إحساس طفلة

[أميرة الروح]

يا بنت وجه الخير بيّن و معروف
لو ما تكلم شافت الناس خيره
و الوجه الاقشر ماهو بحاجة وصوف
يبان حتى للعيون الضريره
من عاش يتبع خطوة المال ملهوف
رزقٍ كتبه الله .. مافيه غيره
الخوف لو ينفع .. نفع صاحب الخوف
اللي على حقه يدينه قصيره
الضعف ماغيّر قدر ناسٍ ضعوف
عاشت صغيره ويوم ماتت صغيره
كلمة احبك بس من اربع حروف
وتحكي احاسيس ومشاعر كثيره
الحب اكبر من سهر ليل وطيوف
ماتفهمه حتى القلوب الكسيره
تدرين اصدق حب يطلع من الجوف
حب الفقير اللي عشق له فقيره
احلامهم تكبر من ملامس كفوف
وتكبر من اشواق العشير لعشيره
كنه معاها لو على ضلع مكشوف
داخل قصر يجمع امير واميره
احساسهم صادق بلا كذب وزيوف
كل ٍ يقول اللي يريّح ضميره
احساس طفله عندها العيد نفنوف
تظن من تلبسه صارت كبيره
وانا لحالي مجابه صفوف وصفوف
واليا خسرت اقول فدوه وخيره
اطيح و أوقف وابعد الشوف واطوف
اخذ قليل الزاد وارحل لديره
اترك كثير الزاد واكسب معروف
ترك الكثير يجملك في مصيره
يمكن يجيه انسان هالك من صدوف
يلقا من اللي تاركه مايجيره
شايف من الدنيا وعايف بشر عوف
اجناب والا من رجال العشيره
مرت علي ظروف واظروف واظروف
ماريحت حتى العيون السهيره
وللحين راسي راس وكتوفي كتوف
ماغيّرت مني ليالن عسيره
مدام فيني حيل وعيوني تشوف
والله معيّشني بحاله ستيره
والله لاستقبل على بابي ضيوف
لو ما املك الا دلتين وحصيره

[ثابت الخطى]

تدرين اصدق حب يطلع من الجوف
حب الفقير اللي عشق له فقيره
احلامهم تكبر من ملامس كفوف
وتكبر من اشواق العشير لعشيره
قصيده رووووعه
تشكري استاذه على حسن الأختيار
بوركت جهودك

[اطياف السراب]

نص رائع جدا

شكرا جزيلا لك على جهودك

[عاشق مملكة تايلاند]

تباااااااااارك الله نصوص تقشعر لها الابداع

[أميرة الروح]

تدرين اصدق حب يطلع من الجوف
حب الفقير اللي عشق له فقيره
احلامهم تكبر من ملامس كفوف
وتكبر من اشواق العشير لعشيره
قصيده رووووعه
تشكري استاذه على حسن الأختيار
بوركت جهودك


الاروع مرورك العطر
بارك الله فيك

[أميرة الروح]

نص رائع جدا

شكرا جزيلا لك على جهودك

الاروع مرورك العطر
بارك الله فيك

[أميرة الروح]

تباااااااااارك الله نصوص تقشعر لها الابداع

الاروع مرورك العطر
بارك الله فيك