دائما يشتكي يريد زيادة راتب

[ملهم]

السلام عليكم ورحمة الله وبركاته

راح اتحدث او اتطرق الى موضوع مهم جدا وهو في موظفين يطالبوا بزيادة رواتب كل يوم يطلع عند الادارة يا اخي اريد زيادة راتبي ومتى بنزاد رواتب وهو ما يجلس في مكانه بنوب دائما يشرد ويروح مره سوق مطرح ومره خارج دوام ويوم تجي تريد تعطيه شغل ما تحصله في كرسيه يا اخي انته اول هجع في مكانك حتا لو ما عندك شغل جلس في مكانك بعدين طالب بزيادة راتب

وكل مره يغيب يوم يجي ويومين غائب كيف تريد زيادة راتب تراه هذا كل شي هم يسجلوه عندهم وياثر عليك في تقرير سنوي بتعتك شغلوا شوي مخكم

وشكرا جزيلا لكم

[تباشيرالأمل]

السلام عليكم
العمل أمانة ومسؤلية
والراتب لازم يحللونه بشغلهم
وصبرهم على التعب والقيام به على الوجه المطلوب
عقب بيجيهم الخيرويبارك ربي في رواتبهم ورزقهم

شكرالك أستاذ ملههم

[احلام صغيره]

للأسف في ناس كذا بس همهم الزياده وما شي اخلاص للعمل

[صمت الشفاه]

صباح الامل بالزيادات ههه
ترا الانسان طماع

وكما قلت بالاول اشتغلوا صح وبعدين طلبوا زيادات

ربي يرزق الجميييع

[منى حمدون]

هذا حال الموظفين ....

في موظفين مستهتريين وناس شادين حيلهم ...

بس ف النهايه نفس الراتب ..

[عذووووبه]

الله يزيد الجميع من الخير

[سراب الورد]

جيد

الف شكر لك..

[Dr:Kumar]

انا الحمد الله ما أتذمر من راتبي و اطمح لزياده الراتب
اشتغلت في شركه براتب 120 ريال
و الحمد الله وفقني و اشتغلت في شركه ثانيه براتب محترم
و الواحد ما يتذمر و يقول ما اريد اشتغل و راتب ضعيف و اعتمد على القوى العامله
الواحد يسعى
انا سعيت و ربي وفقني
و اتمنى من الشباب انهم ما يتذمرو في الوظيفه و الراتب
كل هذا اقدار و نصيب و مكتوب لك من يوم ما انولدت
بس انت اسعى

[ملهم]

شكرا جزيلا اخواني واخواتي الاعزاء على ردودكم الطيبه

وفقك الله

[سحابة ذكريات]

صحيح في واجد ناس كذا وهم نفسهم الي تحصلهم في الدوام ما يشتغلوا ويعقوا الشغل لغيرهم
وفقط يتذمروا طوووول الوقت والحياه وكل شي ف الشغل ما عاجبنهم
ما غلط الواحد يطمح لزيادة راتب بالعكس لكن نووووبا كما تبغى يزاد راتبك اشتغل وحلل الريال بو توخذه

[ملهم]

صحيح في واجد ناس كذا وهم نفسهم الي تحصلهم في الدوام ما يشتغلوا ويعقوا الشغل لغيرهم
وفقط يتذمروا طوووول الوقت والحياه وكل شي ف الشغل ما عاجبنهم
ما غلط الواحد يطمح لزيادة راتب بالعكس لكن نووووبا كما تبغى يزاد راتبك اشتغل وحلل الريال بو توخذهكلامك صحيح اختي سحابه

وشكرا لك على المشاركة الجميلة

[ذكرى تائهة]

النفس ما تقنع ..
لو يشتغل بضمير كان يستاهل الزيادة و زود
لكنه للاسف ...

[حامي الذمار]

فيه ناس تحتاج زيادة ومن حقها طبعا نظرا لغلاء المعيشة

وفيه ناس لو تزيدها شهريا ما بيكفيها الراتب ...

بس بأمانة القطاع الخاص هوه الطبقة الكادحة في عمان مقارنة بباقي الجهات الحكومية

وفي النهاية ...ما يملي فم بني ادم الا التراب ..

[بـــن ظـــآآهـــــــر]

ومن ما يريد زيادة راتب ههه
بس سالفة الطلعات وقت الدوام هذي لا اتفق معها
يحب على كل فرد ان يكون مخلص لعمله

[um eram]

صدقت...الحمدلله اعمل بمجهودي لدرجه أن مسؤولي بروحه يعطيني بين فترات يوم راحه..والحمد لله

[um eram]

صدقت...الحمدلله اعمل بمجهودي لدرجه أن مسؤولي بروحه يعطيني بين فترات يوم راحه..والحمد لله...تشكر ع الطرح...

[غـــزلااان]

للأســف أخـــي هنــاك الكثيــر من الموظفيــن لا يقــــــدّرون قيمــة العمــــــل
وفــي المقابـــــل يطـــالبون بزيـــادة الــراتــــــب ..


دمــت بخيـــــــر