عينك ولو داريتها اقرا بها حس كذوب

[مجنونك ما يخونك]

عينك ولو داريتها اقرا بها حس كذوب




ما اقساك دام انك تجاملني بزيف العاطفه


كنت الحقيقه والخيال وهبة النسمة العذوب




واحلام طفل منيته يرقي سحابٍ شايفه


تاخذني الخطوه لدربك كلما ذعذع هبوب




وكل الوجود بجيتك باعذب لحونه يعزفه


وذاك الجليد الي رقيته تحت اقدامي يذوب




من لهفتي كل المشاعر في خفوقي جارفه


احياك روحٍ تايهه من شمالك للجنوب




دنيا بلا شمس ونور كن الثواني واقفه


ان كان حبي جنتك حبك من اكبرها ذنوب




اطرد سراب بقفرةٍ بخطوه وروح خايفه


ما بقى بي غير حزني وسط هاجوسٍ لعوب




وجملة حيرى على سطر تبعثر احرفه


ونظرة حنين يائسه تشرق مع وقت الغروب




تشكي بلحظات الاسى احلام عمر زائفه


هاك العمر والي بقى باقيه تايه في الدورب




سافر بوجداني على كل الجروح النازفه


وصوت ينادي بالرحيل واسمعه من كل صوب




صداه معتل الحروف يسري بروح عايفه


كتايب الاحزان فيني اشعلت نار الحروب




واستفزت نبض قلبي بالحزن متوالفه


آآآه يا جرح الضمير وسجن مامنه هروب




اختلط بدموع عيني من سنينٍ سالفه

[أميرة الروح]

نص وأختيار رائع
يعطيك العافيه عالانتقاء
بارك الله فيك
(يستحق أن يتوج بالنجوم )

[مجنونك ما يخونك]

نص وأختيار رائع
يعطيك العافيه عالانتقاء
بارك الله فيك
(يستحق أن يتوج بالنجوم )https://img.el-wlid.com/imgcache/2014/03/811294.gif

[نوارة الكون]

يسلمو ع الطرح
دمتم في حفظ الرحمن