((((( لا جيت ابنســــــــــــــــــــــى )))))

[نسر البوادي]

http://2.gvt0.com/vi/bk3oGxumOrY/0.jpg

لا جيت ابنسى واتراجـع واسامحـك
صاحن جروحي واشتكن لي طعونـك



كلك خيانه قول .. وشلـون ابمنحـك
وش موقفك من شخص دايم يخونك !!



اكبر خطا.. لو جيت يمـك اصالحـك
اول تحـوّل .. لاتـغـرّك إلحـونـك



اللي تقوله صح .. لو كنـت جارحـك
(مير) انت غارق للاسف في ظنونـك



وصفك نسيته بس .. باقي ملامحـك
بنهيـك وانهـي بالنهايـه جنـونـك



ماتستحـق امـد (كفـي) واصافحـك
مثلك غلط عمري وابحيـا .. بدونـك



لعبـت دورك شاهـداتٍ مسـارحـك
خدعتنـي واظهـرت خافـي فنونـك



كنت اعتقد .. قلبي هو ابرز مطامحك
اللي يبيـع النـاس لجلـه يصونـك



تعبت اسوق الشوق يمك واصارحـك
اخلصت لك بالحب .. شوفت عيونـك



لكن خسارة صرت غايـة مصالحـك
ياليتنـي ماجيـت .. لحظـه بكونـك



بالامس كنت بنشوة الحب .. امازحك
اخيـل برقـك واتحـرى امـزونـك



واليوم من صفحة حياتي .. ابمسحـك
هديت صرحـك ثـم طاحـت ركونـك



ولابي عيوني لـو تصـورت تلمحـك
اعلنت موتك .. وانسجن لي كفونـك



وان جيت تطلب .. ترتجيني اسامحك
بهديك طعنه .. مـن بقايـا طعونـك

[نـــــــقــــــــاء]

إختيار موفق
يعطيك العافية اخي نسر
بارك الله فيك

[حبي خالص]

اختيار جميل وابداع متواصل
يعطيك الله العافي نسر

[اطياف السراب]

إنتقآء رائع جدا

شكرا جزيلا لك على جهودك

[نسر البوادي]

حكايه حلم تسلمين مرورك اسعدني اختي

[نسر البوادي]

حبي خالص تسلمين اختي مرورك اسعدني

[نسر البوادي]

اطياف السراب مرورك اسعدني احي