طفولة معاق تحكى معاناه مؤلمه

[ثابت الخطى]

قصيدة قرئتها واعجبتني واحب اني اشارك فيها واتمنى انها تعجبكم

وهي للشاعر محمد عويضه ...

تعبر عن واقع المعاق في مجتمعنا...

قصيدة محزنه ومؤثره ...

أالطفوله ..

أحلى مافي هالحياه

مرحله من غير هم

كنا دايم نبتسم

كنا حتى لو بكينا ... وجارت الدنيا علينا

بعد لحظات وثواني ...

بسمه فينا ترتسم

كنا نركض خلف كوره ... لا لا أنا ماكنت معهم؟

وحدي بس بعيد عنهم ... كنت أضحك من ضحكهم ...

جالس لحالي أهذري... جالس أحسب كم( كوبري )...

صلحه( أحمد ) في ( ماجد ) ؟؟

والله واجد!!

وقبل ما يحل الظلام ...

للبيوت نروح نجري ... لا لا أنا ماكنت معهم !

أمشي وحدي بعيد عنهم ... أمشي وأعدد أثرهم!

وهم عني يبعدون ...

يبعدون ... يبعدون ...

إلا( ماجد )!

كان مثلي حيل ضايق ...

بس حزني كان حارق

كان يسألني ببراءه : ...

ليش تعرج ؟ ... قلت مادري ! - باستياء -

ليش تبكي ؟ قلت مابكي - بكبرياء -

ضاق مني ...

ثم سألني في غباء ...

قال ( وثرايك تثابق )؟

وراح عني ... !!


****************************

كنت أسأل دوم نفسي ...

ليش ما أركض معاهم ؟؟

ليش دوم أمشي وراهم ؟؟

وش بلاي ؟؟ أو وش بلاهم ؟؟

ليه أنا غير الأنام ؟؟
زاحمتني الأسئله...

كل شي أجهله ؟

وإن تعبت من الإجابه...

أحظن الحيره وأنام .


*****************************

مرت سنين وكبرت ...

صار همي اليوم أكبر

حتى دمعي صار أكثر

للأسف توي قدرت ...

أفهم إني شخص ( عاجز )!

يعني بيني وبينكم

مليون حاجز !!!

صدقوني ذي حقيقه ...

لا طلعت السوق ... كل مامشي دقيقه

القى كل شوي أبله !

يمشي ويناظر صديقه ...

ويغمز له

يقول : ناظر...!

وش يناظر ؟؟

وتتفجر في خفوقي
ألف ضيقه

ووحده في وسط الزحام ...

طالعتني باهتمام ...

بنت في عمر الزهور ... أي رشاقه ... وأي أناقه ...

وأي عطور !!

قلت في نفسي ياهووووه

هي تناظرني بغرام ؟ أو هي نظره والسلام ؟

بس أكيد إنها تعرفني ... شايفتني ؟

شايفتني في جريده ؟

واعجبتها لي قصيده ؟

إيييييه أنا توي افتكرت ...

لي قصيده ...
كنت ناشر معها صوره

بس صوره ... ياسلا م

وفاجأتني ...

لما صارت لي قريبه ... كانت تتمتم بطيبه

( يكسر الخاطر حرام ) !!!!!

وتركت دمعه غريبه ...

وضاعت بوسط الزحام

دمعه كانت تحكي وضعي ... زلزلتني

ارتطم قلبي بضلعي ... دمرتني

صدقوني ...

أصعب اللحظات وأقسى

لاغدا الرجال يكسر ... خاطر انثى

كيف ينسى ؟؟؟

جاوبوني !

******************************

وزاد همي ...

يوم فكرت بوظيفه ... ثم زواج

أي وظيفه ... وأي زواج ؟؟

اللي مثلي ...

مهما طالب ... لويلف ولو يدور

زين لو حطوه كاتب

لا ... وعلى بند الأجور ...

ماهو رسمي !!!

صدقوني لو تدرج ... وصار راتبه يتصاعد

وابتدا وضعه يزين

ما أظنه بيتزوج ... إلا من بعد التقاعد

من سنه الى سنتين !


******************************

وفي النهايه ...

يابلدنا... مهما كانت تسميتنا

عاجزين ... معوقين

لك عهدنا... وذا قسمنا:

أقسم بالله العظيم ... منزل الذكر الحكيم

أن أصونك يابلادي ... من شرور العابثين

من مطامع كل حاسد ... من نوايا كل فاسد

وإني لك حصن حصين

إنتي ناديني وشوفي ... لا نويتي بالجهاد

والله أقهر لك ظروفي ... دامك إنتي لي بلاد

وباسم كل العاجزين ...

دام فينا أصبع يطول الزناد

لا يهمك يابلادي ...

وازهليها.








https://us.123rf.com/450wm/crazymedia/crazymedia1512/crazymedia151200002/49744263-the-disabled-young-love-and-sunshine.jpg?ver=6
(https://previews.123rf.com/images/crazymedia/crazymedia1512/crazymedia151200002/49744263-The-disabled-young-love-and-sunshine-Stock-Photo-disabled-wheelchair-hope.jpg)

[نـــــــقــــــــاء]

جميلة جدا ومؤثرة
يعطيك العافية ع الطرح أخي ثابت الخطى
تستحق النجوم

[ثابت الخطى]

جميلة جدا ومؤثرة
يعطيك العافية ع الطرح أخي ثابت الخطى
تستحق النجوم
حياك الله اختى حكايه
فعلا هى قصيده تحكى واقع مؤلم
كل الشكر لمرورك العطر

[مفآهيم آلخجل]

ذآئقة رآئعة


إنتقآء مميز


كل آلشكر لك..~

[رايق البال]

هلا ثابت ..
نص واختيار جدا رائع رغم انه مؤلم ومؤثر
الف شكر لجهدك وتفاعلك الجميل
طابت مساءاتك ..

[أميرة الروح]

نص جدا جميل
شكرا لرقي ذائقتك
بارك الله فيك

[حبي خالص]

نص جميل ومؤثر
يعطيك الله العافيه أخي

[ثابت الخطى]

ذآئقة رآئعة
إنتقآء مميز
كل آلشكر لك..~ بل الشكر موصول لك اختى الكريمه كل الشكر لك

[ثابت الخطى]

هلا ثابت ..
نص واختيار جدا رائع رغم انه مؤلم ومؤثر
الف شكر لجهدك وتفاعلك الجميل
طابت مساءاتك ..

حياك الله استاذى الكريم شاكر مرورك الذى اضاء صفحتى
وبارك الله فيك

[تباشيرالأمل]

قصيدة معبره فعلا

احسنت ثابت الأختيار

الف شكرلك

[ثابت الخطى]

نص جدا جميل
شكرا لرقي ذائقتك
بارك الله فيك
مرورك الأرقى استاذه بارك الله فيك

[ثابت الخطى]

نص جميل ومؤثر يعطيك الله العافيه أخي حياك الله استاذه وياهلا ومرحبا فيك نورتى المنتدى من بعد طول غياب عوده حميده بارك الله فيك

[ثابت الخطى]

قصيدة معبره فعلا احسنت ثابت الأختيار الف شكرلك حياك الله تباشير مرورك على متصفحى اسعدنى بارك الله فيك