مســــــتحيل ابكيك لين الغرب يبكون صــدام

[مجنونك ما يخونك]

مســــــتحيل ابكيك لين الغرب يبكون صــدام




حـبـك بقلـبـي حـطــم انـــواع الارقـــام
الـنــاس تـتـقـدم وانـــا دون فـــي دون





كـنـي سجين(ن)ينتـظـر حـكـم الاعــدام
حان الرحيل وضـاق بـه واسـع الكـون







قـــام يتـخـيـل بـكــره اطـفـالــه أيــتــام
لاغـاب عنهـم كـيـف ممـكـن يعيـشـون







ابقـول لـك شي(ن)بصـدري مـن الـعـام
ابصـارحـك وابـيـح لــك كـــل مـكـنـون







وقـــــول لـلـحـســاد حــاقـــد ونـــمـــام
هـذا الصحيـح وسـو و الـلـي تـسـوون







كلـمـةاحـبـك كـلـهــا كــــذب واوهـــــام
مثلي سـوات اللـي مـع الخيـل يمشـون







سمعـت لــي ناس(ن)يعـزفـون الانـغـام
وقمت اصلـخ اشعـاري مثـل مأيقولـون







احد(ن)يقـول انــه مــن الـحـب منـظـام
واحد(ن)يـقـول انــه مـتـيـم ومـجـنـون







واخـر نحـل جسمـه مغـر جلـد وعـظـام
وناس(ن)على جمر الغضا منه يصلون







وبنت(ن)يقولـون الـعـرب حبـهـا ســام
والـنـاس مــن سـبـة هـواهـا يمـوتـون







واللى سدا حروفه على وصف الاجسام
وصف الشعر والطول والعرض واللون







رســم كــذاء مـــأ يـرسـمـه أي رســـام
لاقــالــهــا كــــــن الاوادم يــشــوفــون







وناس(ن)يقـولـون الفـنـا فوقـهـم حــام
اشوفهـم فــي بـعـض الاحـيـان يبـكـون








لاوالـــذي يلـهـمـنـي حــروفــه الــهــام
ويصـرف الـد نيـا مــن الـكـاف للـنـون







ماابكـيـك لـيـن الـغـرب يبـكـون صــدام
ويبكون اهل غـزه عـاى مـوت شـارون







وبوش الأمريكي يرتـدي بيـض الاحـرام
ويطـوف بالكعبـه مــع الـلـي يطـوفـون







وبلـيـر يـشـري لــه مجـاهـيـم وخـيــام
يـــوم ان ربـعــه دون رفـحــا يـشـتـون







استـغـفـرالله مـابـقــي غــيــر الاقــــزام
لا والله الا عـــــن وطــنـــا يـعـقــبــون







مأيـقـربـون الـبـيـت عــبــاد الاصــنــام
الـلـي عـلـى تفـريـق الاجــواد يسـعـون







يـــادار لاتـخـشـى صــواديــف الايــــام
واخـوان نـوره بعـد ربـي لـك حـصـون







يـبـكـيـنـي الــلـــي لـلـمـلــذات هـــــدام
ليـا ذكرتـه صـا بـنـي خــوف وجـنـون







يـاكـم مـــن حـيــا بـعــد فـرحـتـه نـــام
نـوم العوافـي واصبـح الصبـح مـدفـون







الحـب عـنـي بـعـد صنـعـا عــن الـشـام
مــادووره لــو دوور السـلـم صـهـيـون







الحـب مايسـكـن صــدر حــاف الاقــدام
صـدري قبـل حبـك مـن الويـل مسكـون







مافيـه شــي اطـيـب مــن الـحـظ لاقــام
وحـظـي انــا يابـنـت قـاسـي ومـلـعـون







عنـدي شهـادة طـب فـي رعـي الاغنـام
واصلت ليـن اصبحـت جنـدي ومديـون







مـاامـلـك الا ثــــوب وشــمــاغ بــســام
ودد سـن تبـي تغييـر علـبـة دركـسـون







ابــوي تراه مــن وراء عـــرق لـــزام
كـنـي اشـوفـه فــاول الـــذود بـالـشـون







يفـرش مـن الرمضـا فراشـه لـيــا نــام
ويـدرس مـن الصحـراء تعاليـم وفنـون







يابـنـت مـأيـروي ضـمـا الكـبـد حـجــام
عـلـيـك بـاالـلـي بالـمـسـاجـد يــعــدون






يـفداك ذيـــب(ن)شـقـردي ومــقــدام
مشهـود لـه مـن زمـرة الـلـي يصـلـون






مـدربـه عـــوده عـلــى طـبــع الاكـــرام
لوكـان مـا يمـلـك مــن الـمـال مـاعـون






يكـفـي علـيـه انـــه مـصـلـي وصـــوام
و ليـا وعــد بالـوعـد وافــي مضـمـون







اخيـر لـك مــن شـاعـر احــلام واريــام
يــوم سعـيـد وعـشـرة أيـــام مـحــزون







اهــل الشعريـابـنت مــن قـبـل الاســـلام
قـيـل انـهـم فـــي كـــل وادي يهـيـمـون







وان هـام واحـد واطـرب النـاس لاهــام
ماهـيـب لله قـصــده الـنــاس يـوحــون







ابكـي وانــا ببـكـي تــرا الــدور بـالـزام
اخفـي دموعـك واحـذر النـاس يــدرون







قولـي همـومـك بــس فـحـدود الاحـكـام
وسـرك لـيـا قلتـيـه فالحـفـظ والـصـون







الله يـالـيـت الــحــب بـالـمــال يـنـســام
ابشـتـري لــك مـنـه خمسـيـن كـرتــون







ونعـيـش فــي دنـيـا كــذا كلـهـا احــلام
وسخـر حـروفـي لــك انـغـام واللـحـون







انـتـي قـمـر لاصــار نــور القـمـر تـــام
انـوارك ان غـاب القـمـر عـنـه يكـفـون







افـرش لـك الدنـيـا بـسـا تـيـن واهــرام
انتـي ولا غيـرك عـلـى روحــي يـمـون







استـغـفـر الله خـــاف يلـحـقـنـي اثــــام
شفتـي تناقـض راعـي الشعـر وشلـون







مــــره غــــرام ومــــره جــــروح والام
ومره نصائح شخـص صـادق ومغبـون







انـــا وشـعــري بيـنـنـا ولـــف وهـيــام
هـو منفـتـن فيـنـي وانــا فـيـه مفـتـون







مـجـرم شـعـر متـعـدي حــدود الاجــرام
يامـا بكـت مـن سطـوة حروفـي عيـون







يامـا تثـنـت مــن وراء حـروفـي اقــلام
فـي يديـن اهلـهـا وصفـقـو مأيحـسـون







الـعـذر فالتقصـيـر يـاوجـيـه الاحـشــام
وانــا لـكــم شـاكــر وذاكـــر ومـمـنـون







تحيــــــــــاتي

[نسر البوادي]

دائما ارى الروعه والجمال حليف صفحتك اختي مجنونك تسلمين ويسلم الذووق

[أميرة الروح]

ابداع متواصل اختي
قصيدة جميلة
بارك الله فيك

[ثابت الخطى]

مبدعه اختى الفاظله
بارك الله فيك

[نوارة الكون]

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته

[مفآهيم آلخجل]

ذآئقة رآئعة

إنتقآء مميز

كل آلشكر لك..~

[مجنونك ما يخونك]

http://my.mec.biz/attachment.php?attachmentid=126285&d=1320758611