(((( تعِبْت مْن السهر بانام ))))

[نسر البوادي]

أخاف تْطِيْح دمعة قَهر يخْجَل مِنّها كمّي .



دخيلك .. غمِّض عْيوني .. تعبت مْن السّهَر .. بانام
حرام تعذِّبْ احساسي وتحرق بالغلا دمّي .

كفايه !! .. ذابَتْ ضْلوعي .. كفايه !! صار لي أيام

أحس البرد من كِثْر ارتعاشي مَلّ من ضَمّي .


حرام اللي تسوِّي بي وانا المملي عشق وِهْيام
أخاف تْطِيْح دمعة قَهر يخْجَل مِنّها كمّي .



. أحبّك .. وش تبي أكثر ؟! حبَسْت بْصدري الأنسام
أحبّك من وانا طفل ٍ ينادي لى بكى : أمّي !! .



. غريبه !! .. صَعْب تِتخَيّلْ غلاك تْقول لي : أوهام!!
أحبّك ؟! أدري وْكَنّك تقول اشْلون ؟! يا عَمّي !! .



أحس إنّا تلاقينا قبل ما نلتقي باعوام
أو إنّك حِلْم عِشْتهْ في الخيال وصار من قَسْمي .



رسَمْتِك في جِدَار الشوق لوّنتك بدون أقلام
تخيّلتك فَرَح يفرض حروف اسمك على فَمّي .



وناديتك وشِفْتِك تِبْتِسِمْ واغتاظت الأحلام
وفَزْ طيفك يسابِق لهفة لقانا وجَلَس يَمّي .



نسولِف عنّك .. وننطِر يمرّ العام بَعْد العام
نغَنّي : ياقلوب العاشقين الغضّه ألتمّي .



وجيت فْ موعدك جايب فَرَحْ قلبٍ بحِسْنِك هام
وْوَدَّعْت بْعِيونك يا عيوني حِزْني وْهَمّي .



عَرفْت اش كثر أحبَك ليه أحبّك ؟! كيف حِبّك دام ؟!
لأنّك جيت يااغْلاهم تقول لْفَرحتي تِمّي .



. دخيلك غَمّض عيوني تعِبْت مْن السهر بانام
عَشَاني لا تعَذِّب خافقي أحْرَقْت لي دَمّي .

[أميرة الروح]

نص رائع جدا
راق لي
يعطيك العافية عالانتقاء
بارك الله فيك
(يستحق ان يتوج بالنجوم)

[نسر البوادي]

تسلمين اختي اميره مرورك الرائع اسعدني ياذوووق
شاكرا لك تزيينك الصفحه بالنجوم الخمس

[اطياف السراب]

إنتقآء رائع جدا ابدعت الاختيار

شكرا جزيلا لك على جهودك

[نسر البوادي]

اطياف السراب تسلم ياذوووق مرورك العطر اسعدني

[نوارة الكون]

سلمت يمناك اخوي
انتقاء جميل وتواجد أجمل
دمت في حفظ الرحمن ورعايته

[نسر البوادي]

تسلمين اختي نواره مرورك العطر اسعدني ياذوووق

[آسية]

إختيار موفق وانتقاء رائع جدا..

الله يعطيك العافية..

[نسر البوادي]

تسلمين اختياليدي بسمه مرورك العطر اسعدني ياذوووق