المرأة والمظاهر وحب التفاخر

[الفنان4343]

لا شك أبدا بأننا نعيش عصر جديد يختلف كليا عما عاشه السابقون من أهلنا ..

ولكن هناك عدة أشياء مهمة يجب الوقوف عليها وسببها المرأة في المقام الأول ويمكن أن يكون للرجل دور بسيط فيها .

أولا غلاء المهور .. بالرغم مما يحثنا عليه الدين الإسلامي من بركة النساء بقلة مهورهن إلا أن المهر مرتفع بشكل مبالغ فيه والسبب التفاخر وحب المظاهر .

استئجار القاعات التي تكلف الشي الفلاني .. صحيح أنها ليلة العمر ولكن أراها تكاليف ربما لو استغلت لرحلة خارجية للزوجين أو شراء أثاث أو احتياجات للمنزل تكون بذلك قد استفاد منها الزوجان ولكن عندما تحدث المقارنات .. بنت فلانة كان مهرها كذا .. وحاجزين القاعة الفلانية وبنتنا ما أقل من بنتهم ...* الخ .. هنا تكون المشكلة ..

ثانيا.. احتفالات أعياد الميلاد .. أصبحت تكلف الأب والأسرة بشكل عام مبالغ لأشياء تعتبر من أنواع التبذير .. في حين أن هناك أشياء ونواقص في المنزل غير الديون المكبل بها الزوج .. الذي يكون مجبر في أغلب الأحيان لتنفيذ طلبات زوجته حتى لا يكون مقصرا ..

ما رأيكم في ذلك ؟؟ أو هل ترون ذلك ضروريا ؟

[حافيه القدمين]

مساء الورد

يقولون خير الامور اوسطها
الرجل دائما يدور العيب ف المرأه وفي طريقة تفكيرها بالامور
ويشوف ارتفاع المهور عشان المرأه تحب المظاهر
ترى المرأه فيها اختك وفيها بنتك
ومثل ما انت تطلب المهر الشي الفلاني
حتى بنت الناس تريد مهر حالها حال بنتك او اختك
وبعدين لو تحسب تجهيزات العروس ترى المهر حتى ما يغطي كل شي تحتاج له
لانه كل شي غالي
طبعا اتكلم عن المهر المعقول
يعني نحن متوسط المهور معنا ف مسقط 5 الاف وانا اشوفه جدا مناسب ومش مبالغ فيه
اما بخصوص القاعه مثل ما انت قلت هي ليلة العمر ف لو يندفع مبلغ فيها احس عادي
وبعد مبلغ معقول مش شي اووفر
يعني ضيافه وتزين ف حدود المعقول..
وترى هو ف كل الحالات بيدفع ف ادفع ع شي يستاهل افضل من اني ادفع لحي الله شي
اما بالنسبه لاعياد الميلاد
خلاص اغلب الناس الحين تسوي حفلات بسيطه للاهل وشي بسيط يفرح فيه الطفل ويناسب ميزانيه اهله

[جميلة الملامح]

ولكن هناك عدة أشياء مهمة يجب الوقوف عليها وسببها المرأة في المقام الأول ويمكن أن يكون للرجل دور بسيط فيها .

لا تعليق!!!!!

[القعقــــــاع]

السلام عليكم
بما يخص المهور في اعتقادي أن ولي الأمر هو من يطلبه من العريس، وحسب العادات والتقاليد وتفكير الشخص، يوجد آباء زوجوا بناتهم بمهر لا يتجاوز 100ريال وأعرفهم شخصياً، وفي المقابل هناك مهور وصلت ل20الف فهنا أصبح البعض تحكمه العادات والتقاليد مع الأسف وليس حدود الدين والشرع.
وهناك من يتباهى باستئجار القاعات الفاخرة وقيمتها عالية تذهب في ساعتين فهذا هدر للمال وليلة العمر كما يقال ليست في المعاصي وهنا لا أعمم الكلام ولكن يظهر من البعض.

نسأل الله السلامة

["الرديــVipــني"]

مساء الورد

يقولون خير الامور اوسطها
الرجل دائما يدور العيب ف المرأه وفي طريقة تفكيرها بالامور
ويشوف ارتفاع المهور عشان المرأه تحب المظاهر
ترى المرأه فيها اختك وفيها بنتك
ومثل ما انت تطلب المهر الشي الفلاني
حتى بنت الناس تريد مهر حالها حال بنتك او اختك
وبعدين لو تحسب تجهيزات العروس ترى المهر حتى ما يغطي كل شي تحتاج له
لانه كل شي غالي
طبعا اتكلم عن المهر المعقول
يعني نحن متوسط المهور معنا ف مسقط 5 الاف وانا اشوفه جدا مناسب ومش مبالغ فيه
اما بخصوص القاعه مثل ما انت قلت هي ليلة العمر ف لو يندفع مبلغ فيها احس عادي
وبعد مبلغ معقول مش شي اووفر
يعني ضيافه وتزين ف حدود المعقول..
وترى هو ف كل الحالات بيدفع ف ادفع ع شي يستاهل افضل من اني ادفع لحي الله شي
اما بالنسبه لاعياد الميلاد
خلاص اغلب الناس الحين تسوي حفلات بسيطه للاهل وشي بسيط يفرح فيه الطفل ويناسب ميزانيه اهله

المشكله ان هالمبالغ اللي تنصرف ع القاعه ومُلحقاتها وماشابه من الاشياء الغير ضروريه يتدين فيها الزوج عشان يغطي مصاريفها ويدفع دم عمره فيها..

[حافيه القدمين]

المشكله ان هالمبالغ اللي تنصرف ع القاعه ومُلحقاتها وماشابه من الاشياء الغير ضروريه يتدين فيها الزوج عشان يغطي مصاريفها ويدفع دم عمره فيها..

اللي ما قادر ع زواج ومسؤوليه لا يتزوج احسن له
لانه طبيعي اللي يتزوج عارف انه بيتم طول عمره يدفع
عيل فيه ناس تتسلف عشان سفره
وفيه ناس تتسلف عشان تاخذ تلفون جديد وغيره
واللي يبدا حياته بسلفه بيتم طول عمره كذي
لو مرتب حياته بيقدر يدبر اموره
وبعدين ترى فيه رجال عندهم حب المظاهر مش بس النساء
بيشتري ارض من المكان الفلاني
ويبني بيت كبير بعدد غرف كثير
والبيت اساسا محد بيدخله غير اهله

["الرديــVipــني"]

اللي ما قادر ع زواج ومسؤوليه لا يتزوج احسن له
لانه طبيعي اللي يتزوج عارف انه بيتم طول عمره يدفع
عيل فيه ناس تتسلف عشان سفره
وفيه ناس تتسلف عشان تاخذ تلفون جديد وغيره
واللي يبدا حياته بسلفه بيتم طول عمره كذي
لو مرتب حياته بيقدر يدبر اموره
وبعدين ترى فيه رجال عندهم حب المظاهر مش بس النساء
بيشتري ارض من المكان الفلاني
ويبني بيت كبير بعدد غرف كثير
والبيت اساسا محد بيدخله غير اهله

مثل ماقلتي فيه ناس تتسلف ع تلفون وسفره لكن سلفية العرس هذي لابد منها وهي اللي تكسر الظهر سلفية العرس وسلفية البيت بعدين..

["الرديــVipــني"]

ولكن هناك عدة أشياء مهمة يجب الوقوف عليها وسببها المرأة في المقام الأول ويمكن أن يكون للرجل دور بسيط فيها .

لا تعليق!!!!!

مثل ايش

[حافيه القدمين]

مثل ماقلتي فيه ناس تتسلف ع تلفون وسفره لكن سلفية العرس هذي لابد منها وهي اللي تكسر الظهر سلفية العرس وسلفية البيت بعدين..

دور الرخيص وريح راسك
دور وحده ما تبا مهر ولا قاعه ولا عرس ولا بيت

["الرديــVipــني"]

دور الرخيص وريح راسك
دور وحده ما تبا مهر ولا قاعه ولا عرس ولا بيت

انا خلاص الحين صارلي 15 سنه من عرست.. زمن كان المهور ثلاثة الاف والفين والعرس كان ف خيمه

[حافيه القدمين]

انا خلاص الحين صارلي 15 سنه من عرست.. زمن كان المهور ثلاثة الاف والفين والعرس كان ف خيمه

الحين عاد تجمع حال عيالك

[شاهين هزاع]

اللي ما قادر ع زواج ومسؤوليه لا يتزوج احسن له
لانه طبيعي اللي يتزوج عارف انه بيتم طول عمره يدفع
عيل فيه ناس تتسلف عشان سفره
وفيه ناس تتسلف عشان تاخذ تلفون جديد وغيره
واللي يبدا حياته بسلفه بيتم طول عمره كذي
لو مرتب حياته بيقدر يدبر اموره
وبعدين ترى فيه رجال عندهم حب المظاهر مش بس النساء
بيشتري ارض من المكان الفلاني
ويبني بيت كبير بعدد غرف كثير
والبيت اساسا محد بيدخله غير اهله

اشكر اخي الفنان ع طرحه

واشكر الاخت حافية القدميين ع ردك الجميل فمثل ما هناك نساء مبذرات في اعياد الميلاد والعرس وغيرها كذالك هناك رجال حبهم للمظاهر كثره ارى ان الفه متعادله فيما بينهم

تحياتي لك ..

[حافيه القدمين]

اشكر اخي الفنان ع طرحه

واشكر الاخت حافية القدميين ع ردك الجميل فمثل ما هناك نساء مبذرات في اعياد الميلاد والعرس وغيرها كذالك هناك رجال حبهم للمظاهر كثره ارى ان الفه متعادله فيما بينهم

تحياتي لك ..

للاسف هذا الواقع
خاصه بالوقت الحالي
لانه المظاهر صارت تهمهم اكثر من اي شي
وكله في سبيل التصوير
لنشرها في مواقع التواصل الاجتماعي
الواحد يتسلف عشان الكل يشوف انه هو يسوي افضل من اللي هم مسوينه
كل واحد يسوي الشي ع قده
ويختار وحده تتناسب مع مستواه المعيشي
وتقدر ظروفه ..

[شاهين هزاع]

للاسف هذا الواقع
خاصه بالوقت الحالي
لانه المظاهر صارت تهمهم اكثر من اي شي
وكله في سبيل التصوير
لنشرها في مواقع التواصل الاجتماعي
الواحد يتسلف عشان الكل يشوف انه هو يسوي افضل من اللي هم مسوينه
كل واحد يسوي الشي ع قده
ويختار وحده تتناسب مع مستواه المعيشي
وتقدر ظروفه ..

كلام منطقي

[حافيه القدمين]

كلام منطقي

تسلم استاذ ..

[جميلة الملامح]

مثل ايش
شو هو اخي الفاضل.... مثل ايش؟!!

[شمس الداخليه]

.
.
.

لا يمكن أن نلقي اللوم لطرف دون آخر
أعتقد أن الجميع أصبح مشارك ولو بالقليل
في ظاهرة التبذير والأسراف والترف
وللأسف فقدنا لذة المشاركه وحلاوة المناسبات
الأب يشتىرط المهر 7 الألف بحجة بنته ما أقل من بنت فلان
البنت تبغى عرسها شي لا صار ولا استوى يوم العمر
الشاب كله يهون عشان السفره والتصوير والكشخه مثل ما مسوي زميلي فلان
كل شخص بتفكيره
وفي النهايه ممكن نغير من ذاتنا ونبدأ بأنفسنا
ومن بعد اكيد راح نغير من العادات السيئه في المجتمع

[زهرة الخلود]

ليش كل ما بالغو ف المهر حسبالهم عشان المظاهر والمفاخره
الحين كل شي غاااالي
فيه بنات ما يكفيهن المهر يضطرو الاهل يدفعو من جيبهم
وفيه ناس ع جد الحال ما عندهم
والناس عاد اذا ما شافت الشي الي تباه
تقول كلووه مهرها البنت
الحين لابد ارضاء الناس غايه لا تدرك
والله لسانهم ما بيسكت
خااااصه الحريم والمقارنه

[ثابت الخطى]

المظاهر صارت افاة العصر من الطرفين للاسف تمر علينا نماذج فى الحياه نستغرب منها مثلا واحد راتبه 400 وتحصله نهاية الشهر يستلف من زيد وعبيد عشان يغطى التزاماته الاسريه .
يروح يستلف من البنك عشان يفك سياره من الوكاله قيمتها 15 الف ويوم تساله ليش ؟؟
قال والله اللى مطلعين سيارات م الوكاله ما احسن عنى بشى والانسان يعيش مره وحده فى هذه الدنيا فخلينا نعيش مثل الخلق

[ثابت الخطى]

ليش كل ما بالغو ف المهر حسبالهم عشان المظاهر والمفاخره
الحين كل شي غاااالي
فيه بنات ما يكفيهن المهر يضطرو الاهل يدفعو من جيبهم
وفيه ناس ع جد الحال ما عندهم
والناس عاد اذا ما شافت الشي الي تباه
تقول كلووه مهرها البنت
الحين لابد ارضاء الناس غايه لا تدرك
والله لسانهم ما بيسكت
خااااصه الحريم والمقارنه
رضى الناس غايه لا تدرك
لو الانسان سعى لرضى الناس فهذا معناته انه يسعى ورى وهم وسراب

[مائة بيسة]

من قال إن بس المرأة هي اللي تحب المظاهر عبارة الشباب لا؟؟؟
الاهل هم يحددوا المهر ومعظم المناطق معروفة كم يطلبوا فيها المهر
واذا البنت اللي خطبتها مهرها غالي وماقادر عليه انسحب مو مجبور
تضغط ع حالك
وبخصوص حفلة الزفاف كثير بنات يتنازلوا ع كثير شغلات وفي
اللي تدفع من جيبها
يعني دافع مهر خمسة او ستة والبنت تشتري الذهب وتجهز حالها
وتدفع يالقاعة او الاكل شو يبقى من المهر؟
ذكرتني بشخص يعطي زوجته مبلغ شهري وقدره 20 ريال ويعطي امه 50 ريال
المهم مرة راحوا احد المحلات والزوجة تقول فقط اخذت شي لبنته مايتجاوز
الخمسة ريالات وامه اخذت اغراض لبناتها المهم لما رجعنا البيت عصب
الزوج ع الزوجة وانتي خسرتيني وكله تشتري..كانت تتكلم والدمعة بعينها

يعني بما انك مو قادر للزواج مو غصب ومو كل شي تحطوه ع البنت وتقولوا انها السبب..
السبب الاول من الرجل ماعندك امكانية استريح ببيتكم لاتتقدم لبنت الناس وتعيشها بذل.

https://encrypted-tbn1.gstatic.com/images?q=tbn:ANd9GcROoMDDgb4oSmBGkYnZ7cE4Cc245rx00 I9MIgaJsit_zEMLH9Z23w

[أبـوالولـــيـد]

حياك الله عمي الفنان

عزيزي هذا الشي الكل مستبلي به
وما ازايد في الكلام

طبعا المهر الأب يحكم كم يطلب والمفترض ما يسمع لشور الحريم


الشي الثاني بو بعد الملكة اذا الرجال فاك الثم حال الحرمة من البداية عاد بكيفه
ولا انه هو يتكم بالمصاريف قاعات شي رخاص وإذا تعذر مزرعة
والامور الأخرى هو المتحكم فيها ما تمشيه الحرمة

[أبـوالولـــيـد]

من قال إن بس المرأة هي اللي تحب المظاهر عبارة الشباب لا؟؟؟
الاهل هم يحددوا المهر ومعظم المناطق معروفة كم يطلبوا فيها المهر
واذا البنت اللي خطبتها مهرها غالي وماقادر عليه انسحب مو مجبور
تضغط ع حالك
وبخصوص حفلة الزفاف كثير بنات يتنازلوا ع كثير شغلات وفي
اللي تدفع من جيبها
يعني دافع مهر خمسة او ستة والبنت تشتري الذهب وتجهز حالها
وتدفع يالقاعة او الاكل شو يبقى من المهر؟
ذكرتني بشخص يعطي زوجته مبلغ شهري وقدره 20 ريال ويعطي امه 50 ريال
المهم مرة راحوا احد المحلات والزوجة تقول فقط اخذت شي لبنته مايتجاوز
الخمسة ريالات وامه اخذت اغراض لبناتها المهم لما رجعنا البيت عصب
الزوج ع الزوجة وانتي خسرتيني وكله تشتري..كانت تتكلم والدمعة بعينها

يعني بما انك مو قادر للزواج مو غصب ومو كل شي تحطوه ع البنت وتقولوا انها السبب..
السبب الاول من الرجل ماعندك امكانية استريح ببيتكم لاتتقدم لبنت الناس وتعيشها بذل.

https://encrypted-tbn1.gstatic.com/images?q=tbn:ANd9GcROoMDDgb4oSmBGkYnZ7cE4Cc245rx00 I9MIgaJsit_zEMLH9Z23w

جميل جدا ردك
فعلا الرجل مو مجبور على دفع التكاليف
وبالإتفاق ما بينهم هو وهي بدون عن يتدخل بينهم حد

وترا فيه رجال مبذر وفيه حريم مبذرات