ماقلت لك ياصاحبي وش سالفة ذاك المساء

[نوارة الكون]

ماقلت لك ياصاحبي وش سالفة ذاك المساء





ما قلت لك يا صاحبي وش سالفة ذاك المساء؟!!
يومك تحسبنّي هنـا وآنـا هنـاك بوحدتـي !







يوم أرتمي بقاع الوجع واسير في درب الشقاء
.يوم آتضايق وأنتخـي ياعزوتـي ياعزوتـي !



يوم أنكسر وش فادني






مافادني كثـر العطـاء

يوم أجني الطيبه غدر كان الوفا هـو بذرتـي


يا قلّهم وقت الشقا وياكثرهم وقـت الرخـاء
كب الهقاوي وش بها ياكود خيبـة هقوتـي


حتى الهوا فـي جوّهـم والله ماكنّـه هـواء
أتنفّسه ثـم أختنـق وأفتـك منـه بزفرتـي


أصيح للغيمه ضما واشوفها توحـي النـداء
من بعدها تمطر تعب لا واحسافـة صيحتـي


أيقنت بأن البحر يعكس للبشر وجه السمـاء
مير البلا وجه البشر مايعكـس ألاّ حسرتـي


ليه الزمن بـدّل مفاهيـم التآخـي إفتـراء؟
شرهت لكن يازمـن لا مـا تهـزّك شرهتـي


صدّقت سن لي ضحك من طيبتـي ياللغبـاء
وأقفيت في ظهري سهم والذنب كانت طيبتـي


مدّيت كفّـي لـه وفـا ولاهقيـت الإعتـداء
ياخيبتي من طيبتي مـن طيبتـي ياخيبتـي !


ولا لا تغرّك ضحكتي ياصاحبي هات الـدواء
هات الدوا ياصاحبـي لا لا تغـرّك ضحكتـي


الوقت متعب والبشر زادوا التعب مليـون داء
لذا نويـت أرحـل بعيـد وأستقـر بغربتـي

[نسر البوادي]

الله الله عليك نواره ابدااع اختي كلك ذوووق

[ثابت الخطى]

قصيده رووووعه بارك الله فيك اختى نواره

[أميرة الروح]

نص واختيار جميل
يعطيك العافية عالانتقاء
بارك الله فيك
(يستحق ان يتوج بالنجوم)

[اطياف السراب]

نص رائع جدا

شكرا جزيلا لك على جهودك

[نوارة الكون]

الله الله عليك نواره ابدااع اختي كلك ذوووق
اسعدني مرورك اخوي
دمت في حفظ الرحمن

[نوارة الكون]

قصيده رووووعه بارك الله فيك اختى نواره
اسعدني مرورك اخوي
دمت في حفظ الرحمن

[نوارة الكون]

نص واختيار جميل
يعطيك العافية عالانتقاء
بارك الله فيك
(يستحق ان يتوج بالنجوم)

اسعدني مرورك اختي
دمتي في حفظ الرحمن

[نوارة الكون]

نص رائع جدا

شكرا جزيلا لك على جهودك
اسعدني مرورك اخوي
دمت في حفظ الرحمن