العلاقات الزوجية قدر- ام تجبر وتكبر؟؟؟ قصه قصيره.

[عيون البشر]

سالم في الشركه يشتغل
الهندي المسؤول طالب منه يخلص بعض الاعمال
فجأه تلفونه يصيح، تلفونه شارنه مستعمل ب 8 ريالات
ما مدعوم بأي برامج. فقط اتصال ورسايل نصيه.
( تلفون ابو ليت ) بالتسميه المحليه.
زوجته تتصل، يسترق النظرات للهندي وفي غفله منه يعيد الاتصال في نفس الدقيقه لزوجته.
ترد عليه: وش فيك ما ترد يوم اتصل عليك وش هالحركات اعرفك ما طايقتي.
يسكت سلوم ويلعن ابليس ويسألها تفضلي موه باغيه؟؟
تضحك ذيك الضحكه الخبيثه، ويصير صوتها لين وخفيف.
حشاااا يبوك مسرع ما تغيرتي!!!
عموماً تقوله: اباك تمر السوق وتجيبلي ذيك القطعه اللي شايفتنها البارحه.
سالم يقول: زين البارحه جايبنك وماخذه اللي تبي.
تقول في عصبيه: هذا انته يوم ابغى شي تحرمني منه ومعذبني.
يسكت السلمي ويقولها ان شاء الله.
يغلق تلفونه ابو ليت
يخلص شغله، وبثياب الدوام يدخل السوق وياخذ القطعه اللي باغتنها غاليته.
يدش البيت ويسلم على زوجته واولاده
قبل لا ترد السلام تتناول الكيسه، شكراً سالم ما قصرت.
يصلي الفقير ويلحس الصحن ويبغى يتسدح.
تجيه الشريره وتجلس جنب راسه،
قوم ابغى اروح السوق اخذ كم غرض
سالم يرد: زين بغمض طشونه وبوديك العصر
الزوجه: لا تو توديني بتنام بالليل من وقت.
يلعن الشيطان ويسكر حلقه اللي يتثاوب ويطلع مع السيده السوق
تلف وتلف وتاخذ اللي تبغاه واللي ما تبغاه
تقوله:سالم بخذ حال خواتي
سالم بخذ حال امي
سالم بخذ، سالم بخذ، سالم بخذ
وسالم يدفع وساكت.
ينبها ويقولها: بنت الحلال ما بقى شي من مصروف الاطفال.
يرجعو البيت
يطلع يصلي المغرب ويدخل يطمن على امه وابوه في بيت اخوه الكبير
يطلع من عن اهله راجع للبيت.
جوعان الفقير،، فلانه موه طبختي:ترد عليه والله ما تفيقت اليوم منشغله
وانت وين من يوم المغرب كل هذا مع امك وابوك حشا كأنهم بيروحوا الحج عنك
المهم قالت حال سالم انها كانت مشتغله وما فاضيه
وهيه كانت من يوم راجعه من السوق في جروبات البياعات تحوط. بالواتس اب( تلفونها اخر موديل، سالم ماخذنه حالها تمويل، يدفع اقساطه)
عموما يطلع: يشري عيش ودجاج ويجيبه ويفرش ويتحلقوا الاطفال ع الصينيه
وياكلو العشاء واولهم الشيخه اللي ما متفيقه تطبخ.
سالم طلع يصلي العشاء: تتصل عليه
سالم اباك تروح السوق فوادي في قطعه ما كانت عاجبتني بس تو قالت اختي انها بتطلع حلوه علي.
سالم فقير ينتفخ فواده وبترول ماشي في سيارته.
يقولها : ما بروح ما معي بترول
تعصب الشيخه، تزمجر وتحشر وتتنازع وتقوله: انت الحياه معك عذاب
انت ايش مسولي في حياتي( كل الحريم يستخدمنها)
عموماً تزعل وتنام ع السرير وتنطوي بالبطانيه
من بعد صلاة العشاء
و سالم يركض وراء الاطفال
يغسلهم، يسبحهم، ينظف، يكوي للمدرسه، والصغير مخيس حفاضته وسالم يركض
وهيه منطويه كما النقانق في الخبزه.
ما نايمه بس باغيه تطلع منه ليش قال الها لا
زين والقطعه مال الصبح و الطلعه الظهر واغراض حيانك ما يستاهل تتغاضي عن مره رفض لك طلب فيها؟؟؟
ينامو الاطفال ويجي الجندي المجهول ينام،، يخلي راسه ع المخده وتقوم عنه تطلع برع تشغل التلفزيون
وتجلس تتابع المسلسلات،،،
يرقد الفقير بغصه وهم، وجالس يقول تو انا ما سويت شي والله ما معي فلوس
وهذي ما ترحم
عموماً تبقى على هالحال السيده لين جابو في المحلات قطع وملابس جديده
يرجع من دوامه بعد اسبوع من الزعل ويلقاها تضحك وتقوله:
سالم ابغى اروح السوق

تنتهي حكايتنا مع سالم وزوجته
وتبدأ فكره او عبره ربما تصل لكم او لا تصل
ولكن الله من وراء القصد
ومنها عبره قد نتعلم منها حسن التصرف في العلاقات الزوجيه

[قاتل ضفدع]

واقع حقيقي مؤلم

الله لا يبلينا بمثل هذي النوعيات وهن كثيرات وفيرات

دام انه الزوج فاك فمه وحلقه تراها معاه وإذا قال ما اقدر قامت له حية الكوبرا .. لا حول ولا قوة إلا بالله

بارك الله فيك والله يكفينا بلاوي الحريم

[مائة بيسة]

أوقات لرفضك طلب او اعتذارك لتلبية أمر يخلي غيرك ينسى كل أمورك وشغلاتك الحلوة
https://encrypted-tbn1.gstatic.com/images?q=tbn:ANd9GcROoMDDgb4oSmBGkYnZ7cE4Cc245rx00 I9MIgaJsit_zEMLH9Z23w

[تباشيرالأمل]

مساءالخير
بصراحه هالسالفه احسها من الخيال
معقوله تصير فيه ازواج كذا وزوجات كذا

[قاتل ضفدع]

مساءالخير
بصراحه هالسالفه احسها من الخيال
معقوله تصير فيه ازواج كذا وزوجات كذا

يصير استاذة

الله يصلح الحال

[تباشيرالأمل]

يصير استاذة

الله يصلح الحال

آمين يارب
بس هذي استغلال ماهي حياة زوجيه
الادوار هنا مقلوبه
الله المستعان

[عمانية الهوى والهوية]

القصة مبالغ فيها كثير .. ما اعتقد شي ازواج بنفس سالم يعني اذا شي ما يتجاوز ١٥ % اللي نشوفه في الواقع العكس ...والله المستعان

[حبوه غلوي]

عاد السموحه منك بس خليت سالم الملاك الطاهر
وزوجته الشيطان سمحلي هالنوعيه مو موجوده لهدرجة عاد
ما يصد ولا يرد والله العكس لي صاير الحين

[عيون البشر]

جميل يا اخوان وارائكم متوقعه
بس لا تحاتو ترا للموضوع تكمله


بس ترا هالقصص موجوده بس انا ما عممت

[عيون البشر]

لكن مثلاً
الحرمه ما تقول لزوجها انت وش سويت لي
والا يوم تزعل ما تفجر في الزعل؟؟

ترا يقولوا الحريم عقلهن ناقص من هذي الناحيه انهن ينكرن العشير احيانا
طبعاً بدون تعميم.

[الريـم]

ب غض النظر عن انها مبالغ فيها والحاله
بس والله رحمت سالم الله يكون ف عونه

تشكر اخي ع الطرح ومنتظرين التكمله

[عيون البشر]

ب غض النظر عن انها مبالغ فيها والحاله
بس والله رحمت سالم الله يكون ف عونه

تشكر اخي ع الطرح ومنتظرين التكمله

الف شكراً على المداخله الطيبه
شفتي انتي فهمتي القصد واللي بغيت احققه تحقق معك.
انك رحمتي سالم هذا الهدف

انه الزوجه تكون ارق وتحاتي تعب زوجها وتتعامل معه كأنه كل الظلم عليه
وبترتاح بإذن الله

[الريـم]

الف شكراً على المداخله الطيبه
شفتي انتي فهمتي القصد واللي بغيت احققه تحقق معك.
انك رحمتي سالم هذا الهدف

انه الزوجه تكون ارق وتحاتي تعب زوجها وتتعامل معه كأنه كل الظلم عليه
وبترتاح بإذن الله
اكيد راحتها من راحة زوجها وعيالها
بس هذي واضح عليها اكّيلة فلوس مثل مايقولوا
همها نفسها وشو بيقولن صديقاتها عنها

[عيون البشر]

اكيد راحتها من راحة زوجها وعيالها
بس هذي واضح عليها اكّيلة فلوس مثل مايقولوا
همها نفسها وشو بيقولن صديقاتها عنها
نعم انها ماكلتنه ذاك الفقير سالم

[ورد القرنفل 1]

هلا فيك أستاذي
موضوع رائع وأكيد بتختلف وجهات النظر
من وجهة نظري في مثل سالم الكثير يحاولوا يرضيوا زوجاتهم
لسبب واحد ما يريدوا يخسروا زوجاتهم وتشتت الأبناء بس هن
واكيد بدون تعميم فقط مظاهر وأريد مثل فلانه وهي ما احسن مني
واكيد اذا ما نفذوا مطالبها لا شيء أكل ولا تهتم بالابناء كأنها تعاقبه
والحكيم من يستطع أن يمسك المقود بحكمه
ويحافظ على بيته

واتمنى لكم حياة سعيدة:o

[ورد القرنفل 1]

لكن مثلاً
الحرمه ما تقول لزوجها انت وش سويت لي
والا يوم تزعل ما تفجر في الزعل؟؟

ترا يقولوا الحريم عقلهن ناقص من هذي الناحيه انهن ينكرن العشير احيانا
طبعاً بدون تعميم.
لا أستاذي عقلهن ناقص ليس من هذه الناحيه ولكن بأمور دينيه
أخرى ...أما بخصوص نكر العشرة فالطرفين سواءا ولكن بعض الأحيان تفوق المرأة بأنها في لحظة تتغير اذا لم ينفذ ما تريد

[حبوه غلوي]

لكن مثلاً
الحرمه ما تقول لزوجها انت وش سويت لي
والا يوم تزعل ما تفجر في الزعل؟؟

ترا يقولوا الحريم عقلهن ناقص من هذي الناحيه انهن ينكرن العشير احيانا
طبعاً بدون تعميم.


زين حقها وش سوى لها يمكن ما مسوي لها شي ابداً
ولا يعطيها مصروف وكل شي يجيبه بالنص وبخيل ومعيشنها
ف حالة فقر ويجمع فلوسه ويلعب فيهن وش هذا تسميه
الرجال م تزوج خلاص يلتزم وما يعذب بنت الاوادم
وقصه سالم ما تدخل راسي اذا شي رجال كذا زين والله وينه
هذا ليش دايما تخلون الريال مظلوم وانا اشوف العكس هم لي
يقصرون عليهن

[أوراق ناعمة]

الكثير من النساء مسيرات زواجهن وعلى ما يبغبن هنا يعني خاتم باصبعهن ساعه ما بغت لبسته وساعت ما زعلت زلته وهذا الصنف دواة اكثر من سوى في سالم علشان يتعدل شوى ما علي ما يقاله روح يسار وروح يمين اتقال يحرك بريموت يخلي شوى من نفسه شخصيه وله رأيه
بس تراه في الاخير شي زواج نوبا معذبين زواجهن ومقصرين عليهن في كل شي يعني الوضع متساوى بين الطرفين مرات الحرمه لا تهش ولا تنش ومرات الزوج وحدة اتقول هايشه حيت قبلوة قبل

[اموووره]

اممم الخطأ هنا من سالم
هو اللي رخى الحبل لها
يعني يكون لا شديد ولا يكون ضاحكين عليه
يخليه فالنص
رحمته وش ذي العيشه بس عاد يتحمل دامه يبي هالشي

[نسر البوادي]

عيون البشر اولا احيك على هذا الطرح الرائع
فعلا فيه كثير من الزوجات الاميات راح ضحيتهم بعض الرجال
ليس من قوه الشخصيه بل تضحيه منه للاطفال ان يتقبل حياه مثل هذه
وكثير من الاسره سبب الجهل وعدم المراعات وعاشو بضيق مادي
واطفال تشتتو

يعطيك الف عافيه طرح راقي راق لي ننتظر الجديد

[عيون البشر]

هلا فيك أستاذي
موضوع رائع وأكيد بتختلف وجهات النظر
من وجهة نظري في مثل سالم الكثير يحاولوا يرضيوا زوجاتهم
لسبب واحد ما يريدوا يخسروا زوجاتهم وتشتت الأبناء بس هن
واكيد بدون تعميم فقط مظاهر وأريد مثل فلانه وهي ما احسن مني
واكيد اذا ما نفذوا مطالبها لا شيء أكل ولا تهتم بالابناء كأنها تعاقبه
والحكيم من يستطع أن يمسك المقود بحكمه
ويحافظ على بيته

واتمنى لكم حياة سعيدة:o


بالفعل استاذتي الفاضله
بعض الرجال يخاف على اولاده ومن تشتتهم
ويخاف ان يخسر زوجته التي انتهت حياته الماديه الكريمه بسبب مهرها وطلبات اهلها..

بس الزوووجه الله يهديها تستغل هذا الامر لصالحها.

[عيون البشر]

زين حقها وش سوى لها يمكن ما مسوي لها شي ابداً
ولا يعطيها مصروف وكل شي يجيبه بالنص وبخيل ومعيشنها
ف حالة فقر ويجمع فلوسه ويلعب فيهن وش هذا تسميه
الرجال م تزوج خلاص يلتزم وما يعذب بنت الاوادم
وقصه سالم ما تدخل راسي اذا شي رجال كذا زين والله وينه
هذا ليش دايما تخلون الريال مظلوم وانا اشوف العكس هم لي
يقصرون عليهن

والله ما اخفيك سر يا خبوه شي ناس كذا
بس اليوم نناقش وضع الفقير سالم

مع النسره

[عيون البشر]

الكثير من النساء مسيرات زواجهن وعلى ما يبغبن هنا يعني خاتم باصبعهن ساعه ما بغت لبسته وساعت ما زعلت زلته وهذا الصنف دواة اكثر من سوى في سالم علشان يتعدل شوى ما علي ما يقاله روح يسار وروح يمين اتقال يحرك بريموت يخلي شوى من نفسه شخصيه وله رأيه
بس تراه في الاخير شي زواج نوبا معذبين زواجهن ومقصرين عليهن في كل شي يعني الوضع متساوى بين الطرفين مرات الحرمه لا تهش ولا تنش ومرات الزوج وحدة اتقول هايشه حيت قبلوة قبل


بس بصراحه قليل تحصل رجال مقصر على اولاده
ترا يعطيهم اللي حيلته

لكن الشريرات واجد والمشكله يتغايرن واجد

[عيون البشر]

اممم الخطأ هنا من سالم
هو اللي رخى الحبل لها
يعني يكون لا شديد ولا يكون ضاحكين عليه
يخليه فالنص
رحمته وش ذي العيشه بس عاد يتحمل دامه يبي هالشي

ترا يا سيدتي يمكن يحبها
ومن الحب ما قتل

ترا بعضهن اذا حست زوجها يحبها تتجبر
اعوووذ بالله من كذا حريم

[عيون البشر]

عيون البشر اولا احيك على هذا الطرح الرائع
فعلا فيه كثير من الزوجات الاميات راح ضحيتهم بعض الرجال
ليس من قوه الشخصيه بل تضحيه منه للاطفال ان يتقبل حياه مثل هذه
وكثير من الاسره سبب الجهل وعدم المراعات وعاشو بضيق مادي
واطفال تشتتو

يعطيك الف عافيه طرح راقي راق لي ننتظر الجديد


تسلم سيدي الفاضل
هذا من لطفك

نعم عدد كبير من الرجال صبرو وعاشو خادمين لاحتياجات لا تتوقف لعين اطفالهم
خوفاً من التشتت الاسري

والسيده ما على بالها حتى لو تشتتو اولادها

[أوراق ناعمة]

بس بصراحه قليل تحصل رجال مقصر على اولاده
ترا يعطيهم اللي حيلته

لكن الشريرات واجد والمشكله يتغايرن واجد

محشومين الرجال ما يطلع منهم شي كله الشر في الحريم!!!

[أوراق ناعمة]

قليل تحصل رجال كذا انت واجد علي نياتك ياخي

[أميرة الروح]

ماشاء الله عليك أسلوب جميل في طرح مواضيعك تجذب القاري للقراءة الموضوع
بالفعل فيه كثير من الحريم يستغلن حب أزواجهن لهن وأستغلال طيبته للمصلحتهن
وابدا مايحسن ف تعب الزوج من أجل القمة العيش
بجد شفت كذا وضع مثل وضع سالم مع زوجته مسرفات بدرجة كبيرومطالبهن ماتخلص
الله يكون في عون إلي كذا زواجتهم مايقدرن تعب وشقى أزواجهن

[أميرة الروح]

بس بصراحه قليل تحصل رجال مقصر على اولاده
ترا يعطيهم اللي حيلته

لكن الشريرات واجد والمشكله يتغايرن واجد

فشار وتنافس الحين صاير ههههه

[قاتل ضفدع]

والله ما اخفيك سر يا خبوه شي ناس كذا
بس اليوم نناقش وضع الفقير سالم

مع النسره

ههههه عجبني مصطلح النسرة

لكن شرد احسن لك

[بوح السحاب]

قصة خيالية

ما اعتقد ولا اظن ان موجود حد بشخصية سالم في حاضرنا الان
وللاسف البعض كثير التقصير باسرته الا من رحم ربي...

وربما قد يكون فيه حرمة متسلطه ( بس ما لهالدرجة ) بس السبب بيكون الرجل ضعيف شخصية او عنده خلل اداري للاسرة.

[السفينة]

السلام عليكم .. مهما ناقشنا العلاقات الزوجية ستبقى في نهاية المطاف غير متقبل بما سيحدث لها .. في الزمان كان الزواج عفة وستر .. يقدره الزوج وتحترم مسؤوليته الزوجة لهدف مشترك وعلى يقين لبناء ذرية قوية صالحة كادحة .. اليوم ولست أنا الذي أقول .. وإنما الأحداث المستمرة هي التي تتحدث عن هذا .. أصبح الزواج مجرد كلمة لا أكثر تفتقد لكل العناصر التي يجب أن تكون بها .. أصبح الزوج محدود المسؤولية وأصبحت الزوجة في إطار عدم المبالة .. إلا من رحم ربي .. نسأل الله السلامة وحسن الخلق والخاتمة ..

[عيون البشر]

جميلةٌ هي عباراتكم
وقصصكم
من ايد ومن عارض

ولكن الهدف الاسمى انا من خلاص هذه المواضيع نفتح باباً للتحسين في الحياه
فمن كان كسالم يجب عليه ان يجد طريق الخلاص
ومن كانت ك الزوجه فيجب عليها ان تخاف الله في زوجها واسرتها

كلها رسائل ضمنيه اتمنى ان تصل

[عيون البشر]

السلام عليكم .. مهما ناقشنا العلاقات الزوجية ستبقى في نهاية المطاف غير متقبل بما سيحدث لها .. في الزمان كان الزواج عفة وستر .. يقدره الزوج وتحترم مسؤوليته الزوجة لهدف مشترك وعلى يقين لبناء ذرية قوية صالحة كادحة .. اليوم ولست أنا الذي أقول .. وإنما الأحداث المستمرة هي التي تتحدث عن هذا .. أصبح الزواج مجرد كلمة لا أكثر تفتقد لكل العناصر التي يجب أن تكون بها .. أصبح الزوج محدود المسؤولية وأصبحت الزوجة في إطار عدم المبالة .. إلا من رحم ربي .. نسأل الله السلامة وحسن الخلق والخاتمة ..

شكراً سيدي على لفتتك الكريمه
وعلى مرورك العطر على موضوعي المتواضع
كلماتك فعلا كاللولؤ في العقد

كما قلت فعلاً اصبحت هب العلاقات الزوجيه

[عيون البشر]

قصة خيالية

ما اعتقد ولا اظن ان موجود حد بشخصية سالم في حاضرنا الان
وللاسف البعض كثير التقصير باسرته الا من رحم ربي...

وربما قد يكون فيه حرمة متسلطه ( بس ما لهالدرجة ) بس السبب بيكون الرجل ضعيف شخصية او عنده خلل اداري للاسرة.

ربما كانت خياليه سيدتي
ولكن التأييد الذي يصل من الردود يبين لنا ان هذه الظواهر موجودة وبكثرة

والتأييد لم يأتي من الرجال بل من سيدات فاضلات

واذا كان مثلاً الزوج ضعيف الشخصيه، هل تتجبر عليه التي لديها شخصيه قويه؟؟

[يحيائي10]

السلام عليكم ..

قصه فعلا تجبرك بعد تروح عند سلوم المغلوب عليه وتزنه في اذنه عشان تطلق زوجته ..


حشى عاد ماكذا ك من عيشه
الرجال وهو في العمل تطلبه وما يتهنى يوصل البيت ويلحس الصحن الا والطلبات كثيرة


على العموم هي قصه تعلم النساء قبل الرجال هو ان على الزوجات الاهتمام بازواجهن لانهم هم السند والعضيد واحترامهم واجب يفرض عليهن


الف شكر

[ورد القرنفل 1]

يمكن يعتقد البعض انها قصه من الخيال
الحين احنا مو في حرب الكل يدافع عن جنسه
احنا نناقش قضيه موجودة بالفعل ويوجد مثل سالم
الكثيرين الي زوجاتهم يستغلنهم بشكل كبير ...وهم اما
بدافع انه يحبها وما يقدر يزعلها أو ما يريد يشتت العائله
بل البعض يعمل الصباح ويعمل المساء عمل إضافي بس
عشان يلبي طلباتها ويرضيها
اتكلم عن واقع وليس دفاع عن الرجل ولكن عن
ما يحتويه الموضوع

ومثل ما قلتوا فيه ملائكة من الرجال وفيه أشرار
وفيه بالمثل الاثنى

ولروحكم سعاده لا تنتهي، ،،

[عيون البشر]

يمكن يعتقد البعض انها قصه من الخيال
الحين احنا مو في حرب الكل يدافع عن جنسه
احنا نناقش قضيه موجودة بالفعل ويوجد مثل سالم
الكثيرين الي زوجاتهم يستغلنهم بشكل كبير ...وهم اما
بدافع انه يحبها وما يقدر يزعلها أو ما يريد يشتت العائله
بل البعض يعمل الصباح ويعمل المساء عمل إضافي بس
عشان يلبي طلباتها ويرضيها
اتكلم عن واقع وليس دفاع عن الرجل ولكن عن
ما يحتويه الموضوع

ومثل ما قلتوا فيه ملائكة من الرجال وفيه أشرار
وفيه بالمثل الاثنى

ولروحكم سعاده لا تنتهي، ،،


فعلاً يا وردة القرنفل
كلامك عين العقل

واجد انتي عقلك كبير،

[حبوه غلوي]

ليش تؤيد الذين وفقوا مع سالم وما يعيبك لي يقفون مع زوجته
عيل انا اقف معها مو معه

[بوح السحاب]

ربما كانت خياليه سيدتي
ولكن التأييد الذي يصل من الردود يبين لنا ان هذه الظواهر موجودة وبكثرة

والتأييد لم يأتي من الرجال بل من سيدات فاضلات

واذا كان مثلاً الزوج ضعيف الشخصيه، هل تتجبر عليه التي لديها شخصيه قويه؟؟



بس واقع رجال هاللايام كثروا تجبرهم واستغلالهم ع النساء ..
اول كانوا الرجال يقودوا اسرهم مع انهم شديدين وتخافهم الحرمه لكن بحكمه وما يقصروا ع اسرهم بشي وملتزمين اكثر من بو تو..

الحين هو يبدا بضعف اذا هو ما قادر يدير اسرته من الاساس ويتجبر ع الحرمه وبعضهمم حتى بطاقة البنك يسلبوها منها.. فكيف تريد الاجيال اللي بتيي تتثقف من هالناحية..

[حبوه غلوي]

الرجل اناني بطبيعه ويريد المراه ماتتكلم بس تقوله سمعنا وأطعنا باقي تقوله غفرانك ربنا

[حبوه غلوي]

وش فيها اذا طلبت ملابس حقها وحق أبناءها النساء مذا
طبيعتهن يحب هالاشياء وما يقدرن يقتنع بمره معهن اذواق معهن اختلافات
ليش ما تقدرون هالشي

[بوح السحاب]

بس الحالتين اللي ذكرتهم من يعجبني.

لا الرجل الضعيف ولا الحرمة المتجبره ( ولا العكس)..

[حبوه غلوي]

الرجال يظلمون النساء كثير وف نفس الوقت يظنون انهم هم المظلومين
يعني زوجتك وام عيالك ياخي المفروض تخليها ع رأسك واحمد ربك صابره
عليك بتجي ع اشياء هيه تحبهن وتريدهن

[بوح السحاب]

ليش تؤيد الذين وفقوا مع سالم وما يعيبك لي يقفون مع زوجته
عيل انا اقف معها مو معه





+ 1


ليش ما تأيد الموقفين .
باكر اخوي عيون الناس سوي موضوع عن الرجال اللي يتجبر وياخذ فلوس حرمته وما يحترمها ..

:d

[أوراق ناعمة]

تراه هذي الحالات واردة في النساء ولكن ما اعتقد بكثرة
ولكن بعد فيه رجال ما قد المسؤوليه ولا يعرف حق زوجته
يعني حبوة غلوى هوة ضرب مثال لا غير في بعض النساء
سويني موضوع نقاس يدل علي انه الرجل لا يقدر زوجته حتي هما ما يعجبهم هههه

[حبوه غلوي]

تراه هذي الحالات واردة في النساء ولكن ما اعتقد بكثرة
ولكن بعد فيه رجال ما قد المسؤوليه ولا يعرف حق زوجته
يعني حبوة غلوى هوة ضرب مثال لا غير في بعض النساء
سويني موضوع نقاس يدل علي انه الرجل لا يقدر زوجته حتي هما ما يعجبهم هههه


ما بعض الرجال قولي كل الرجال الا من رحم ربي

[قاتل ضفدع]

دايما لما نشوف ازواج يتسوقوا الحرمة قدام والرجال خلفها يسحب سلة الجاردي ولما يجي وقت للمحاسبة تشوف سلتين تارسات

[حبوه غلوي]

دايما لما نشوف ازواج يتسوقوا الحرمة قدام والرجال خلفها يسحب سلة الجاردي ولما يجي وقت للمحاسبة تشوف سلتين تارسات


ماحد قاله يوقف وراها طبيعي هيه تعرف اغراض البيت
وين يعني بتوقف اكيد تشوف الاغراض وأماكنهن ما بتجلس
تشوفه هو صار جدام ولا وراء يتحرك وياخذ اغراض معها

[أوراق ناعمة]

ما بعض الرجال قولي كل الرجال الا من رحم ربي

ما يلش حاجه بنتي

[قاتل ضفدع]

ما يلش حاجه بنتي

ههههه

شكلها متحاملة على الرجال

ولا تزعلي حبوتنا الامر مشترك بس الغالب في الحريم وهذا واقع بشكل عام

[مشكلتي عنيد وراسي يابس]

دايما لما نشوف ازواج يتسوقوا الحرمة قدام والرجال خلفها يسحب سلة الجاردي ولما يجي وقت للمحاسبة تشوف سلتين تارسات

عند التسوق الزوجة قدام
وعند الحساب الزوج قدام
تو مالها الدنيا متغيرة

[ورد القرنفل 1]

انزين عارفين فيه رجال متسلطين وووو
وفيه نساء بالمثل
لكن الحين احنا نكون في الموضوع نتكلم عن
الرجل الي ينفذ كل شيء تطلبه منه زوجته بدون
ما يناقشها وسالم المغلوب على أمره
ودائما الجنسين فيه منهن الزين وفيه الشين
بس في الموضوع فقط نتكلم عن فئه محددة ومعينه
انا مو معهم:rolleyes:بس مع الموضوع

[مشكلتي عنيد وراسي يابس]

خلوني افهم السالفة بالأول
وانا بحل لكم كل هذا النقاش

[أوراق ناعمة]

ههههه

شكلها متحاملة على الرجال

ولا تزعلي حبوتنا الامر مشترك بس الغالب في الحريم وهذا واقع بشكل عام

من قال الغالب في الحريم ؟؟!!!

[مشكلتي عنيد وراسي يابس]

بأمانه يحتاج لها ادب
لو قايل لها ما مشكلة خلى بشلك السوق وأول ما تركب السيارة يشلها لبيت ابوها وينزلها هناك كانت بتعرف من هو سالم
لكن الظاهر ما طلع سالم طلع مسالم

[قاتل ضفدع]

من قال الغالب في الحريم ؟؟!!!

الواقع يقول ما جبت شي من عندي

[نـــــــقــــــــاء]

ضعيف الشخصية بتسوي فيه زوجته أكثر من كذاك

[أوراق ناعمة]

الواقع يقول ما جبت شي من عندي

شي احصائيه يعني تقول كذاك ؟؟؟!!!!

[أوراق ناعمة]

تو يعني اللي يقول اغلب الحريم كذاك كلكم حريمكم كما حرمه سالم ؟؟؟!!!!!

[جمال319]

هو فيه بيوت تعيش القصه. واعرفها بس قليله في مجتمعنا.

[مشكلتي عنيد وراسي يابس]

تو يعني اللي يقول اغلب الحريم كذاك كلكم حريمكم كما حرمه سالم ؟؟؟!!!!!
خخخخخخخخخخ
عاشت

[عيون البشر]

اتخيل نفسي واقف في ملعب

والسيدات اللي معصبات من الموضوع يركضن وراي

ياخي ترا صح فيه كذا حالات

وانا وغلاتكم جميعاً كتبت الموضوع على اشياء شفتها

ومنها انه واحد سمعت القصه منه

كان باني بادي يبني بيت في مزرعة اهله قريب بيت ابوه
وزوجته عصبت ع امه في موضوع راحت بيت اهلها وخلت الاطفال وقالت له طلقني والا روح ابني مكان ثاني

وتعذب فتره يقنعها وتعذبوا اولاده

واخر شي ترك البيت اللي يبنيه والاساسات اللي جاهزه وراح سكن بالايجار

وبعدكن تقولن ماشي شريرات

[أوراق ناعمة]

اتخيل نفسي واقف في ملعب

والسيدات اللي معصبات من الموضوع يركضن وراي

ياخي ترا صح فيه كذا حالات

وانا وغلاتكم جميعاً كتبت الموضوع على اشياء شفتها

ومنها انه واحد سمعت القصه منه

كان باني بادي يبني بيت في مزرعة اهله قريب بيت ابوه
وزوجته عصبت ع امه في موضوع راحت بيت اهلها وخلت الاطفال وقالت له طلقني والا روح ابني مكان ثاني

وتعذب فتره يقنعها وتعذبوا اولاده

واخر شي ترك البيت اللي يبنيه والاساسات اللي جاهزه وراح سكن بالايجار

وبعدكن تقولن ماشي شريرات

انزين ما قلن شي هذا شي وارد بس نبغي اثبات كيف قلتوا اغلبه الحريم كذاك ؟؟؟؟

[عيون البشر]

انزين ما قلن شي هذا شي وارد بس نبغي اثبات كيف قلتوا اغلبه الحريم كذاك ؟؟؟؟


والله يا اخواتي
انا ما قلت اغلي الحريم انا فقط ذكرت نوع معين من الحريم وهدفي انه يختفي

ولا تستعجلن شي في عقلي موضوع مضاد بيفرح قلوبكن وبنشوف الدموووع في السبله العامه اربع اربع
من الرحمه والعطف

واللي تو تشوفوهن معصبات تراهن والله وردات وطيبات بس لازم الورده فيها شوك
واللي يريد الورد يصبر ع الم الشوك

[عيون البشر]

انزين ما قلن شي هذا شي وارد بس نبغي اثبات كيف قلتوا اغلبه الحريم كذاك ؟؟؟؟

زين اسال

ليش الحرمه اذا عصبت من زوجها اول كلمه تقولها: انت وش مسولي او انت ايش سويت لي


ياخي هذي الكلمه بحد ذاتها تهدم جبال

يعني الحرمه ما شافت يوم حلو في حياتها عمره ما جاب الها شي

[أوراق ناعمة]

زين اسال

ليش الحرمه اذا عصبت من زوجها اول كلمه تقولها: انت وش مسولي او انت ايش سويت لي


ياخي هذي الكلمه بحد ذاتها تهدم جبال

يعني الحرمه ما شافت يوم حلو في حياتها عمره ما جاب الها شي
وحدنا ما نقول كذاك اللي ناكرة الجميل هيه اللي تقول
ونوبا شي من الرجال لو تسوى ما تسوى الحرمه ما يعجبهم شي

[حبوه غلوي]

بس يمكن هو وايد مقصر معها ونفس الشي هو اذا
عصب عليها يقولها شلي اغراضج وروحي بيت اهلج
ليش يعني

[حبوه غلوي]

وبعدين اذا عصبوا ما من زين اسلوبهم ترا يخلونهن ما يسون
بيسه

[عيون البشر]

بس يمكن هو وايد مقصر معها ونفس الشي هو اذا
عصب عليها يقولها شلي اغراضج وروحي بيت اهلج
ليش يعني


ممكن بعد حبوه كل شي جايز

بس اليوم نتكلم عن هذا النوع من النساء واوعدك اجيب نوع اخر ونتناقش فيه.

حبوه انتي بعدك تشوفي والا ما تشوفي اوكد فيك السكر فقيره

جايبلك كرتون فكس ولزقات حال الظهر

الله يرحم ايامك حبوه كنتن حريم صح تخبزن وتروين وتطبخن وعندكن هوش وبقر

[مشكلتي عنيد وراسي يابس]

وبعدين اذا عصبوا ما من زين اسلوبهم ترا يخلونهن ما يسون
بيسه
لو سمحتوا اللي ما متزوجين خلوكم برع شوي
هذا موضوع للكبار

[حبوه غلوي]

لو سمحتوا اللي ما متزوجين خلوكم برع شوي
هذا موضوع للكبار


باباه انا عندي احفاد احفاد عاااد

[حبوه غلوي]

ممكن بعد حبوه كل شي جايز

بس اليوم نتكلم عن هذا النوع من النساء واوعدك اجيب نوع اخر ونتناقش فيه.

حبوه انتي بعدك تشوفي والا ما تشوفي اوكد فيك السكر فقيره

جايبلك كرتون فكس ولزقات حال الظهر

الله يرحم ايامك حبوه كنتن حريم صح تخبزن وتروين وتطبخن وعندكن هوش وبقر


ههههههه بس هالنوع ما موجود الا نادرا والعكس موجود وبكثره لي هم الرجال

هيه هيه ذكرتني بزمن اول بس تو حتى العيايز بطرانات

[مشكلتي عنيد وراسي يابس]

باباه انا عندي احفاد احفاد عاااد
من أي مصنع

[عيون البشر]

نتمنى منكم تلتزمو بالموضوع
وما نخرج منه لكلام جانبي او تجريح

كل انسان اعلم بنفسه والمواضيع عباره عن حوار فقط

[أوراق ناعمة]

ان شاء الله حاضرين فلنصمت
وجدت سكوتي متجرا فلزمته ...إذا لم اجد ربحا فلست بخاسر

[فِدَىْ قَابُوسٌ المُعَظّمْ]

موجود الزين والشين ومن الطرفين.... الكمال لله

[ثابت الخطى]

ان النساء شياطين خلقن لنا نعوذ بالله من شر الشياطينا

[عيون البشر]

ان النساء شياطين خلقن لنا نعوذ بالله من شر الشياطينا


النساء ورود وازهار ورياحين خلقن لنا

هن العلوم لم اراد تعلم
هن السلاح لم لمن الحرب
هن الجمال لكل ما خلق لنا
هن الحنان والمودة والسكينة لنا

النساء هن كل ما يجعل الرجل يتنفس


من كل اعماقي ارسلها لهن

انتن أجمل ما خلق الله

[أفتخر عمانيه]

واقع حقيقي مؤلمالله لا يبلينا بمثل هذي النوعيات وهن كثيرات وفيراتدام انه الزوج فاك فمه وحلقه تراها معاه وإذا قال ما اقدر قامت له حية الكوبرا .. لا حول ولا قوة إلا باللهبارك الله فيك والله يكفينا بلاوي الحريم

قاتل ضفدع

أي واقع

معقوله هي تقص عليه لهذه الدرجة شكله هو مغفل

شكرا على الموضوع


تحياتي لك

[ثابت الخطى]

النساء ورود وازهار ورياحين خلقن لناهن العلوم لم اراد تعلمهن السلاح لم لمن الحربهن الجمال لكل ما خلق لناهن الحنان والمودة والسكينة لناالنساء هن كل ما يجعل الرجل يتنفسمن كل اعماقي ارسلها لهنانتن أجمل ما خلق اللهان النساء رياحين خلقنا لنا ومن ذى الذى لا يحب شم الرياحين

[ام رورو]

حشا لله عااد ما سالفه
عاد ما كل الحريم كذا يستغلن زواجهن
بيكون انت عيون البشر حرمتك كذاك تسويلك ومسوي كذا السالفه
ههههعععع

[عاشقة المستحيل 2]

صراحه سالم شخصيته ضعيفه