صدى صوت
08-04-2019, 10:31 PM
الله كريم ويجبّر الكسر والعوق
والله عليمٍ عن سبب كسر ساقي
مشكاي للخالق ولا أشكي لمخلوق
الدايم الواحد على الكون باقي
بأسباب من هو ورّث القلب بفتوق
نقّض جروحٍ مبطياتٍ عتاقي
يا شوق مرهوف الحشا نايف الذوق
لأجلك يصير المر حلو المذاقي
تفزّ لك حدّب المحاني على فوق
فجّت صدر من هو من الحب شاقي
إرحم فؤادٍ أتعبّه واهج الشوق
يا طر جيبي بغيبتك وإحتراقي
قلي علامك وإنت تامر وأنا أسوق
قلبي.. على ما تشتهي لك يساقي
اللي مضى خلّه ولا منّه ملحوق
وإغنم من الأيام ما كان باقي
حبّك براني سلّ حالي من الشوق
شف عبّرتي من كسّرتي واشتياقي
جرّيت لك شعري معَ كل طاروق
حبك ملك قلبي وحكّم وثاقي
عليك دمع العين موقٍ بأثر موق
من زود همي واسع الكون ضاقي
أما محبة تعزّ عاشق ومعشوق
عشقٍ عفيفٍ صافيٍ لك وراقي
صدق وغرام قلوب وافين وصدوق
يبقوا على عز الوفا للتلاقي
وإلا فراق وكل مطرود ملحوق
ولا ينكسر مع ركض الأيام ساقي
نجاح المساعيد
والله عليمٍ عن سبب كسر ساقي
مشكاي للخالق ولا أشكي لمخلوق
الدايم الواحد على الكون باقي
بأسباب من هو ورّث القلب بفتوق
نقّض جروحٍ مبطياتٍ عتاقي
يا شوق مرهوف الحشا نايف الذوق
لأجلك يصير المر حلو المذاقي
تفزّ لك حدّب المحاني على فوق
فجّت صدر من هو من الحب شاقي
إرحم فؤادٍ أتعبّه واهج الشوق
يا طر جيبي بغيبتك وإحتراقي
قلي علامك وإنت تامر وأنا أسوق
قلبي.. على ما تشتهي لك يساقي
اللي مضى خلّه ولا منّه ملحوق
وإغنم من الأيام ما كان باقي
حبّك براني سلّ حالي من الشوق
شف عبّرتي من كسّرتي واشتياقي
جرّيت لك شعري معَ كل طاروق
حبك ملك قلبي وحكّم وثاقي
عليك دمع العين موقٍ بأثر موق
من زود همي واسع الكون ضاقي
أما محبة تعزّ عاشق ومعشوق
عشقٍ عفيفٍ صافيٍ لك وراقي
صدق وغرام قلوب وافين وصدوق
يبقوا على عز الوفا للتلاقي
وإلا فراق وكل مطرود ملحوق
ولا ينكسر مع ركض الأيام ساقي
نجاح المساعيد