صعب نجرح واحد(ن) مانه الخطا

[نوارة الكون]

صعب نجرح واحد(ن) مانه الخطا




صعب تجرح واحد(ن) ما حصل منه الخطا
وصعب تنسى اللي كتب لك وفاه وما نساك





بسألك بالله وش لووون تعــريف العطا
واسألك بالله .. كم ربحك بلحظة قساك





واسألك بالله .. يا قائد أسراب القطا
كيف تظلم ثم تبعد وغيرك مع أساك





واسألك بالله وش ذنب من جمرك وطا
نار بعدك تحرقه والسبب لنه أحتساك





واسألك بالله يارمش متوحّش سطا
ليه تنوي ذبحتي بعدما حبي كساك





واسألك بالله من ركب خيلك وامتطا
وابعد الربان عن جال بحرك ما رساك





أنت ما تدري بأن الخطا ما له غطا
لو كسيته بالجواهر وليلك مع مساك





ياخسارة صدق الاحساس من جور البطا
ويا خسارة من تحرّى ومضمونه عساك




من جد :




صعب والله صعب يا صاحبي منك الخطا
وصعب تجرح من كتب لك وفاه ومانساك

[أميرة الروح]

نص واختيار جميل
راق لي
يعطيك العافيه عالانتقاء
بارك الله فيك
(يستحق ان يتوج بالنجوم)

[نوارة الكون]

نص واختيار جميل
راق لي
يعطيك العافيه عالانتقاء
بارك الله فيك
(يستحق ان يتوج بالنجوم)


آلف شكر ع المرور
دمتي في حفظ الرحمن

[اطياف السراب]

انتقاء رائع جدا

شكراً جزيلا لك

[نوارة الكون]

انتقاء رائع جدا

شكراً جزيلا لك
آلف شكر ع المرور
ودمتم في حفظ الرحمن