سهل الباطن
12-02-2019, 10:58 PM
لها وجهت السؤال الياي
"جنابك .. بيننا أُلفة؟"
ويَتْ صوب اليمين حذاي
وعضت أطراف هالشفة
وقالت بوقاحة: Hi
(بلا حشمة وبلا كلفة)
هلا والله ببرد شتاي
هلا والله بدفا رجفة
هلا والله بخرير ظماي
هلا كل الهوى ونصفه
أفا تنسى .. بِريق الشاي
على ناري حلا رشفة
زيادة سكرك ومناي
وتسألني "بيننا أُلفة!!"
دخيلك يا عليك رضاي
تذكر شوقي ولهفة
أنا اللي جيت لك مشّاي
وجيشك منقسم صفه
بسامح قلبك ومبراي
ولو صرت شخص ما عرفه
[أنا الدنيا] وصوت الناي
وأجنادي على الشُرفة
جمالي يسلبك وغناي
ويستعصي على وصفه
بعد هالمختصر وش ياي
تسوي غير هالوقفة
حياك وتفضل هنا وياي
إذا رايك تبا تخلفه
واعلم إني في صريح الآي
ما تشوف ف صحبتي عفة"
صدمني ردها .. ش الراي؟
جميلة بس لا أَتْفَه
لقيت اني صِدِق محتاي
ألاقي لوهقتي صِرفه
بحط ف كفةٍ دنياي
واحط الجنة ف كفة
بمثِّل دورها وياي
وبتغيشم وبَتْسَفَّه
حشا ما أبي مأواي
بدار لناس مختلفة
هذي رميتي ومرماي
جد الجد مب طرفة
أبا أسعد هنا بدنياي
واريد هناك لي [غرفة]
وابا كفٍ على يمناي
وابا يمناي في كفه
وأرجو رحمتك مولاي
وضعفي ينتهي ضعفه
ناصر الشبيبي
٧/جمادى الأولى/١٤٣٨
٤/فبراير/٢٠١٧
"جنابك .. بيننا أُلفة؟"
ويَتْ صوب اليمين حذاي
وعضت أطراف هالشفة
وقالت بوقاحة: Hi
(بلا حشمة وبلا كلفة)
هلا والله ببرد شتاي
هلا والله بدفا رجفة
هلا والله بخرير ظماي
هلا كل الهوى ونصفه
أفا تنسى .. بِريق الشاي
على ناري حلا رشفة
زيادة سكرك ومناي
وتسألني "بيننا أُلفة!!"
دخيلك يا عليك رضاي
تذكر شوقي ولهفة
أنا اللي جيت لك مشّاي
وجيشك منقسم صفه
بسامح قلبك ومبراي
ولو صرت شخص ما عرفه
[أنا الدنيا] وصوت الناي
وأجنادي على الشُرفة
جمالي يسلبك وغناي
ويستعصي على وصفه
بعد هالمختصر وش ياي
تسوي غير هالوقفة
حياك وتفضل هنا وياي
إذا رايك تبا تخلفه
واعلم إني في صريح الآي
ما تشوف ف صحبتي عفة"
صدمني ردها .. ش الراي؟
جميلة بس لا أَتْفَه
لقيت اني صِدِق محتاي
ألاقي لوهقتي صِرفه
بحط ف كفةٍ دنياي
واحط الجنة ف كفة
بمثِّل دورها وياي
وبتغيشم وبَتْسَفَّه
حشا ما أبي مأواي
بدار لناس مختلفة
هذي رميتي ومرماي
جد الجد مب طرفة
أبا أسعد هنا بدنياي
واريد هناك لي [غرفة]
وابا كفٍ على يمناي
وابا يمناي في كفه
وأرجو رحمتك مولاي
وضعفي ينتهي ضعفه
ناصر الشبيبي
٧/جمادى الأولى/١٤٣٨
٤/فبراير/٢٠١٧