ بخـور عـودي


واعطيك بحلو الكلام شهـد وتـذوق
سلسبيل حكمه من زلال إعـْدودي


مات الشجر واقف وحيه به عروق
شـف الحياه نبت ورث الجــدودي


ما يرتفع شخـص ٍ تعـلم على بـوق
ولا يستـوي طير النعام بـجـرودي


احـدٍ بوسط الشبك واحدٍ به سبـوق
ورجلٍ يطيع الامـر ورجلٍ يقودي


الشمس لحافي القدم تسبب حروق
واللي زرع وردهـ بيجني ورودي


احذر تسيء للناس وتسبب غلوق
تجرح شعور البشر منتَ محدودي


خلك حشيـم الـذات وعـالي الـذوق
ولايجي قلبك مثل قلب الحسـودي


ارفع مقام النفس ان لاحت بـروق
يوم إنْ سمــو الـذات يرقى سنـودي


الجرح بوسط الحشا يسبب فتـوق
عند الكرامه شف جوارحنا تـذودي


ترا الغبن يجعل من الرجل مخنوق
كـتم معـالم جـرح ما بـاح سـدودي


وياللي تبي عدل وانصاف وحقوق
بختم لك القيـفان ليت تفهم ردودي


الله وهب لي هامة بالسحب فـوق
ما تنـزل لقاع الارض الا بسجـودي..

[أميرة الروح]

نص جميل وانتقاء اجمل
بارك الله فيك
(يستحق النجوم الخمس)

[حبي خالص]

رائع جداً
يسلم الذووووق عزيزتي

[الشيخه الفلانيه]

أنتقاء جميل
كل الشكر علىَ الطرح
يعطيك الله العافيه :)'

[رايق البال]

هلا فيك مجنونك ..
اختيار جدا رائع الله عليك الله
الف شكر لجهدك واختيارك وتفاعلك الجميل
طابت مساءاتك ..

[مفآهيم آلخجل]

ذآئقة رآئعة


إنتقآء مميز


كل آلشكر لك..~

[نوارة الكون]

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته