غوااااازي الحرمة... بين الخرافة والحقيقة!!!!

[عيون البشر]

احمدوه يركض خلف امه يصيح باغي ريال ....
والام ما طايعه تعطيه..
يقولها: (ماه اشوف شي ريالات داخل مخباك)
تقول له: (هذيلا ما حالي .. هذيلا غوازي الحرمة)

علوووان خربانة سيارته..
ومفلس ولا ريال في جيبه، والسيارة بتكلفة 300 ريال
واخته محفوظة معها فلوس
ومسكين جاي يتمسكن ويطلبها يبغاها تقرضه لين يطلع معاشه..

ومحفوظه ترد عليه بأعلى صوت: ود الحلال هذيلاك فلوس الحرمة.

غوازي الحرمة
فلوس الحرمة

لسان حال معظم النساء على اختلاف اعمارهن، في بعض الأحيان
إذا طلبت منهن مبالغ ماليه ورفضن ان يستجيبن للطلب، يقولن:

(غوازي الحرمة)

من هي الحرمة؟؟
كل النساء يحتفظن بمبالغ للحرمة!!!
شي في النفس دائماً ما يقرع تفكيري!!!
هل هي حقيقه ام خرافه ومن اين جاءت هذه الحرمة، وكم رصيدها الان، بما ان كل نساء عمان يحتفظن بغوازيها؟؟

[يحيائي10]

السلام عليكم ...

اغلب الاحيان ان الحرمة حقيقية وموجوده الا ما ندر

ولكن تعرف ان كثير من النساء يقرضن اهلهن ( اخواتهن او زوجات اخوانهن ) ولكن يقول لهم هذه الفلوس تراها مال زوجي وعاد لا تتاخري عن سدادهن ...

طيب اذا هذه الفوس مال زوجك ليش من البدايه تقرضي الحريم ...


الف شكر اخي

[مائة بيسة]

مال حرمة..عسب تخاف تعطي وما ترد لها بيزاتها
https://encrypted-tbn1.gstatic.com/images?q=tbn:ANd9GcROoMDDgb4oSmBGkYnZ7cE4Cc245rx00 I9MIgaJsit_zEMLH9Z23w

[أميرة الروح]

غوازي الحرمة هذه حيلة منهن ههههه عشان مايطلعن بيستهن
لكن ولو كان عندي راتب واخوي طلب مني مبلغ أكيد بعطيه لانه يوم لك ويوم عليك يمكن انا بكرة احتاج مبلغ

طرح رائع
بارك الله فيك

[ام رورو]

هههههههه
غوازي الحرمه تمشية الحال
حليلها ضامتنهن حال الايام الثانيه وما عندها غيرهن
لذالك تقول حال الشخص الي يطالبها غوازي الحرمه ذيلا ما اقدر اعطيك
واحيانا شي منهن ما يعطن حد ويتخذن. هالكلمه ويجرمن الحرمه وهي ما متواجده
مجهولة اووونه
هههههه

[عيون البشر]

القضيه اللي اريد اناقشها

انه كل نساء السلطنة على التنوع الجغرافي وتنوع البيئات و اللهجات واحياناً العادات

الا انهن اتفقن على (( الحرمة))

يعني الحرمه هو رمز كبير من رموز الانثويه والمدافعين عن حقوقها

[ام رورو]

عيل بتقول غوازي الرجال
بيسوولها سالفه وفتح محضر لها وسؤال سين وجيم
خذلك عاااد

[عيون البشر]

عيل بتقول غوازي الرجال
بيسوولها سالفه وفتح محضر لها وسؤال سين وجيم
خذلك عاااد

ما القصد كذا محشومات الله يحفظ كل خواتنا

بس من صاحب فكرة الحرمه وليش الاجيال تتوارثها

[ام رورو]

ما القصد كذا محشومات الله يحفظ كل خواتنا

بس من صاحب فكرة الحرمه وليش الاجيال تتوارثها

هو ف كل شي يتخذونه للحرمه
حتى العاب اليهال نقول هذيلا حج الحرمه او حج الياهل
ولو انه الشي مو حجهم
فالنهايه تمشية الحال
وكـــــــذا

[عيون البشر]

هو ف كل شي يتخذونه للحرمه
حتى العاب اليهال نقول هذيلا حج الحرمه او حج الياهل
ولو انه الشي مو حجهم
فالنهايه تمشية الحال
وكـــــــذا


تشرفت بمرورك وحوارك الطيب
فعلاً كل اهلنا يستخدمون هذي العبارات

[تباشيرالأمل]

طابت اوقاتكم
اجل انا عايشه بعالم مختلف هههه
ماسمعت هالكلمه
ياعمري عليهن اخياتي الي معهن ماهو لهن

[عمانية الهوى والهوية]

غوازي الحرمة ... بالمختصر غوازي لليوم الأسود
يعني اذا حست إن الأولاد يريدوهن لشي ما مهم فتخبيهن احسن

[بوح السحاب]

غوازي الحرمة ==== يعني غوازي الحرمه اللي هي الام نفسها ( بس للتمويه ) هههههههههه وهي صادقة.

بس تذخرهن لوقت الحاجة صحيح .. اما الاولاد كثير طلباتهم الا ما لها داعي ..

[جمال319]

يا كثر ماكنا نسمع عن غوازي حال حرمه لاحد ياخذ منهم ههههه رجعتونا لذكريات عجايزنا