معاناة سليمة في بيت زوجها ( اختصار لحال مجموعه من الزوجات)

[عيون البشر]

سليمه فقيره مدللة ابوها واخوانها
كل يوم تجلس معهم وابوها يتغزل فيها واخوانها يشاكسوها
بس واااجد يحبوها ويدللوها كأنها سندريلا من حلاها
ويوم تروح السوق ابوها يقولها خذي اللي تبي يا بنتي
وتشل ذاك السوق وابوها يضحك
ترجع البيت تساعد أمها وتخدم ابوها واخوانها
وهمه يبادلوها الحب كل ما خدمتهم كل ما سوت وجبه جات لأبوها مستحيه وشايله الصحن.
وهو يفرح ويقولها عاشت العروس ويحب الها راسها
الزمن يمر والوردة تكبر
والزمن له تصاريف ودروس وعبر
جاها الخطيب يدق الباب
وجات امه وحاطه ايدها ع سليمة وتقولها حبيبتي انتي غاااويه
تبسمت من كلامها الفقيرة ووافقت
الرجال في المجلس والحريم في الصالة
وسليمه فقيره تفكر جايه اجمل أيام العمر تدق بابها
صار اللي صار ودار الحوار وطلبوا الشبكه وحددوا كم المهر
وسليمه فرحانه
دفعوا المهر وصار اللي صار
وجاها العريس بليلة عرسهم وأجمل أيام العمر صارت تمر
بحكم العادة قامت سليمه تنظف الحوش الفجر
وتطبخ للزوج وأهله الظهر
تفكر انهم مثل أهلها
وانه تقديرها بيكبر وبتصيير نفس سليمه في عين ابوها
الأيام تمر وسليمه يكبر بطنها
وام الزوج اللي كما حل الشعر في عز الظهر تنطبخ
وتتنازع وتصرخ: وينك انتي يا سليمه ما خميتي اليوم
وما مسويه غدانا، وسليمه ما قادره فقيره
من وحام ومن تعب ومن غسيل ومن ظهرها اللي بينكسر
وعمتها سكين كل ما ارتاحت سليمه جاها منها سهم
تشتم وتتنازع وتهز الكتف
وسليمه صابره وتقول هانت هذي زي امي الحنون
بس كل ما جاها يوم على راسها اركبت
وصارت تضحك عليها جاراتها في الجلسة العصر
وهيه ساكته تقول زوجي واهل زوجي وما ابي أكدر خواطر
بس فقيره ضاق بيها كل شيء ممكن تحبه
حتى ذاك الدب أبو كرش البعل
صار اسوء من امه
صار بس يطلب من سليمه اكل وغسيل وكوي
صارت بعينه شغاله وتحمل في بطنه ولدها
صارت تحلم بيوم يجمعها بأبوها والاخوان العصر
تبي تشري،، تبي تلبس،، تبي تدلع شوي
صارت الحسرة تتابعها اذا جاء للسوق الطاري
واذا قالت لزوجها ابي السوق العصر
يعصب عليها ويزعل ويتنازع ويقول: انتي تراك كسرة ظهر
مرت الأيام تركض وسليمة بالرابع تحمل في بطنها
والحال من اردا لأردا
ولد امه تابع شور امه ومعذبها عذاب
وسليمه مالها غير الحلم وذكرى من خيالات الصغر
بس ساكته، وتكذب على ابوها واخوها وحتى أمها
إذا اسئلوها وتقول: انا عايشه احلى أيام العمر.
بس وجها شاب وخدودها سمر
والا ايدها صارت مثل جلد السمك
حتى علبة الفازلين تخاف منها
بس صبرت وبتصبر
وهذا حال بعض البنات
من دلال الاب الى قهر العمر

1) هل تعتقد ان صبر سليمة مبرر؟
2) ما هي اهم الشروط التي يجب ان ينتبه عليها الاهل قبل الفرحه بطلبات الزواج والمهر؟

[اموووره]

الله يعين بجد
بنقول هذك ام زوجها ولازم تتحمل عشان خاطر عيون زوجها
بس دام الزوج اردى من الام هيش ابابهم
ترد بيت اهلها وتعلمهم بكل شي
هي صبرت عليهم وايد على امل انهم يتعدلوا بس الظاهر ماكو فايده
فأحسن تلحق على روحها عن يصيبها شي منهم

طرح جميل اخوي
يعطيك ألف عاافيه

[عيون البشر]

الله يعين بجد
بنقول هذك ام زوجها ولازم تتحمل عشان خاطر عيون زوجها
بس دام الزوج اردى من الام هيش ابابهم
ترد بيت اهلها وتعلمهم بكل شي
هي صبرت عليهم وايد على امل انهم يتعدلوا بس الظاهر ماكو فايده
فأحسن تلحق على روحها عن يصيبها شي منهم

طرح جميل اخوي
يعطيك ألف عاافيه


شرفني مرووورك استاذتي

[يحيائي10]

وهذا حال بعض البنات
من دلال الاب الى قهر العمر




جميل هالتعبير واحييك على هذا المشهد الذي هو فعلا يحاكي بعض من زوجات الرجال الذين لا يقدرون معنى الزوجيه او معنى الانسانيه

فكيف بزوجه صاحبة الاحساس والقلب المرهف والجسد النحيل والعاطفه الجياشه ان تتحمل ما تتحمله سليمه التي فعلا تحترم سرية بيت الزوجيه وحيث لا اخبار سيئة تنقلها سواء لجلسة المعصرات او بيت الابوة الحانيه ...



ارفع ا لقبعه لزوجات هكذا هن حالهن في بيت يحلمن ان يكن فيه اميرات ولكن للاسف ينصدم بانهن يكسن في بيوت التعاسه لتعاسة اخلاق ازواجهن




ترليووووون شكر ايها المبدع

[عيون البشر]

وهذا حال بعض البنات
من دلال الاب الى قهر العمر




جميل هالتعبير واحييك على هذا المشهد الذي هو فعلا يحاكي بعض من زوجات الرجال الذين لا يقدرون معنى الزوجيه او معنى الانسانيه

فكيف بزوجه صاحبة الاحساس والقلب المرهف والجسد النحيل والعاطفه الجياشه ان تتحمل ما تتحمله سليمه التي فعلا تحترم سرية بيت الزوجيه وحيث لا اخبار سيئة تنقلها سواء لجلسة المعصرات او بيت الابوة الحانيه ...



ارفع ا لقبعه لزوجات هكذا هن حالهن في بيت يحلمن ان يكن فيه اميرات ولكن للاسف ينصدم بانهن يكسن في بيوت التعاسه لتعاسة اخلاق ازواجهن




ترليووووون شكر ايها المبدع


انا من يتشرف بك ابو محمد
وربي يجعل ايامك كلها سعادة وهناء

[نسر البوادي]

طرح رائع يعطيك الف عافيه ولي عوده باذن الله

[أميرة الروح]

أكره الرجال إلي ماعندهم شخصية ومايحسوا بتعب ومعاناة الزوجات لهم
البعض ولو تسوي ماتسوي زوجته مايقدرها ولا يشكرها ابد
الله يعين من هذول الناسات
ما هي اهم الشروط التي يجب ان ينتبه عليها الاهل قبل الفرحه بطلبات الزواج والمهر؟
الراحة النفسية للبنت هي ليست بضاعة للبيع وانما إنسانة تزوجت ليكون لها سند وعون في كل شي
يجب ان يختاروا الزوج المناسب للبنت فلا الجمال ولا الفلوس تجيب الراحة للبنت وانما الاخلاق والاحترام هم الاساس للقبول الزوج

كل الشكر لك ع الطرح
دائما مبدع ف طرحك للمواضيع
بورك مجهودك

[ام رورو]

طرح مميز وراقي
والله الحين تحصل قليل كذا اشخاص وزوجات يعانن من العمه والزوج
بس بعضهن العكس الحريم ضاحكات ع الزوج
تشكــــرات

[عيون البشر]

أكره الرجال إلي ماعندهم شخصية ومايحسوا بتعب ومعاناة الزوجات لهم
البعض ولو تسوي ماتسوي زوجته مايقدرها ولا يشكرها ابد
الله يعين من هذول الناسات
ما هي اهم الشروط التي يجب ان ينتبه عليها الاهل قبل الفرحه بطلبات الزواج والمهر؟
الراحة النفسية للبنت هي ليست بضاعة للبيع وانما إنسانة تزوجت ليكون لها سند وعون في كل شي
يجب ان يختاروا الزوج المناسب للبنت فلا الجمال ولا الفلوس تجيب الراحة للبنت وانما الاخلاق والاحترام هم الاساس للقبول الزوج

كل الشكر لك ع الطرح
دائما مبدع ف طرحك للمواضيع
بورك مجهودك


شرفني مرورك سيدتي

بالفعل يجب قبل ان يفكر الاهل بالكماليات يفكرو لبنتهم بعد زواجها كيف بيكون حالها
المشكله انه بعض النساء تستحي تقول انه متعذبه عشان ما يقال انه فلانه معها مشاكل.

[عيون البشر]

طرح مميز وراقي
والله الحين تحصل قليل كذا اشخاص وزوجات يعانن من العمه والزوج
بس بعضهن العكس الحريم ضاحكات ع الزوج
تشكــــرات


تشرفنا بمرورك ام رورو
بالفعل كلا النوعين موجود

بس نتمنى الكل يرتاح في حياته

[عمانية الهوى والهوية]

اولا : ماشاء الله طرح جميل جدا واسلوب جدا رائع في الطرح
بالنسبة للموضوع :مثل ما فيه زوجات أبناء متغطرسات ويشجعن الأزواج على عصيان الأم ... أكيد فيه عمات سلطيات كحالة عمة سليمة وربما أكثر ... بالنسبة لصبرها هي مطالبة بالصبر خصوصا إذا كان هناك أبناء الى أن تستقل مع أسرتها الصغيرة ...
ولكن من الأفضل حتى لا تحدث هذه المشاحنات الاستقلالية من البداية ...

[عيون البشر]

اولا : ماشاء الله طرح جميل جدا واسلوب جدا رائع في الطرح
بالنسبة للموضوع :مثل ما فيه زوجات أبناء متغطرسات ويشجعن الأزواج على عصيان الأم ... أكيد فيه عمات سلطيات كحالة عمة سليمة وربما أكثر ... بالنسبة لصبرها هي مطالبة بالصبر خصوصا إذا كان هناك أبناء الى أن تستقل مع أسرتها الصغيرة ...
ولكن من الأفضل حتى لا تحدث هذه المشاحنات الاستقلالية من البداية ...


شكراً سيدتي على الاطراء ااجميل
هذا بعض مما لديكم

مرورك شرفني

[ثابت الخطى]

نموذج حى وواقعى ونصادف الكثير منه فى الحياه هو ونموذج سالم اللى عنده ابو ليت

[جمال319]

الحين البنات يحمدو ربهم زمن امهاتنا ذاقو المراره بعينها من العمات. لو كل شخص فيكم جلس مع امه او جدته راح تدمع عيونكم من السوالف. اما الحين اشوف الحال تغير واصبح تعامل العمه مقبول

[روح الحلا1]

الحين البنات يحمدو ربهم زمن امهاتنا ذاقو المراره بعينها من العمات. لو كل شخص فيكم جلس مع امه او جدته راح تدمع عيونكم من السوالف. اما الحين اشوف الحال تغير واصبح تعامل العمه مقبول

اتفق معك جمال 319.. فهالزمن نادر جدا تحصل زوجة تعاني من عمتها نفس معاناة سليمة،، لانه الحين البنات واعيات مستحيل يصبرن نفس صبر سليمة
في زمن امهاتنا وجداتنا عيب الزوجة تطلع اسرار الزوجية او تشتكي من زوجها اما الحين اهل الزمن تغيروا
بتحصل الزوجة بروحها تدافع عن نفسها وما تسمح لاي مخلوق يتدخل فحياتها الزوجية..

[تؤام مجد حياتي ^_^]

للأسف الشديد جدا ما زال المجتمع مشبع بمثل هذه الحالات

وبعض الشباب ما عندهم شخصيات بصراحه يفكرو ان الزواج انه ياخذ وحده تخدمه وتطبخ له وتغسل له وتصير له خدامه

المجتمع يفتقر من الشاب الواعي الفاهم لمضمون الزواج

1) هل تعتقد ان صبر سليمة مبرر؟

طبعا صبرها ليس مبرر فهي لم تتزوج لتنتقل من خدمه اهلها لخدمه الزوج واهله
وطبعا لا اعني ان الزوجه غير مسؤوله عن تلبيه طلبات زوجها بالعكس راح تكبر فعينه ولكن بعد ما تسكت عن كل طلباته وتفهمه ان الحياه الزوجيه لا تقتصر على خدمته وتربيه اولاده

2) ما هي اهم الشروط التي يجب ان ينتبه عليها الاهل قبل الفرحه بطلبات الزواج والمهر؟

اهم شي التأكد من ان المتقدم للزواج يكون ذو عقليه واعيه ومنفتحه

[أوراق ناعمة]

موقف لشخص قريب مني خالتها مثل قصتك انتهت بطلاق لانها صارت عامله في بيتهم ما زوجه صبرت وقالت بيلين قلبه عليها الا ان فوقها صار بضربها الله يعنها ما لقتها لا من الزوج ولا من العمه بعدها الشغاله تحصل راتب اخر الشهر

[أم فارس وخواته]

وقت الخطبة أشوف على حاله هو واهله وكيف عايشين وكيف مستواهم المادي وبعدين افكر إذا اوافق او لا،،، صراحه مامستعده اعيش طول حياتي ف تنازلات عشان خاطر اي حد ،، أهم شي راحتي ما أطلع من بيت ابوي عشان اتعذب طول عمري ،، أذا الزوج متمرد ويعاملني شغاله لا وألف لا ،، أرجع بيت أبوي أكرم لي

[D.Queen]

هم كلها كلمتين تختصر كل شي

البنت لو اهانت نفسها... بتنداااااااس
وما بيكون لها أي احترام..!

شكرآ لك..

[عيون البشر]

ليش تنداس يا مس كوين
ممكن تبني اسره عظيمه
فيه نساءكثيرات تعذبن بس جابن اولاد وارتاحن بعد ما كبرو
وكان ممكن يطلقن ويعيشن بيت الاب للموت بدون ذكر او انثى تدعيلها

[عيون البشر]

معظم كلامكم قاسي
تحثو فيه على خراب البيوت
هل الكرامه هذا ثمنها
ان الوحده تتطلق مثلا

ماحد منكم قدر يخصل حل آخر

[D.Queen]

ليش تنداس يا مس كوين
ممكن تبني اسره عظيمه
فيه نساءكثيرات تعذبن بس جابن اولاد وارتاحن بعد ما كبرو
وكان ممكن يطلقن ويعيشن بيت الاب للموت بدون ذكر او انثى تدعيلها

بلاش دراما و حياة مثالية و خرابيط
لما شافوها بلا كرامه... محد عطاها قدر
اذا هي.. نفسها هاينه عليها..كيف بيحترموها؟
وفوق هاي تتبهذل ولا تسمع كلام يطيب الخاطر
لا من ام ولا من زوج

اوك انا معاك تصبر و تتحمل لفتره
لعل الله يحدث بعد ذلك أمرا
بس ما توصل للإهانة

[نـــــــقــــــــاء]

الله يعين من كان هذا حالها
عليها بالصبر أولا
إذا لم يجدي تطلب من زوجها الإستقلال ف بيت وحدهم .
إذا لم يجدي مالها غير أهلها .

[عيون البشر]

الحرمه يا بنات تراها مندوس
ومنجوس قديم يشل هموم ويبني

تتعذب بس تصبر

ياما حريم طلعن من حثالة المجتمع رجال

[ام رورو]

بس عاد ما توصل لدرجة الاهانه
لين متى بتتحمل
حشا هي ما جماد بعد
بس اقولك تحصل الحين فهالزمن1%مثل هالحاله
الحين ابوووي فيهن لسان الحريم ما يتحملن ههههه
الرجال صارخين تو. ما الحريم
تشكــــرات

[فِدَىْ قَابُوسٌ المُعَظّمْ]

سليمه فقيره مدللة ابوها واخوانها
كل يوم تجلس معهم وابوها يتغزل فيها واخوانها يشاكسوها
بس واااجد يحبوها ويدللوها كأنها سندريلا من حلاها
ويوم تروح السوق ابوها يقولها خذي اللي تبي يا بنتي
وتشل ذاك السوق وابوها يضحك
ترجع البيت تساعد أمها وتخدم ابوها واخوانها
وهمه يبادلوها الحب كل ما خدمتهم كل ما سوت وجبه جات لأبوها مستحيه وشايله الصحن.
وهو يفرح ويقولها عاشت العروس ويحب الها راسها
الزمن يمر والوردة تكبر
والزمن له تصاريف ودروس وعبر
جاها الخطيب يدق الباب
وجات امه وحاطه ايدها ع سليمة وتقولها حبيبتي انتي غاااويه
تبسمت من كلامها الفقيرة ووافقت
الرجال في المجلس والحريم في الصالة
وسليمه فقيره تفكر جايه اجمل أيام العمر تدق بابها
صار اللي صار ودار الحوار وطلبوا الشبكه وحددوا كم المهر
وسليمه فرحانه
دفعوا المهر وصار اللي صار
وجاها العريس بليلة عرسهم وأجمل أيام العمر صارت تمر
بحكم العادة قامت سليمه تنظف الحوش الفجر
وتطبخ للزوج وأهله الظهر
تفكر انهم مثل أهلها
وانه تقديرها بيكبر وبتصيير نفس سليمه في عين ابوها
الأيام تمر وسليمه يكبر بطنها
وام الزوج اللي كما حل الشعر في عز الظهر تنطبخ
وتتنازع وتصرخ: وينك انتي يا سليمه ما خميتي اليوم
وما مسويه غدانا، وسليمه ما قادره فقيره
من وحام ومن تعب ومن غسيل ومن ظهرها اللي بينكسر
وعمتها سكين كل ما ارتاحت سليمه جاها منها سهم
تشتم وتتنازع وتهز الكتف
وسليمه صابره وتقول هانت هذي زي امي الحنون
بس كل ما جاها يوم على راسها اركبت
وصارت تضحك عليها جاراتها في الجلسة العصر
وهيه ساكته تقول زوجي واهل زوجي وما ابي أكدر خواطر
بس فقيره ضاق بيها كل شيء ممكن تحبه
حتى ذاك الدب أبو كرش البعل
صار اسوء من امه
صار بس يطلب من سليمه اكل وغسيل وكوي
صارت بعينه شغاله وتحمل في بطنه ولدها
صارت تحلم بيوم يجمعها بأبوها والاخوان العصر
تبي تشري،، تبي تلبس،، تبي تدلع شوي
صارت الحسرة تتابعها اذا جاء للسوق الطاري
واذا قالت لزوجها ابي السوق العصر
يعصب عليها ويزعل ويتنازع ويقول: انتي تراك كسرة ظهر
مرت الأيام تركض وسليمة بالرابع تحمل في بطنها
والحال من اردا لأردا
ولد امه تابع شور امه ومعذبها عذاب
وسليمه مالها غير الحلم وذكرى من خيالات الصغر
بس ساكته، وتكذب على ابوها واخوها وحتى أمها
إذا اسئلوها وتقول: انا عايشه احلى أيام العمر.
بس وجها شاب وخدودها سمر
والا ايدها صارت مثل جلد السمك
حتى علبة الفازلين تخاف منها
بس صبرت وبتصبر
وهذا حال بعض البنات
من دلال الاب الى قهر العمر

1) هل تعتقد ان صبر سليمة مبرر؟
2) ما هي اهم الشروط التي يجب ان ينتبه عليها الاهل قبل الفرحه بطلبات الزواج والمهر؟




صبر غير مبرر اوصلها لهذي الحاله للاسف.....

الاهل مامفروض يحطو ف بالهم انه المهر والفلوس هي كل شي

وبقية الاشياء تاتي تباعا

[فِدَىْ قَابُوسٌ المُعَظّمْ]

ليش تنداس يا مس كوين
ممكن تبني اسره عظيمه
فيه نساءكثيرات تعذبن بس جابن اولاد وارتاحن بعد ما كبرو
وكان ممكن يطلقن ويعيشن بيت الاب للموت بدون ذكر او انثى تدعيلها

الكرامة مبنيه على اشياء كثيرة ...
وكثرة التنازلات تفقدك نفسك للابد

[ابوقيس99]

الله عليك يا حكيم
فعلا يوجد الكثير مثل حالة هذه المسكينه
حتى يومنا هذا
ولكن على الزوجه الا تنزل نفسها اكثر في
تعب زوج لا يقدرها عليها التوجه الى اهلها
واخبارهم مادام الزوج ينظر لها كشغاله

[مائة بيسة]

استغرب اللي تصبر على امل زوجها يتعدل....
https://encrypted-tbn1.gstatic.com/images?q=tbn:ANd9GcROoMDDgb4oSmBGkYnZ7cE4Cc245rx00 I9MIgaJsit_zEMLH9Z23w