حُبٍ هجرك وراح لاعاد تنعيه

[أميرة الروح]

حُبٍ هجرك وراح لاعاد تنعيه
وإنسى الذي ياصاح باع الأمانه..


ياصاحبي وش فيك للحين تبكيه
ومطلق سراح الدمع عقب الرزانه..


منت الوحيد اللي فقد بالعشق راعيه
وأنهى سرد الحكايه بداعي الخيانه..


وشعورك اللي ماعرفت شلون تخفيه
نبش بقلب مرهف ولا له حصانه..


واحد من المليون يستاهل أفديه!!
ولأجله يهون العمر ويرخص عشانه..


وإن جاتك الطعنه من اللي كنت توفيه
قول الغدر كاااااااايد وهذا زمانه..


الصدق فينا عيب واجب نعاديه
والكذب صار إلزام نرفع بشانه..


هاذي طباع الوقت وكل جاهل يجاريه
وانت الذي بالعقل سيد الفطانه..


يا صاحبي هالوقت زادت بلاويه
والعشق صار شعور ماله مكانه..


كلن على ليلااااه غنى بأغانيه
ومنهم اللي خان حتى خوانه


وش عاد ذاك الحب ياصاحب تناسيه
وإكبح جماح الشوق وإمسك عنانه


ومن خان بك هاليوم باكر بترثيه
ويعرف معاني الحب ومعنى المهانه..!!

[اطياف السراب]

نص رائع جدا

شكرا جزيلا لك

[نوارة الكون]

سلمت يمناج اختي
انتقاء جميل وتواجد اجمل
دمتي في حفظ الرحمن

[أميرة الروح]

نص رائع جدا

شكرا جزيلا لك

الاروع مرورك العطر
بارك الله فيك

[أميرة الروح]

سلمت يمناج اختي
انتقاء جميل وتواجد اجمل
دمتي في حفظ الرحمن
الاجمل مرورك العطر
بارك الله فيك