أميرة الروح
27-02-2018, 10:43 AM
قف يارفيقي على الحال .... ماني على كتمانها عنك حيله
الصبر عن بوح الاحاسيس قتال.... والبوح في بعض المواقف فشيله
لو كل مايطري على البال ينقال.... ماكنت احس ان الثقيله ثقيله
ابطيت اكافح ضيقة البال بالبال... وادفع بلا هاجوسها كل ليله
لين اقبلت مثل السحابه بهمال ... تشفي غليل اللي تزايد غليله
رعادها خيل تدابك وتختال... وبراقها لمع السيووف الصقيله
طاحت ولا اوفق من حناياك منزال.... وسع فضى صدرك لفيض المخيله
يابدر يابدر ماني عال لو حتي عال... شفني من الصدمات نفسي عليله
أشيل حملن لو يشيلنه جبال... الله وامانه غير تصبح نثيله
ارمي من هموم الزمن واسحب ادبال.. وانزل عن الجوكر وغير يشيله
من كثر ماشافت عيوني من انذال ... بديت اشك ان النذاله فضيله
ماطاح من عيني رجل طاحوا رجال... ورجال يابن حنيف ماهي قليله
اقرب من اللي قالهم ضمن ماقال...راكان ابن حثلين راع الجزيله
هذا ولد عمن وهذا ولد خال .... وهذا رفيقن ماندور بديله
سبحان يابدر منهو بدل الحال ...وحط الجفا بين الخليل وخليله
هذا الزمن يبغاله لسان دلال .. من يستحي هالوقت واعزتي له
وقتن بها الراعي غدا راعي دلال... كلن على طاريه ينفض شليله
من كان ساسه للردى مضرب امثال... اليوم يحسب من كبار القبيله
المال يابن حنيف ملعون ابو المال .. ذل العزيز وعز ناسن ذليله
للشاعر خلف المشعان
الصبر عن بوح الاحاسيس قتال.... والبوح في بعض المواقف فشيله
لو كل مايطري على البال ينقال.... ماكنت احس ان الثقيله ثقيله
ابطيت اكافح ضيقة البال بالبال... وادفع بلا هاجوسها كل ليله
لين اقبلت مثل السحابه بهمال ... تشفي غليل اللي تزايد غليله
رعادها خيل تدابك وتختال... وبراقها لمع السيووف الصقيله
طاحت ولا اوفق من حناياك منزال.... وسع فضى صدرك لفيض المخيله
يابدر يابدر ماني عال لو حتي عال... شفني من الصدمات نفسي عليله
أشيل حملن لو يشيلنه جبال... الله وامانه غير تصبح نثيله
ارمي من هموم الزمن واسحب ادبال.. وانزل عن الجوكر وغير يشيله
من كثر ماشافت عيوني من انذال ... بديت اشك ان النذاله فضيله
ماطاح من عيني رجل طاحوا رجال... ورجال يابن حنيف ماهي قليله
اقرب من اللي قالهم ضمن ماقال...راكان ابن حثلين راع الجزيله
هذا ولد عمن وهذا ولد خال .... وهذا رفيقن ماندور بديله
سبحان يابدر منهو بدل الحال ...وحط الجفا بين الخليل وخليله
هذا الزمن يبغاله لسان دلال .. من يستحي هالوقت واعزتي له
وقتن بها الراعي غدا راعي دلال... كلن على طاريه ينفض شليله
من كان ساسه للردى مضرب امثال... اليوم يحسب من كبار القبيله
المال يابن حنيف ملعون ابو المال .. ذل العزيز وعز ناسن ذليله
للشاعر خلف المشعان