المساعد الشخصي الرقمي

مشاهدة النسخة كاملة : (((( ودّي بــــــــــــــــــــــــــك ))))



نسر البوادي
12-03-2018, 08:49 AM
ودّي بـك وأبيـك وأبـاك وأبـغـاك

جمّعتهـا لرضـاك واختـار فيـهـا

شف ويش منها يتبع احكاك ورضـاك

واللي لك اسقـي مسمعـك لا ضميهـا

غديت (افر)احكـاي واسايـر احكـاك

وانـا تشّـرف لكنـتـي واهتويـهـا

مضمونهـا ودّي بشوفتـك واهـواك

ياللي دروب أهل الـردى مـا تجيهـا

صانـك ولـي أمـرك وحبّـك وداراك

ولا قــدر ردع الحـظـوظ ومجيـهـا

نفسـك مهذّبهـا وعـز الله ربّــاك

مايـدري ان جيـش الهيـام يغزيـهـا

الله قسم يبـلاك بـي وانـت يبـلاك

باللي سواتـي فـي العـرب يرتجيهـا

محبة (ن ) ذربة من القلـب تكسـاك

محبـة (ن) صـدق الهـوى يكتسيهـا

يامرك قلبـك بالوفـا لـي وتنهـاك

ناس (ن) على لامـاك تفـرك يديهـا

رزين عقـل ومـن مزايـا مزايـاك

نفسـك تحـب وعفـتـك تمتطيـهـا

تطيع عقل (ن) ما بعـد زل واغـواك

مشاعـرك تعصـاه، وانـت تعصيهـا

ما شفـت منّـك إلّا عيونـك ويمنـاك

محبـة (ن) راع الـرّدى مـا يبيـهـا

يقبـض فـؤادي لا تخيلـت فرقـاك

ياشف عين (ن) مـا سـواك يعنيهـا

ويا عزوة اخوانـك ومطلـب هـذولاك

ناس (ن) محبـة والــدك تدعيـهـا

ناس (ن) تخـدم أبيـك كلـه لعينـاك

وهـو يحسـب ان الله عليـه يهديهـا

يا جعلها تفدى علـى الأرض ما طـاك

والله بمـن هــو مثلـهـا يبتليـهـا

لكـن لعـب فـي يا وليفـي تغّـلاك

ونفسي غلاك مـن الصّـدود يحديهـا

تبطـي علـي وأنـا هنـا واتحـراك

وكبـدي لو أهيـب الصّبـر تشتويـهـا

واجمّع علومك امـن هنـاك وهنـاك

ووالله لـو انهـا تنشـرى لا اشتريهـا

وعذرك انا لا هي) يا ويش الّلي ألهاك

لاا هـي ومر(ن)منـت لاهـي تليـهـا

كإنّك مشكّك في الوفا والغـلا هـااك

جوالـي أقـر القائمـة كــل أبيـهـا

رقمك مع (الصّادر) ولا (وارد ) اسواك

والنّاس في الّلي ( لـم يـرد عليهـا ).

وايّــاك وايّاني...وايّـانـي ايّــاك

ومن غيبة (ن) من دون عذر يحميهـا

نويت مرباع الغضي سيّد الأحبـاب

قصدي يزول الجـرح زاد التهابـه

جيت وبقايل نارهم حـول الأطنـاب

بيت الشّعر مطوي وباقـي زهابـه

أقفت ركايبهم ومنّـي الهـدب ذاب

الدّمـع يسـري والذهـل بالإجابـة

على غزير الدّمع ضمّيت الأهـداب

صدّيت لين لين الدمع يقفي سحابـة

بعض الوجع يمكن تداويه الأعشـاب

وبعض الوجع يا ويل من هو سطا به

عشق بدوي لا حب ما هـو بكـذّاب

يوفي ولو جرحـه تجـدّد صوابـه

واليوم وصلت بيننا مثـل الأجنـاب

ذاك الغلا يـا ضيعتـه يـا سفابـه

باكر إذا جينا لهـم مثـل الأغـراب

من عقب ما كنـّا الأهـل والقرابـة

الأمـر لله كـل شـي لـه أسبـاب

ولا الهوى وش لي على ما اهتدى به

وشلون قلبي ما يجي اليوم منصـاب

على الكتم منقـوش بعـض الكتابـة

حتى اثر مشيه مع سهول وهضـاب

مر يجيـه ومـر مـا ينـدرى بـه

قلبي من الفرقا صويـب ومرتـاب

كنّه غدى صوين من هول مـا بـه

حزني عليه إنّه تسبّـب ولا طـاب

نظرة طبيبـة عجّلـت فـي ذهابـه

ريح الخزامى والنفل زين الأطيـاب

يشدنـي ريـح السّمـر فـي ثيابـه

لا أقبل نسيـم بـه خيـل وركـاب

وله في طلوع الشّمس عز ومهابـة

ثابت الخطى
12-03-2018, 08:52 AM
الله الله الله كل بيت مريت عليه فيه طعم العسل
دمت مبدع اخى نسر

أميرة الروح
12-03-2018, 08:57 AM
نص وأختيار جدا جميل
راق لي
يعطيك االعافية عالانتقاء
بارك الله فيك
(يستحق ان يتوج بالنجوم)

نسر البوادي
12-03-2018, 09:01 AM
تسلم اخي ثابت مرورك هو العسل ياذوووق
يعطيك الف عافيه مرور لا عدمنااه

نسر البوادي
12-03-2018, 09:02 AM
تسلمين اختي اميره مرورك الرائع اسعدني ياذوووق
شاكرا لك تزيينك الصفحه بالنجوم الخمس

مجنونك ما يخونك
12-03-2018, 10:51 AM
http://img.el-wlid.com/imgcache/2014/03/811313.gif

نسر البوادي
12-03-2018, 12:35 PM
تسلمين اختي مجنونك مرورك العطر اسعدني كلك ذوووق

اطياف السراب
12-03-2018, 01:58 PM
اختيار موفق ومميز

شكرا جزيلا لك على جهودك

نوارة الكون
13-03-2018, 07:28 AM
سلمت يمناك اخوي
انتقاء جميل وتواجد اجمل
دمت في حفظ الرحمن ورعايته

ورد القرنفل 1
13-03-2018, 10:01 PM
الله الله عليك أستاذي اختيار ولا اروووع
يسلم الذووووق المميز
لرووحك سعادة لا تنتهي،،،

نسر البوادي
14-03-2018, 08:12 AM
اطياف السراب تسلم مرورك العطر اسعدني كلك ذوووق

نسر البوادي
14-03-2018, 08:12 AM
تسلمين اختي نواره مرورك العطر اسعدني كلك ذوووق