((((( عجزت احكي لك احساسي )))))

[نسر البوادي]

عجزت احكي لك احساسي واترجم لهفتي بالبوح
عجزت اني اعيش بصمت إلى من طال يذبحني

حبيبي شفت هالدنيـا بهانـاس تجـي وتـروح
ماهز القلـب واحتلـه ياكـود انسـان يسكنـي

قسم باللي خلق ذاتي وخلى في الجسد هالـروح
قسم باللي ليا من مت وصرت عظـام يجمعنـي

احبك والغلا صادق وما هو لعب وسلا ومزوح
نزل دمعي نزف جرحي وذاك الشـوق عذبنـي

احس الكون في عيني فنى وماعاد له مصلـوح
مادام اللي احبه حيل ماأجيـه ولايجـي عنـدي

انا لامن كتبت وهمت حكى حب غـدى مذبـوح
صرخ دمه بـدون شعـور كفـى بالله أفهمنـي

حبيبي جاك احساسي على صافي نقى ووضوح
كتبته قبل ما يومـي تجـي الأقـدار ويكتبنـي

وإذا قلبي خطأ أعذر وأقول انه بعـد مسمـوح
وإذا حبي معك قصـر أمانـه منـك سامحنـي

ابكتم حسرتي .. لكن؟ بقول انك ترى مسمـوح
وبخفي عبرتـي فعينـي قبـل دنيـاي تعدمنـي

وتأكد حبـك بقلبـي لآخـر ماتـروح الـروح
لاني مدري ساعتها مـن اللـي قـام يدفنـي

[أميرة الروح]

نص واختيار جميل جدا
راقت لي كلماته
يعطيك العافية عالانتقاء
دمت مميز في أنتقائك
بارك الله فيك
(يستحق ان يتوج بالنجوم)

[اطياف السراب]

إنتقآء رائع جدا

شكرا جزيلا لك على جهودك

[نسر البوادي]

يعطيك الف عافيه اختي اميره على مرورك الرائع
شاكرا لك تزيينك الصفحه بالنجوم الخمس وكلك ذوووق

[نسر البوادي]

تسلم اخي اطياف السراب مرورك العطر اسعدني كلك ذوووق

[نوارة الكون]

يسلمو ع الطرح
دمت في جفظ الرحمن