نوارة الكون
24-06-2019, 08:13 AM
الوداعية
خلاص وش عاد باقي يانظر عيني
بكرى بسافر ولا ظنّيت به جيّة
بمشي مع الليل والغربة عناويني
ماودّي أرحل ولكن صارت النيّة
بودّعك والمدامع منك تبكيني
في الموقف اللي به الكلمات عفوية
بودّعك والمشاعر بك تعزّيني
في دفنة الحب وقلوب الهوى حيّة
سيلٍ من الدمع به شيٍ معنّيني
واحلى الليالي كما الصفحات مطوية
واللي من الهم فيني منك يكفيني
حلّ الفراق وليالي الحب منسية
باخذ معي صورتك يمكن تسلّيني
وقصايد الحب في شارعك مرميّة
وأنقش حروف أسمك بقلبي وبيديني
وأكتب قصيدة وأسمّيها الوداعية
خلاص وش عاد باقي يانظر عيني
بكرى بسافر ولا ظنّيت به جيّة
بمشي مع الليل والغربة عناويني
ماودّي أرحل ولكن صارت النيّة
بودّعك والمدامع منك تبكيني
في الموقف اللي به الكلمات عفوية
بودّعك والمشاعر بك تعزّيني
في دفنة الحب وقلوب الهوى حيّة
سيلٍ من الدمع به شيٍ معنّيني
واحلى الليالي كما الصفحات مطوية
واللي من الهم فيني منك يكفيني
حلّ الفراق وليالي الحب منسية
باخذ معي صورتك يمكن تسلّيني
وقصايد الحب في شارعك مرميّة
وأنقش حروف أسمك بقلبي وبيديني
وأكتب قصيدة وأسمّيها الوداعية