عاشق مملكة تايلاند
18-08-2018, 11:43 AM
(عيدك مبارك) يا أجمل من سكن وجداني.. كل عام ٍ وأنت أغلى من يمر طاريّه.. كيف أنا ما عايدك ياللي غلاك أشقاني.. كيف أبنسى؟ وأنت يومياً تجيبه فيّه!!.. أشهد إن العيد هذا غير وطعمه ثاني.. يوم اشوفك فيه راجع لي مصفي النيّة.. إنت تامرني يا عمري كيف تترجاني؟.. بس أشّر لي وأجيلك كلي برجليّه.. في غيابك زاد عشقي.. وكثروا خلاني.. والله العالم لو أحسب وصّلوا للميّة!.. كنت أبهرب من شماتة ربعي وعدواني.. يوم تتركني لحالي أصطفق بإيديّه.. لكن الحين أنت في قلبي هنا وحداني.. وكل هالميّه فوجودك حاجة منسيّة.. يا غناتي.. يا ربيع القلب.. يا تحناني.. أضحك وخل الحياة ألوأنها ورديّه.. لا بغيت أعزف وأغني بك تطيب ألحاني.. والقصايد في وصوفك تنكتب عفويّه.. والله إني يوم شفتك أورقت أغصاني.. وأزهرت في صبح عيدي (وردة عمااانية ).. لارجع خلي لحضني وصار يترجاني.. ما نظرته - مثل غيري - نظرة ٍ دونيّه.. الكبر لله يا قلبي وغير وجهه فاني.. والمحبة رغم بعدك هيّه زي ما هيّه.. (عيدك مبارك).. لغيرك مانطقها لساني.. كيف أبنطقها وغيرك مايمر طاريّه.