اذا انحطيت في هذا الموقف فكيف يكون تصرفك

[عسل بس مالح]

السلام عليكم اخواني واخواتي واسعد الله صباحكم بكل خير

ماهي ردة فعلكم اذا انحطيتو بهذا الموقف
تكون موظف / ة فمكان لخدمة المواطنين ويجيك بعض المواطنين ويطلبوا منك مساعدتهم وتسهيل امورهم (يعني تسوالهم واسطه ) وانت اصلا مابيدك شي تسواه غير الا مأمور فيه يعني ماتقدر تتعدا بعض الأمور صح فيه اشياء عادي اقدر اساعدهم فيها لكن فيه اشياء صعبه ولو خبرت المدير عنهم مايوافق انه يساعدهم الا على حسب القانون المتبع
لكن لما اقول لهؤلاء المواطنين اني ما اقدر اساعدهم مايصدقوني ويعصبو علي ويقولوا انتي تقدري ولا بس من هين تبي تسوي سويتي نعم ما اعرف ليش كذا تفكيرهم والغم بين فترة وفتره يجوني المكتب يسالوا عن موضوعهم وينازعوني رغم اني اقولهم ما اقدر وادلهم على الأشياء اللي يسوها عشان يتم موضوعهم لكنهم مايطيعو يسوا اللي اقوله يبو موضوعهم انا احله لهم خاصة ذي المواقف تجيني من قبل النساء الكبار نعم يوم يجو ابا اشرد من مكتبي مافيني اقابلهم تعبت من هين اقول ما اقدر وماشي فايده

[زهرة الخلود]

انتي سوي الي عليش وما عليك من كلامهم
واسطه ما واسطه ما تمشي
ولوو فهالزمن كله بالواسطات
الله يرحم الحال

[ملك التفكير]

اقول هذا ما من اختصاصي
واللي يريد يعصب خله يعصب

[دار الجبايل]

عادي اذا الامور بسيطه وبأستطاعتي اساعده عادي بس الاهم نكون ما نضطر بشي
بس اذا ما بيدي شي ربي يسهل عليهم

[احلام صغيره]

عادي طنشي لان ما بايدك تسوي شي

[عسل بس مالح]

اقول لهم ما اقدر بس ما يصدقوا يطفروبي نعم طفرت وكرهت وظيفتي حتى حد يسب وحد يكذبني مع اني صريحه لكن بعض الناس ما تفهم لو افهمهم

[عسل بس مالح]

كيف اطنش اختي احلام وهم يجو مكتبي ويجلسوا يلعو والمراجعين الثانيين يشوفوا علي
وطبيعتي ما احب اصرخ فوجه احد اكلمهم بأحترام مع انه بعضهم مايحترموني ابد وكاني اشتغل عندهم نعم امسك اعصابي ع الآخر

[احلام صغيره]

الله يعينك نعم

[عسل بس مالح]

ويعين الجميع يا رب

[تباشيرالأمل]

السلام عليكم
أختي الكريمه
شاكره لك حلمك وصبرك
أنت ماقصرتي بينتي لهم
أنك ماتقدري تساعديهم
الابالمسموحه به نظام
فمايلحقك ملام
وهم مالهم حق يطالبوك بشي فوق طاقتك
أذا ازعجوك قولي لهم عندكم
طلب هذا المديرروحوا له الصلاحيات عنده
وصرفيهم بلابااقه
ربي يوفقك ويسرأمرك

[عسل بس مالح]

السلام عليكم
أختي الكريمه
شاكره لك حلمك وصبرك
أنت ماقصرتي بينتي لهم
أنك ماتقدري تساعديهم
الابالمسموحه به نظام
فمايلحقك ملام
وهم مالهم حق يطالبوك بشي فوق طاقتك
أذا ازعجوك قولي لهم عندكم
طلب هذا المديرروحوا له الصلاحيات عنده
وصرفيهم بلابااقه
ربي يوفقك ويسرأمرك
اااااااامين جميعا يا رب
شكرا لك غاليتي ع الكلام الطيب

[سحابة ذكريات]

هذلاك شايفينك شكلك طيوبه عشان كذاك مره وحده صرخي عليهم
واتستوي امورك طيبه

[منى حمدون]

انتي حمدي ربك بس يعصبوا عليك ..

في موظفين يجيهم سب ودعاوي ...

الله يهدي الجميع ...

[طبيب الزجاج]

الانسان يكون حليم لقدر المستطاع وأن طفح الكيل يجب ان يغير مكانه حتي لو لبرهه
المراجعين وخاصة كبار السن ما يفهموا شيء اسمه انه ما من أختصاص الموظف يفكر انه بيده كل شيء
الطريقه المثلا انه اي شيء ما من أختصاصك توجهين المراجع للموظف المختص

كان الله في عونكم أن شاء الله

[صمت الشفاه]

الله يعيينكم

وساعدوا كثر ما تقدروا
عمل الخير يبقى دائما

[عسل بس مالح]

شكرا لكل من مر هنا وشكرا لنصائحكم الجميله وبارك الله فيكم

[أحبك يا عبري]

ما مجبور اساعد حد امشي على حسب قانون العمل وخلاص

[مائة بيسة]

بدون واسطة انتظر الدور فقط
http://www.majaless.com/up/get-1-2012-c1lfd55x.jpg

[علي الشعيلي]

عيل إسمك عسل مالح
خلك مثل إسمك وتشوووفي
بس أنا أخبرك حاجة دامك إدارية أي تسهيلات لازم يكووونن ح كافة لمواطنين أختي أتمنى بس
ما يكون في جهات عليا وجهات دنيا وهذا الكثير حاصل ف لإدارة بس ما في تتعدى مجال عملك
الله يوفقك
وع هذولاء قوي شخصيتك أكثر ما يستوي منازع يوميا
ول تصلي بالأمن إلي معاكم يسويلها صرفة

[جمال319]

اساعد بشي الي في حدود الصﻻحيه وما تظر بمصالح اﻻخرين
عساهم يلعو سنه ليش اتضيجي بحالك