الزمن "مزحة ثقيل" وضحكتي كذآبه !

[Alhanouf]

جعله بكل وجه مرّه بـ {الهـوى} يلمحني
لين يدري ويش سوا : بـ الخـفوق غيابـه

كل شطـرٍ في غيابه - كـم تعب يشرحني
اجـبر الأبـيات بيـدي ! ! و البـلا منصابه

خالف النسناس داري و الغضى يلفحني
واحترقت مـن المحبه و الجفا بـ أسبابه

كل مـا قالوا يـودِّك ؟ ضـحكتي تجرحني
لو اغيب العـمر كلّـه ؛ هالـ ولـَّه ما جابه

كل ما يقسى ويبعد قال : ظرف و بِحني
يحسب إن العذر يشفي ما جرح به نابه

جـعل تسقى ضحكتينـه يومها تفـرحني
قبـل يدري عن غـرامي او اعرف انسابه

كم عزف هالناس لينه // قـام توّه لحني
من يضـيّع لحـن داره ( لا يعاتـب بابه )

كل ما جيت أتناسى . . وحدتي تذبحني
قلب بين الناس لكن ' ما شَعَر بـ أحبابه

و كل ما جيـت اتشالا دمعتي تفضحني
الزمن "مـزحة ثقيل" و ضحكتي كـذابه






الهنوف🌿.
14.4.2018

[مرتاح ويتصنع قلبي الراحة]

الهنوف وكل ما تكتب هنوف
شاعرة متمكنه
تشكل لوحة فنية
وتعزف على وتر العتاب
عندما تشرب من كأس الغياب
تحاول ان تخبىء فتفضحها العبرات
لقد تجلت شاعريتك هنا فكرة ولغة وخيالا
الزمن مزحة ثقيل وضحكتي كذابه
شكرا بملء السماء على الابداع المنثور هنا

[ابوقيس99]

الشاعره الهنوف
نص جميل ورائع ملئ بالتجريح
كلما جيت اتناسىوحدتي تذبحني
قلب بين الناس لكن ما شعر بااحبابه

الله عليك كلمات مميزه تستحق النجوم

[صدى صوت]

من طول الغيبات جاب الغنايم..
طولت غيباتك يالهنوف ربي يحفظك..
نص جميل ابدعتي فيه

[ســـعـيد مصــبـح الغــافــري]

كل مـا قالوا يـودِّك ؟ ضـحكتي تجرحني
لو اغيب العـمر كلّـه ؛ هالـ ولـَّه ما جابه

كل ما يقسى ويبعد قال : ظرف و بِحني
يحسب إن العذر يشفي ما جرح به نابه
تهطل الهنوف فتحيل يباس المدى اخضرارا وحياة
مالك شبيه يا أجمل وأروع شاعرة لها في أنفسنا كل المعزة والتقدير شخصا وشعرا.
هنا مررت وزرعت مجددا وردة الحنين
دمت تهتان خير