المساعد الشخصي الرقمي

مشاهدة النسخة كاملة : [ أرشيف الشعر والخواطر والقصص ] الكتابات الشعرية للمبدع ( ناصر الراشدي)



اسطورة لن تتكرر
08-11-2019, 12:32 AM
شمووخ وطن.....

اسافر فيك يا عالم سكنتك لا عدمت النور
ما دام انه وطن ينبض وانا متقلب احضانه

انام الأمن يحلمني بليلي المعتم المستور
وانا من يقضة احلامي اشوف الشمس فرحانه

تطير ف جوها وتسبح على غيم السما ديجور
وتغرق في مساء الليل فوق الكون عميانة

يقوم الليل بعيوني وانا ف عتمته مأسور
اطالع وينها عيونه قمر بالنور يزدانه

وصل ذاك القمر وانا بحبي العاشق المشهور
وطن ينبض على قلبي تخيلت القمر بانه
اناظر صورته ماضي وحاضر من قريب شهور
ومستقبل حضارة راسخة بالدين رويااااانه

نعم ماضي دفن جثة رجال الحامله دستور
سيوف جهادها تثأر بذكر الله رنانه

نعم حاضر نعيش بعزة الماضي رجال نثور
نردد بالنشيد الصوت غنيناه بالحانه

ولدنا نحفر ترابك نشيد في رباك قصور
ونصنع مجد حاضرنا وطن يفخر لسلطانه


صغار ندرس كتابك نقطر ف ثراك شعور
تبخر ف سما ارضك وجاب المزن شريانه

بلد يحزن على فقده غريب ورحلته معذور
يسافر لجل ما يرجع يكمل للوطن شانه

نخيلك يا وطن يحكي على صدرك زمان عصور
تربع في ربى حضنك شمووخ بثمرة عمانه

جبالك عاليه تحمل من الاوزان بيت صخور
سعى فيه الفقير وزاد بالبنيان عمراااانه

عظيمة يا عمان المجد من تاريخك المحفور
على صدر الشجاع الي غرس قلبه ببستانه

رخصنا الدم في ارضك يسيل وما علينا قصور
نقصر ان طعن ظهرك عدو وزاد عصيانه

بلادي بفرش ترابي كفن والبس فرح معمور
اموت ف كفة ترابك شهيد يعانق احضااانه

ناصر الراشدي

اسطورة لن تتكرر
08-11-2019, 09:32 PM
تعبت اوصفك في دفتر تغطى بالحروف حروف
واسمك ما لقى سطره على بيت الشعر بابه

وكل دفاتري ياللي انا سطرتها برفوف
يصارعها القلم اسمك ولا يتمكن ذهابه

تعالي لو سمح قلبك يداوي حبي الملهوف
وشوفي بنظرة عيونك مداد الحبر بكتابه

ابات الليل وغيابك سجين الذاكره مغلوف
على ذاك النهار اللي رسمتك شمس جذابه

ابيك الصبح بزهوره اناظر صورتك مشغوف
واقطف لك ورد احمر يشابه خدك شبابه

بعيد نروح في مركب ولا منا سبانا خوف
نجدف حبنا يكبر ونقتل ضيقنا عذااابه

بعيد ومن يلاحقنا قطعنا رقابهم بسيوف
ومن عبر مشاعرنا نبارك فيه احبابه

عذاب الحب ما يرحم فقير (ن) تجرحه لكفوف
لجل يشفى من جروحه يضاعف بنكه حسابه

وهذا الحب ما يغنيك لو انك تجيه خطوف
وما تعرف قوانينه قدر يحملك ف ركابه

انا قلبي قصر عامر ولا اسكن عليه ضيوف
فتحته لك بلا باب (ن) وانتي تصنعي بابه

عسانا ما تفرقنا ويبقى حبنا معروف
يخبر من ولد بعده ويشرح فيه اسبابه


ناصر الراشدي

اسطورة لن تتكرر
08-11-2019, 09:32 PM
على طلة بيوت الطين هاجت عيني الدمعه
اشوف الطين يتهدم ويحفر داخله ديدان

وعمر الماضي الي راح ينبض خافقي صدعه
تفجر يطلق حروفي سمد واعيشها انسااان

يحدثني رجل عمره كبيرر وفاقد ن سمعه
سوى اني أأشرله وهو بالذاكرة رويااان

يخبرني ظلام الليل كان تنورهم شمعه
تسايرهم على سكة تزاحم بينها البنيان

غرف بترابها ارضه ونبت من فوقها زرعه
تحت نخلة بنا ظله بشوش يناظر البستان

وفي وديانها عانق سحاب ن بارق بلمعه
ورعد يصيح ف جوه طرب يسمعله العطشان

ويوم انه حكى الماضي وكان الناس مجتمعه
على مصحف تبع وصله كبير برفقته شبان

وحكالي كيف بيت الطين يكسر صاحبه ضلعه
لجل يكمل سقف بيته وينفخ بالتعب فرحان

ويستانس مع عياله ولا حدن راضي ن قطعه
على ذاك الزمان الي تحس بقيمة الجيران

سمد يا درة الماضي سكبتك عبرتي دمعة
ولك حاضر انا عايش سعيد بجنتك طربااان

ناصر الراشدي

http://im49.gulfup.com/oPRsUY.jpg

اسطورة لن تتكرر
08-11-2019, 09:33 PM
وحيد ف اخر الساعات قبل يروح مني الليل
هفى من صحوة افكاري خيال يشكل الصوره

رسمها روحها الماضي وحاضرها ثقافة جيل
تشاهد بعثرة اوارق في أحياء معموره

تطالع دفترك فيها وقلم يكتب من التحليل
بقايا من حروف تبين في قضبان سبوره

تمر دروبها الوان في ذكرى لها تمثيل
تعود بضحكة زمانك وهذا اليوم معذورة

علم رفرف وطير الصبح غرد ف السماء ترتيل
ما بين اسوار نتجمع وكل ن صف طابوره

يعلمنا الحروف أستاذ شرحه ف الدروس يطيل
يحاربنا الضجر مره ونشكي للصبر جوره

تروح سنين ونسافر على متن الكتب ترحيل
كما للبحر في عرضه سفينه تسير مجبوره

نسابق في كراسينا لاول فصلنا ونعيل
وما نعرف من الاول وبالاخر حجز دوره

نقاسم خبزنا ونمرح ولا نسمع ل قال وقيل
ولو نزعل على ساعه يجي باكر لنا سروره


كذا كانت حكاوينا وجيت اسمر معاها ليل
اطالع كل احداث ن هنا من داخل الصوره


ناصر الراشدي

اسطورة لن تتكرر
08-11-2019, 09:33 PM
يا حمود سمي الله يالله على خير
اصدح بشعرك من بيوت ن جزاله

اليوم جمهورك بغوا منك تفسير
ليه الخفا ما يظهر حمود ماله

عندك قصايد ترقص الغصن والطير
لما تشل بصوت عذب ن جماله

خلي العواذل يرقصوا للمشاهير
وانته على شعرك تقدم رساله

يفطن لها ناس ن فهيم ن مغااوير
الي عطوا للشعر قيمه ف مجاله

كثرت قصايد ملها الناس تخدير
امواتها شعار طاحوا حثاله

يا حمود ما انته منهم عابر السير
وهذا قليبي عاش قلبك صفاله

خلك عزيز النفس يا صاحبي غير
مثلك صعب بالناس القى مثاله

#ناصر الراشدي

يا مرحبا بك عد ما غرد الطيـــــــــــــر
يا حي بالنشمي و حي بوصالـــــــــــــه

الصبح بحروفك ترا دايم(ن) غيـــــــر
و اللي شراتك واجب أنا نعالـــــــــــــه

ياالله عسى صبحك ورود و نواويـــــر
ويا جعل دربك دوم دايم سهالــــــــــة

الشعر عندي له معاني و تفسيــــــــــــر
وأهيم في عشقـــــــه لحد الثمالـــــــــــة

مابتركه مادامني في نعمة وخيــــــر
وبرقى بحرفي عن دروب الحثالــــــــة

ما أكتبه أبغي شهادات تقديــــــــــــر
يكفيني كسب أهل الوفاء والجمالة

ناس(ن) أذا رحنا جداهم مساييــــر
الكل فيهم يرخص برأس مالـــــــــــــه

بدوي و أعشق علــــــوم المناعـــــــــــير
والصعب لو كايد أناله...أنالـــــــــــــه

سلام يا بدر في سماء شعرنا ينيـــــر
يا الوافي اللي ما أرتضينا بدالــــــــــــه


#حمود ناصر الخميسي

اسطورة لن تتكرر
08-11-2019, 09:34 PM
يا امي..العمر يمضي وانا توني صغير
ودموع عينك شفتها الامس تنزاح

قلبي سقاه الحزن من شوفتك غير
ما انتي على طبعك ولا ني بمرتاح

قالت.. حبيبي ..شوف امك كما الطير
مكسورة الساقين ما شلها جناح

ابوك .يا وليدي ما هو عايش بخير
وخواك في الدنيا رمونا بالجراح

كني علقت بصخر في اسفل البير
ما حدن فتح هالقلب. .وطلقت بسرااح

شفت الدموع الي على خدودي تغير
محدن يطفيها سوى دموع الافراح

بوصيك يا وليدي ابا روحك تصير
طايع لامر لله. ..بالحق... وضاح

وربي عيالك يوم في عمرك كبير
وحكي عذاب امك عتى ليل وصباح

شوف بديارن للمسنين تفسير
تسمع شكاة الي هزم قلبه صياح

بوصيك يا وليدي.. بذي الدار لا تجير
لا روحت أمك خلى مثلها أرواح

وان شفت لك شايب مشى دربه كسير
فكر ف ابوك الي مشى مثله وطاح

لا تغفله..واغرس على دروبه الخير
تنسيه. .طعم الهم .. .وحياة الاتراح

بوصيك يا وليدي...عسى دايم تسير
بحياة عمرك ....عيشها نور واصلاح


ناصر الراشدي

اسطورة لن تتكرر
08-11-2019, 09:35 PM
ضجرت آشوف هالدنيا حروب وْمشكلات وغمّ
ولا بيدي سوى أنزف بهذا الشعر ابياته

صرخ طفل ٍ من اوجاعه يقطّر من يدينه دمّ
ولا مسعف حمل جسمه سوى زادت جراحاته

هنا بـارض العروبه بات يفضحنا نباح الذمّ
نبح فينا كلاب الغرب.. عشنا العمر بسكاته

ويوم احوالنا ضاقت تحزّب بعضنا منضمّ
فريق يساند فْريقه وفريق يحارب سْباته

وكيف انّه توحدّنا وحنْ نزرع بذور الهمّ
حصدها الغرب وتفطّن بنا يغرس غواياته

غفلنا من يصحّينا وكم صاح الأذان وكمّ
ولا عدّت بنا خطانا وصلّى المسلم صْلاته

ولو بحكي عن الواقع كثير المشكلات يضمّ
وأبسط مشكلاته انّه رجل ما أدّب بْناته

اذا تبغوا الشرف يبقى ويظهر حقنا ويعمّ
فلا تنسوا كتاب الله بما قد جا بآياته

تعالوا يا بني أمّي على هدي الهدى نلتمّ
لجل ما يفجر الظالم ويصفعنا بضرباته



ناصر الراشدي

اسطورة لن تتكرر
08-11-2019, 09:36 PM
شفت الحياه ان جيت تنظرها من عيون الحرام
يشتاق باول نظرت ن ابليس من قدااامها

خلفك يجيك ويلعب بفكرك ويصنعلك نظام
وانت الحكم عايد على نفسك تصد حرااامها

والله ذي الدنيا كثر ما غرقت ناس ن عظام
بعض البشر ما فكروا بالعاقبه وختامها

نلهي ونركض غرنا الشيطان يلبسنا لثام
نسكت عن الحق وحناجرنا يطول فطامها

يا هيه ف وقت الفجر اذن موذن للانام
قوموا على سمع الندا الروح يكفي صيامها

تكفي الذنوب الي على ليلن كثر فيه الكلام
الانسان يذنب والخطا نفسه تهد ركاامها

لو عزته نفسه عن الزله بعثرات السقام
يصنع حياته دونما ابليس يخلق هامها

الروح ما تهنا اذا صف المصلي ف قيام
وهوه على سجنه قفص مصنوع لجل عدامها

يا ليت من يسمع ندا عابر سبيل ن ف خصام
ما بين روحه والهوى والنفس مع احلامها

همه كبر وتزاحمت في عبرته رووس السهام
الي مطرها من حكايات الدهر ف ايامها

ناصر الراشدي

اسطورة لن تتكرر
08-11-2019, 09:46 PM
لا تبني الآمال في قول عذال
الرزق ما هو ف النفوس المريضه

الرزق يسعى العبد ف كل اï»»حوال
والله في سعيه بدربه يعيضه

ولي صعد في قمة شموخ الجبال
وشيد بيوته وال مبالغ بهيضه

لو يلتفت ف اسفل الارض منزال
ويشوف بقبورن جثثها عريضه

ضاقت ولا هي فادها جمع الاموال
وراحت ولا هي تعرف الي تريضه

ما كل رجال ن غدا البر رجال
الرجل من اوفى صلاة الفريضه

شهم ن عزيزن ما رضى ذل انذال
تبان ف وجهه ملامح وميضه

لا بان وجه الظلم بالحق منهال
ولا صارله حاسد بصمت ن يغيضه

تبغى تعيش العمر وتكون رجال
الخير لا يغلبه منك نقيضه

ناصر الراشدي

اسطورة لن تتكرر
08-11-2019, 09:47 PM
مجارة الشاعرين..
ناصر الراشدي
والاستاذ سعيد المشرفي

بو عبود وينك عن مجالس قد سما فيها الشعر
وانته غريب في دنيتك مأسور في أيامها

انا عرفتك من ثلاث سنين تاليها شهر
ما عدت اسمع عن علومك غير اخر عامها

لما ظهرت ف مسرح الشعار ف هذا العمر
قامت تطول انظار ف نظرة سعيد بهامها

بو عبود ضجيت الحروف اترتبت شطرن شطر
وتسلست جزل القصايد لو تعد ارقامها

معدنك من بيت ن بنى بالعز اشباله فخر
وانته كفو من صور دار المرجله بضرغامها

والله ماني جيت امدح شخص اسعى لذكر
جيت امدحه لنه ذخر صعب الشدايد رامها

لو جيت تسال في بيوت الشعر ما نوع البحر
اعطاك من كل البحور الوافره بانغامها

يسبك حروفه مثل ما تسبك اساوير ودرر
وتمطر احاسيسه على فرحة مطر بغمامها

بو عبود عذرك لو انا قصرت ف هذا الشعر
وهذي القصيدة ليتها لسعيد جات تمامها

ناصر الراشدي


يالراشدي حييت واهلآ فيك يا عز و نصر
من لابةٍ كالنار مشتعله فروس اعلامها

حي البيوت اللي لفت من راس استاذ الفكر
خيل القوافي ماسكٍ فيديك حبل لجامها

ادري غيابي طال عنكم بس انا عندي عذر
يا خوي انا مليت من جو المدن وزحامها

وان غبت ما غابت حروفي والقصايد والاثر
الوسم يبقى فالعطايا وان غدا وسامها

والابجديه تشتهي أكتب لها وزن وكسر
كافي لها وحروفها تغبط قوافي لامها

قلت الشعر ماس وتبر دون النشر غض النظر
دام القصايد بالصدى توصل وانا نهّامها

من قوة التأثير فاشعاري بكى صم الحجر
والذود حنت منْه والصحرا وحتى خيامها

يا صاحبي وتمايلت من روعته روس البشر
وشفايف الكاعب تغنت به فخلف لثامها

وختامها يا خوي لك مني التحايا والشكر
وارفع كفوفي بالدعا نفسك تنال احلامها

سعيد المشرفي

اسطورة لن تتكرر
08-11-2019, 09:48 PM
الحمد لله جامع الناس لناس
وانا اجتمعت بطيب اهل الضيافه

لي رحبوا فيني برقه واحساس
ما حملوا هالقلب اية كلافه

في بيت جمعنا على كل الاجناس
مستوطنين الشعر نبحر ضفافه

يا مرحبا ترحيب والشعر نوماس
من يجهله ويروح عنه حسافه

يا هل الشعر يا كاتبينه بقرطاس
فوحوا الحروف احساس بلوا جفافه

ما تمطر الاشعار بالدرب الماس
تمطر شعور وقلب بالنبض لافه

ولي يبا يقرا حروفي فلا باس
ماني وصلت الشعر كامل وصافه

اكتب واتعلم مثل ناس ن وناس
ولي نقد شعري يسجل اضافه

ماني ضبطت الشعر عداد وقياس
قلبي ليا فجر شعوره اخافه

ما غير شريانه قلم يتبع احساس
والروح صفحه صاغها من شفافه

ناصر الراشدي

اسطورة لن تتكرر
08-11-2019, 09:49 PM
اسير الهم

ابات مسجون للدنيا وانا عيني
ما لذها النوم دامنه لفت ذكرى

افتح شبابيك همي انطر سنيني
وابعثر افكارها في غرفتي سكرا

والباب يطرق احد ف الخارج يبيني
وانا افتحه يختطفني حزن ف مسرى

اهيم ف واقع ن كله اسر فيني
عقلي على صفحة الماضي بدا يقرا

استوعب الهم والألام في يميني
تكتب على صفحة العنوان ما يطرا

واقول للنفس يا قلبي انا ويني
استحضر الامس او ذا واقعي ادرى

ما عدت اميز بما احمل على يديني
دفاتري او حديث اوهام بي تمرا

معذور قلبي وفكري وكل ما فيني
دامي فتحت الذي قد فات ما يبرى

ناصر الراشدي

اسطورة لن تتكرر
08-11-2019, 09:50 PM
وين يا دنيا ..نسافر ... خبرينا
علمي ايامنا تصنع فرحنا

من بعد ما حنا على ارضك مشينا
انفضحنا وانجرحنا ما استرحنا

تدري اش احنا على وصلك رجينا
نتركك لكن من وصالك ربحنا

ما بغينا الدمع يطفي مقلتينا
ولا رجينا الهم ف ارضه طرحنا

بس تكفي لو في يوم ن خطينا
ارحمي ضعف ن على قلب ن طفحنا

تهنا في ليلك نتابع ساعتينا
ساعة الماضي وساعه يوم صحنا

والصباح الي على نوره بدينا
نستعد لطلته ل جوع ن ذبحنا

والحصاد الي بيثمر في يدينا
ياكله عمرن و ب تراب ن نزحنا

ونحنا يلي ف هذي الدنيا غدينا
نفترق لحظات للقبر انطرحنا

ما بقي غير العمل يلي عطينا
وما اخذنا اجره الا ان نجحنا

بحكمة الاقدار من ربي رضينا
وشرع ربي هو بذا العالم صلحنا

ناصر الراشدي

اسطورة لن تتكرر
08-11-2019, 09:51 PM
قصيدة الحوادث التي طلبت مني
لاحد المشاريع التربويه..
سوف تكون مطبوعه
ومنشوره قريبا..


يا ذارف الدمع ما أبكاك أبكانا
صرنا نرى الموت بالساعات نادانا

في شارع الموت ما أسميته حزُنا
لكنه يُثقل الإنسانَ احزانا

لما تُعذبنا في السير مركبةٌ
ونسرقُ الوقتَ من أخبار موتانا

دع عنك ما يربكُ الأرواح من فزعٍ
واسلك طريقك بالأفراح أزمانا

عند المسير الى أرض براحلة
اذكر إلـهك بسمِ الله رحمانا

والبس حزامك لا تركنه زاويةً
وكن حكيما لذا القانونِ عنوانا

واعلم بأنك في أوضاع معركة
إن كنت تسرع أو في الدرب غضبانا

لا تسبق الناس وانظر كل ناحية
فالموت أربك طول الدرب أذهانا

أما ترى الام من ماتت صغيرتها
وذلك الابُ يبكي الفقد ولهانا

أما لك اليوم في الأموات موعظة
ومن على جرحه في بيته عانا

اسأله من مسرع في الدرب حالته
ماذا جنيت ألست اليوم ندمانا

فلا ترى الاهل إلا والعيون بدت
مثل الغيوم إذا رعد بها حانا

فأنت في عالم بالحزن منهمك
وهم عليك سروا في الحزن سيانا

فلا تُعذّبُنا في الدرب مركبةٌ
لو كلنا صافحَ القانونَ إنسانا

ناصر الراشدي

اسطورة لن تتكرر
08-11-2019, 09:53 PM
نامي عيوني واستريحي من الان
خلاص مات الصبر قبره سنيني

لاسال فيك الدمع بالخد احيان
انسي همومي وحاربيلي يديني

الصبر كان ف غرفتي عابر احزان
يطفي حرارة قلب حارق ل طيني

واليوم عزمت بقراري كانسان
اني انام ولا ابي شي يجيني

مليت من ضيق ن تبع رجس شيطان
يغزي على عقلي ويكبر ونيني

واشواق تبحرني على بعد شطآن
واحلام تضحكلي ولا هي تبيني

والفقر حظي كل ما رحت لمكان
مولود من رحم الحياة يحويني

والهم شخص ن كل ما كنت غضبان
خيم علي قلبي وامسى سجيني

من وين رحت وجيت بالصبر رويان
لكن شرابه مر ما يشتهيني

واقف انا تايه بذا القلب حيران
اسافر ايامي.. وربي معيني

خلاص مات الصبر ودعت الاحزان
وباقي امل للاخره وش يجيني

ناصر الراشدي

اسطورة لن تتكرر
08-11-2019, 09:54 PM
طيري حروفي منبعك اقلام باحساس وشعور
صادق عليها شاعرك في كل معنى يرسمه

الشعر مفتاحه كلام وقفل ف قلوب الحضور
ينزل من ابياته مطر يثلج صدور ب مقدمه

ماني كتبته لجل قالوا شاعر واعلن ظهور
ما همنى شهرة ولا مال ن بشعري احلمه

عندي رساله واضحة في كل ما جا بالسطور
للمجتمع عله سطا من بعض شعري اسهمه

واللي على حروفي قرا يزرع على قلبي سرور
متقبل ن مما عطى نقد ن لشعري يخدمه

ما يرتفع شاني اذا غنيت ف الناس بغرور
لاخلاق اولى قبل ما الشاعر ينال الاوسمه

ان جيت بكتب لازم ن شعري على كل البحور
ما ضيع في بحرن ودونه بحر حبري يظلمه

خيمت ف جبال وسهول وطحت في صم الصخور
لكن طريق الذل في كل المواقف اعدمه

انظر بنظرات الصقر وانقضْ بمخلاب النسور
للي ضعاف نفوسهم وقلوبهم متحطمه

للشعر في كل المواقف مد للخوه جسور
وما فاز الا من كسب جمهور واعي يفهمه

ناصر الراشدي

اسطورة لن تتكرر
08-11-2019, 09:54 PM
صرخة من ضمير الجرح !!


شاهد على الساحه من احداث الافلام
وشوف الجثث الي بارضها طريحه

نالت من احكام الدواعش بالاعدام
وباتت فرايس للسباع السفيحه

مرمية ( ن ) كنها جذوع واصنام
من بعد ما طاحت بسيف الذبيحة

سموا عليها كلاب بعـراق والشام
متوحدين بروح افعى فحيحه

عاثوا فساد بارض رايات الاسلام
ما يفهموا معنى لاسم الفضيحه

داسوا على دم العروبه بالاقدام
وباتت قلوب أمة محمد جريحه

وين العرب من صوت فزعات صدام ؟!
لا عذر لعقول الرجال الصحيحه

يكفي على ما قيل ف اخبار الاعلام
نبغي العرب تقطع لداعش نبيحه

هذي حروفي تصارع اوراق واقلام
من زود ما لاقت بحرب القريحه

يا اهل العروبه توحدوا بصف الاسلام
الموت بارواح الشهاده نصيحه

ناصر الراشدي

اسطورة لن تتكرر
08-11-2019, 09:55 PM
بعيد الدار ما عنك مهاجر
رجاك القلب من حبه صفالك

تمر ايام في ذكراك ساهر
اطالع للقمر وابحر خيالك

ابث اشواق من قلبي تسافر
يا ليت الها خبر يسكن ف بالك

على ماضيك دومك انت حاضر
وعلى حاضرك يحنلي وصالك

احبك حب واتحدى المخاطر
انا والموت من يسبق سعالك

حبيبي فيك انا مبحر مغامر
اغوص اعماق لجل اكسب حلالك

حرام تعوفني وتصد خاطر
ما حد يجبره من رقة دلالك

تعال وكلي لك ابشر وتآمر
انا لك باب مفتاحه سوالك

وانا لك صرت هالايام شاعر
لك حروفي تعبر عن جمالك

حبيبي لا تعذبني وتغادر
ما عاد القلب له واحد مثالك

ناصر الراشدي

اسطورة لن تتكرر
08-11-2019, 09:55 PM
جديدي...

جمهوري يلي صافف صفوف
يلي عرفلي قيمة القاف

متابع اشعاري بلا وقوف
ما به قصيده منها طاف

مكانكم ف القلب معزوف
ومعزت ن ما حدن لها شاف

ما همني تصفيق الكفوف
وصعود المنابر بلا انصاف

همي اطوف قلوبكم طوف
وتصفق النبضات بالخاف

شفني يلي تزرع بي الخوف
ومناقل ن عني بالاوصاف

ما حاربت يدي بك سيوف
احاربك بالصمت ما اخاف

شامخ وانا بالحيل معروف
من نسل ناصر ابن الاشراف

من دار يلي جيت بتشوف
محشمين الناس الاضياف

هذا انا سطرت الحروف
مكشوفت ن ما غطها غلاف

اقروا لها بالروف بالروف
واخذوا المعاني وابعثوا هتاف

ناصر الراشدي

اسطورة لن تتكرر
08-11-2019, 09:56 PM
راحت تسح دموعها في ظلمة الليل العتيم
والناس في وسط المدينة ما دروا باوجاعها

تكتم هموم بقلبها والجرح فتاك واليم
ما للجروح بها دوا سارت على اقناعها

تنظر بعين البارحه وتقول يا ماضي قديم
ليتك تعود تغير الايام من اوضاعها

طال العمر في حظها والروح نادت للعظيم
نادت وقطرات الدمع تصدى على اضلاعها

يا كيف ارثي لحالها وانا على دمعي يتيم
فاقد يدين تعينها وتشفي مرض يلتاعها

يعبر كلام باذنها قاسي على قلب ن سقيم
ماله من الاحساس رحمه ينتظر اشباعها

فيها تساؤل للبشر من وين عشتوا هالنعيم
ولا ابتسامتكم شموع ن ما تضي بشعاعها

من كثر ما ضاقت ولا حست بهالدنيا فهيم
راحت تقيس الناس كل ن واحده باطباعها

يا حظها لو هي لقت في عمرها رجل ن حكيم
كان عدمت منها سموم تزيد في اوجاعها

ناصر الراشدي

اسطورة لن تتكرر
08-11-2019, 09:57 PM
الحب ما هو باختلاف الهدايا
تعطي وتعطي ثم باكر بلا شي

الحب بستان ن كثير المزايا
نقطف ثماره ثم زدناه بالري

نرويه من اجمل صنوف العطايا
احساس وشعورن تغنى بها الحي

نتبع وصاله في صباح ومسايا
يشع مثل النور باهي بنا ضي

واللي يخون الحب عاش البلايا
باطل يعيش الحب سابح مع الغي

يا قلب لا تتبع دروب الخطايا
يا كثر منا من تعذب بهالشي

اصدق مع محب ن جزيل العطايا
ان رحت في دربه من الحب ما عي

الحب لجله ارواح ثارت ضحايا
وقلوب نكويها من احساسنا كي

ناصر الراشدي

اسطورة لن تتكرر
08-11-2019, 09:57 PM
بعض البشر لا جيت تقربها تحس انك تطير
من لهفة اشواقك يلي مرت على طول انتظار

وبعض البشر لا جاك ذكر حروفها تبقى اسير
في ذكريات تصد بالخاطر وتصنعله حصار

وانتي يلي عرشك على قلب( ن) من فراقك كسير
ما كمل وجودك ولا غير على دربي مسار

من بين هالدنيا انا اشوفني وحدي الجدير
الي فهم معنى عيونك وانتي لا عندك قرار

ما جيت بسال ايش كان وايش بالقادم يصير
جيت اساله قلبك يسافر في حياتي باختصار

ما همني لو هو كلام الناس يمنعني اسير
في رحلة الاشواق والاحساس في ليل ونهار

همي بخاتم بصبعك اشريه والبسك الحرير
وانتي على قولة نعم محد(ن) بيغصبك بقرار


ناصر الراشدي

اسطورة لن تتكرر
08-11-2019, 09:58 PM
دم العروبة..

امه اسيرة يحتضنها الموت من طعن الجراح
اتشوف بالواقع طفل في بحر من دمن يسيح

وارواح تزهق ما طلع فجرن وتاليه الصباح
الا تشاهد قربها غاصب ومن حوله يصيح

دم العروبه يشربه صهيون في كل ارتياح
ونحنا نحارب بعضنا ما حدن بقى فينا صحيح

وين الرجال الحازمه لي كفها سل السلاح
تطلق بنادقها رصاص يطيح بالغاشم طريح

ما كان لما يسمعون بارضهم صوت النباح
الا يقصوا رقابهم ويخلفوا وراهم جريح

واليوم قالوا عصرنا بالعولمة والانفتاح
والله لا هي عولمه ما يحق نمدحكم مديح

ان كان تبغون النصر وتواصلوا درب النجاح
اتكاتفوا لا قال هذا مسلم وهذا مسيح

امه اسيرة مالها مهرب ولا حتى جناح
طارت على قمة بقى ينظر لها الغاشم جريح

يا امة الاسلام عذرا وينهم اهل الصلاح
هذي حروفي تكلمت من واقع بعيني صريح

باقي لسان الشعر ينطق عله تشله الرياح
يحرك اموات الضماير لي يخوفها النبيح

ناصر الراشدي

اسطورة لن تتكرر
08-11-2019, 09:59 PM
مساكم خيرا جميعا عذرا ع انقطاع والغياب لظروف
كم اشتقنا لجمعكم
ونقدم لك شي من الجديد
عسى ان ينال ذاءقتكم


أمشي بعزمك دوم ناظر لقدام
لا تلتفت لــ مكثرين الخطايا

دام الهدف بانك معانق للأحلام
لا تكبر بخوفك وتحيي الرزايا

ماضيك لا تذكره بمرور الأيام
والزم بحاضر فيه جمع العطايا

والقادم الي في طريقك على أعوام
ما فاد تفكيرٍ بسجن الخفايا

عند الشدايد كون فـ الصف الأمام
مدرّعٍ باخلاص بيض النوايا

ما تهزك رياح العوذال والاسقام
دامك على ربك كثرت الشكايا

باكر تطير الروح وتطيح الأجسام
والله عليم بكل هذي المنايا

أدعيه يستر من بلاياك الآثام
وأطلب رضاه بكل صبح ومسايا


ناصر الراشدي

اسطورة لن تتكرر
08-11-2019, 10:00 PM
القصيدة التي شاركت بها في مسابقة عودة سيدي
حضرة صاحب الجلاله السلطان قابوس بن سعيد المعظم
التي كانت برعاية شركة اوكسيد نتال



âک… نــبض الـوطن âک…

1-يا كبْر فرْحه عانقتْها في سما ارضي طيورْ
عالي تطير فْـ جوّها وتْصفق وْطربانهْ

2 تبشّر العالم سلام يْمد للخوّة جسورْ
قابوس عاد وْعاد كلْ شي فـ الوطن لمْكانهْ

3 جيت وْعيون اشْواقنا تناظرك من دهشةْ ظهورْ
واحْساسنا تْفجّر دموعٍ منصدع بركانهْ

4تمشيْ وفـ هْدوءك سكينه عابره فينا شعورْ
وتلْفت بنظراتك رجل شامخ كبير فْـ شانهْ

5يا سيّدي غيبتك بكّت طفل ع بْلاده غيورْ
حضنه يضمّ لْصورتك واسمكْ صدى بلسانهْ

6ودْموع شايب يذكر السّبعين في عهده صبور
ولامن ذكر اسمك لبس ثوب الفرحْ عنوانهْ

7غيبة شهور وْكل يسال ما خلق صبره عبورْ
الى متى عالق على خيبة رجا باحزانهْ

8حتّى البحر لمّا عبرنا ساحله ما نْشوف نور
يضوي على امْواجه ويعطينا امل باحسانهْ

9والشمس فـي وسط السّما بايامنا دايم تدورْ
وعْيوننا ما من دوا باوجاعها عميانهْ

10صحْرا عمان ..ولا سحاب يمرّ فَْـ سمانا يزور
ولا ورق اخضر نبت يبهر نظر فـ اغصانهْ

11والرّيح تعصفنا ولا منا عطى الاخر بشورْ
ما به طريق نْكمّله وكلٍ شعر بامانهْ

12ايتام عشنا فْـ غيبتك نرقب بنا ساعة سرورْ
ننطر على باب الامل والصّمت طال زْمانه

13يا هيه رحْلة سجّل التاريخ بارجاها سطورْ
تْبرهن بحبّ العماني الّي سرى بْشريانه

14قابوس من مثلك رجل حاكم على مرّ العصور
خلا الشعب في نبض واحد ثابت فْـ اوزانهْ

15قابوس من ينطق باسمك حقّ له يصبح فخور
لنّك عجزت اوصف لمثلك سيدي انسانهْ

16تشهد عمان بْنهضتك فـ بْحار ورمال وْصخور
اسست دولة تحتفل بامجادها رويانه

17حلّقت بافاقك على العالم ووسّعت الصدور
يستقبلك بالحب كل من زرت له بلدانهْ

18يا كم شعْبٍ يحلم بمثلك حكمهم في دهور
لنّك امان يذوق طعمه من فقد اوطانهْ

19رْجالك حْماة الوطن في الجوّ تحسبهم نسور
وأْسود في البر ازْءروا والبحر هم حيتانهْ

20.علمتهم ما ينحنوا ويْقبلوا وراهم ظهورْ
يوم العدو شنّ بهجومه وْزاد به عصيانه

21تبقى عمان بنورها تسطع علـ قْلاع وْقصور
ما بين ماضي يكمّله حاضر شهدْ عمرانه

22.يا سيّدي نفرش علَـ اقْدامك من الفرحه زهورْ
ونحمل علمنا تشرقه شمسه تنير الوانهْ

23.نخرج على كل الشوارع لو نبات بْها شهور
نهتف باسمك عشت يا قابوس حامي عمانهْ

24.فرحةْ عظيمة نحتضنها دمع واحْساس وْشعور
مسافره في كلّ شبرٍ بالوطن مزدانةْ

25 الله يحفْظك سيّدي وتعيش في أمن وطهورْ
هذي قلوب الشّعب تدعي خاضعه لْسبحانه

ناصر الراشدي

اسطورة لن تتكرر
08-11-2019, 10:01 PM
ان بغيت العز خاويلك نشاما
يهزمون الصعب في اقسى طعونه

لا انتخيت بفزعةٍ فزوا قياما
مثل نخلٍ ثابت بارضٍ متونه

عزوة رجالٍ كبيرين المقاما
ما رضوا بالذل ساعه يتبعونه

ما خشوا لو دك ف الحرب الصداما
يقطعون رقاب من لا يحشمونه

ما سلم من ضدهم بين الاناما
يرهبونه نظرة صقور بعيونه

من تبع لوصالهم ماله ملاما
ينطح همام السحب تمطر مزونه

يرتفع شانه من رجالٍ كراما
وبالمعزه له اناسٍ يذكرونه

ناصر الراشدي

اسطورة لن تتكرر
08-11-2019, 10:01 PM
راجعْ منَ اسْرار الضياع مخْفي على قلبي ندمْ
ممسكْ على شْراع الامل في بحر تعصفه الرياحْ

اعبر بصبري كلّما يجرفني اعْصار الالمْ
مبْطي على مركب حزنْ يعلا على صوتي صياحْ

وامْواج ما تسمع انيني تلْطمَ بْجسمي لطمْ
ما تحلم دْموعي لْفرح ولا تفهم لْمعنى صلاحْ

الحزن علّمها تمرْ تحفر على اصْباع القدمْ
ويْدين تمسحها تعب وعْيون ما فيها ارتياحْ

مواصل بْرحلة شقا جسْمي من الشده انهزم
اطيح يصرخْلي امل وانهض ادوّر وين راحْ

تايه على بَحر العرب يا ليت منْ شدّ العزم
يرفع جسَد ملقى على مركب شراعه بانطراحْ

يا دنْيتي ذا الحظ ليته مثل انْسان ن فهمْ
ينصر ضعيف وْما يحقق للعدو فرصة سماحْ

جرح الزمَن من هُوْ بينسى عظّته بْناب الظلم
وحلم السنين الي انْبنى متى نحققله نجاحْ

تكفي هموم وتكفيَ حْيات ن توجّعنا الم
مهما شكينا للزمَن ما راح يشفيها الجراحْ

ما غير نرضى بالقَدر ولا نرتكب اثم وْجرم
الله عليم بْحالنا يا رب وفقنا لْفلاح

ناصر الراشدي

اسطورة لن تتكرر
08-11-2019, 10:02 PM
حرب الفتن شبت على كل الاطراف
وذاعت باسمها ف الشوارع صريحه

مسلم قتل مسلم من الله ما خاف
يرجي بعد جرمه بذكر ف مديحه

ودموع في وديان تذرف كما جراف
من خاضها في قعر عمقٍ تسيحه

اتشكلت احزاب داعش والاحلاف
وحمى الطوايف في رحاها سفيحه

زلزال من صنع الخلايف والاسلاف
هز باراضي قاحلاتٍ فسيحه

خلف جسد ملقى بلا يدين واكتاف
والدم يسكب ف المساجد نزيحه

يا هل الفضايل والمكارم والاشراف
الحال ما يرثى بدمعٍ نصيحه

نبغي توحد ملة الدين بانصاف
ما حدٍ يفرق في فريق ويزيحه

اسلامنا حب وتسامح واعراف
من مبعث رسالة هدانا السميحة

واللي يبي يغرف من السم مغراف
ويعيث في ارضه بيلقى طريحه

النار تاكل جذع صلبٍ على غاف
وتخمد بها لحوم المفاسد شريحة

ناصر الراشدي

اسطورة لن تتكرر
08-11-2019, 10:02 PM
يتعب بهالليل جسمٍ غارقٍ مغلوب
رمابه الجوع ما يسمع لصرخاته

انسان ينزف دموعٍ من فراغ جيوب
وجروح تبلع سمومٍ في معاناته

يصيح لهل الغنى في الواقع المنكوب
يبغي يد العون تصفح عن جراحاته

مزّق ثيابه وعرّى جسمه المتعوب
يصفع بهالارض حزنه بيد حسراته

يعكس عيونه مرايا في رجاة قلوب
يلفت نظرها عسى تفهم لنظراته

مهجور وصله على درب الجفا مسحوب
معزول يسمع لقلبه كشف نبضاته

غريق في بحر آلآمه نوى لهروب
يصنع سفينة نجاته بحبل دمعاته

لكن في رحلة ايامه بقى مغصوب
والصبر مفتاح درب العمر يقتاته

دام القدر في حياته كان له مكتوب
ما له سوى الروح يرويها بطاعاته

ناصر الراشدي

اسطورة لن تتكرر
08-11-2019, 10:03 PM
ما كل من خاوى رجل حلّق على عالي سماه
بعض الرجال يعيقها صرخات من فزعة مَرَة

ما كل من يفرش لحى وتصلبت يده بعصاه
سمّوه من لا شيّ شيخ ن ما دروا في مظهره

بعض الوجيه بشوفها يحكم بها الناظر رضاه
إن طابله مبسم شفا ولا ّ عبس من منظره

في هالزمن صاحبت ناس وخذت من كل ٍ جزاه
أحدن لحق عذره وأحدن كيف والله بعذره

من خان للعشره ف أمان الله يرحل في فلاه
يا كيف يهنا قلب من خانه وناوي يقدره

ما ترجع الكرّه ولا يمكن أحد يغصب أخاه
النفس لا من ضرّها شي ف زمان ٍ تبصره

أكبر خطا بّانك تعاود غلطتك صبح ومساه
لا ليل يغفرلك خطاك ولا بصباحك مغفرة

لا جيت في أوّل مسار بصاحبك احذر خفاه
ما كل ّ ما في خاطرك في يوم واحد تخبره

إسال مجرّب ما درى حاله على أوّل لقاه
وف العاقبه بانت مواقف شلّته للمقبره

إحذر من قلوب البشر ألسمّ بالداخل غطاه
لا يلسعك وانته تشوفه في عيونك منظره

ناصر الراشدي

اسطورة لن تتكرر
08-11-2019, 10:03 PM
شتات حلم

بيوت تمرها بسكه حضنها الياس في سجنه
بناها الحزن من روح الامل يرتادها انسان

يمر ف ليلته عابر غريب يدور ل حزنه
بقايا من بذور الذاكره يحصد بها نسيان

سرقه الخوف من اول صباح ينقزه بصحنه
شرد يرصف بدمعاته شوارع والجفا عنوان

تعرى من شتا يعطف عليه ثياب في بدنه
خرج للشمس يتبخر من اطراف الشعر دخان

صرخ من لسعة وجاعه طفل يتصارع ف ذهنه
كبر في داخله يقطع شظايا جثته باسنان

وحيد ولا قريب الا زمانه يحتفل دفنه
بعيد وكل من حوله قريب بلذة الحرمان

يطالع في عيون الجاءعين وينتفض وهنه
تمزق نصفه الاول ضياع واخره الكتمان

مدينه يحمل ف قلبه يصيد ايامها لعنه
تعض بجرحها جسمه الضعيف العاجز الكسلان

رمته في قاع احلامه صعد من صبر يحتقنه
الم من موت ينهل من فقر عمر لحياة الان

رفع راسه من الحرقه الدفينه الغارزه بطعنه
يبي ينزع قمر صامد دهورن ف السما مزدان

وهن لين الاماني اوراقها يبست على غصنه
وجذع طموحه اتهدم نزل في تربته عطشان

فقير ومن سال يومه يجاوبك القدر عنه
في امان الله يا مسافر وطن ما يحمله انسان

ناصر الراشدي

اسطورة لن تتكرر
08-11-2019, 10:04 PM
العيد مقْبل كلّ عام ن ورا عَام
يتْجهزوا له الناس من قبْل حينه

يشْرون من زين المَلابس والانْعام
لجْل الفرح بالعيد همْ قاصدينه

وانا عبَرت بسكّت ن كلّها زْحام
اناظر بْعيني ف سوق الْمدينة

شاهدت دمع يْطيح ف اطراف الاقدام
اذا بطفل مصارع ايده بعِينه

ينظرْ الى ارضه وكنّه يبا يْنام
من زود ما حزنَه ظلَمه ف سْنينه

ناديته بْقربي يجيني ولا قَام
لين اقْتربت وْسرت امسك يدِينه

قلت شْعلامك ليه ما تنطق كْلام
قال في عيوني كلّ كلْمة حزينه

امّي خذاها الموت من قبل اعْوام
وابوي في هذا الشّهَر فاقدينه

واخْتي يلٍي ما شْفتها عدة ايّام
سمٍعت عنها اليوم جثّة دفينه

واهلٍي سقط فيهم من الجوّ الغام
لا باقيْ فيهم من الاقي حنينهْ

وانا اسير احزان في سجْن الايتام
مو ذنْب من عاشَ الحياه المهينه

من هُوْ يدفيني عن البرد ف الشّام
من غيرك امّي في حياتي معينه

العيد اقْبل وين امّي والارحام
تكفون ابغْي لي ملابس ثمينه

ابغي مثل اطفالٍكم افرح العام
تكفونَ قلبي لا تزيدوا ونيْنه

خلّوا عزاي يْطول ف ثْلاث ايام
وانتوا ثلاث ايامَ عيدن بزينه

ادعي اذا تمّيت بْسجود وقْيام
الله يكْسيني ف قلبي السّكينه

وادعي بانّه الله يحفظ لنا الشام
وارض العراق وكلّ قريه وْمدينه

واحمل رسالة هم مني لحكام
واهل العقول الواعِيه والفطينه

باني انا ابن العروبَه والاسْلام
ابغي حقوقي من ايادي اميْنه

ناصِر الراشديّ

اسطورة لن تتكرر
08-11-2019, 10:05 PM
الرجل ما هُوْ رجل لو طول عمره حقير
يقطع حبال الوصَل ويفكّ عقْداتها

الرجل من لا دعيته في كلّ امر ٍ عسير
لبّى بروح العزم نفسه لوقْفاتها

الحال يرثى علينا في هالزّمان الخطير
تطْغى يدين المصالح ف انْتكاساتها

العلم ما هو الشّهايد توصلَ لرتبة وَزير
العلم نيل الاجر دنيا بحسْناتها

وانّ الغني لو بلغ بكنوز دنيا الكثير
ما هو بلغ غايتَه الا بنفْقاتها

وما للجمال الجمال لو في بنات الامير
الروح اجمل جمال تْصون نفحاتها

والكبر ما ينتسب الا بعقل الصْغير
واهْل التواضع رقوا بالنفس هاماتها

والفخر اني رجل من نسل رجلٍ قدير
من دار عز ّ المراجل واحتزاماتها

ناصر الراشدي

اسطورة لن تتكرر
08-11-2019, 10:05 PM
يالله من بعض القلوب المحاريف
لي سمها ينبع بسجن الخفايا

تسعر بنيران الشقى والمخاويف
ما قد درينا من وراها البلايا

لا هي بغت للنار بردن وتخفيف
تشعل حقدها من سواد النوايا

تضرب بسيف الثار روس المشاريف
ما هي استراحت من خبثها كفايا

ما تنكشف الا بساح المواقيف
يوم ظهرت منها الفعال الدنايا

عز الكرامة ما يباع بسواليف
ولا ينشرى من بيت مال العطايا

من هو يحاربنا بجمع المواليف
انحاربه لين اقتراب المنايا

يالله من هول القلوب المحاريف
اكشف لنا نبع السموم الخفايا

ناصر الراشدي

اسطورة لن تتكرر
08-11-2019, 10:06 PM
احلامنا نسافر بها في متاهات
من صبحنا لتالي صباح ن بدينا

كليوم هالمشهد قوي الاشارات
نناظره بعقول تكذب علينا

نعبر على ايامنا في قطارات
ما ندري اي محطت ن ترتجينا

نخدع زمان بضحكنا والعبارات
يضحك علينا ما حنا منه درينا

صرنا نالف ف كتبنا روايات
عن ما جرى فينا ومنه ابتلينا

وتفلسفت منا العقول بغوايات
وتراكمت فينا الفتن واشتكينا

عالم غريب ن في دروبه مسارات
ببسط مساراته نعيل بمشينا

مسرح تمثل فيه كل الحضارات
وكل ن على ماضيه ان الانينا

لو هو بغينا نطول اعلى العمارات
طحنا من هموم الزمن في حكينا

مهما تمنيننا وعشنا الصعوبات
يبقى القدر اول جواب ن يبينا

مهما اختلفنا ف العقوبه نهايات
نرجع على صواب الخطا لا بدينا

احلامنا طيري ف سابع سماوات
لنتي عطيتي كل ما حنا بغينا

يكفي تفرقنا بشتى اتجاهات
لا حنا شمال ولا يمين ن خطينا

يا ليت لو عشنا بدونك غيابات
ما كاننا لبسنا قيود في يدينا

العمر يومن والليالي سويعات
والموت لحظه من بعده اختفينا

نرضى بقضاء الله في كل حالات
ونطيع امره بالعباده صحينا

ناصر الراشدي

اسطورة لن تتكرر
08-11-2019, 10:13 PM
يالله لا زاد الالم واكبر الضيق
صدري ترحم فيه زيد اتساعه

مات الصبر فيني ويا ليته يفيق
يكسي فوادي في التحدي مناعه

قلبي من مرار الحزن اصبح غريق
في بحر ما لمست يديني لقاعه

مسعور بهموم الزمن دون تعليق
من كثر ما اهله سعوا في ضياعه

دم العرب ينزف وف الغرب تصفيق
وحنا لبسنا كل واحد قناعه

حرب الفتن طالت ولا حدن لها يطيق
وحال العرب ملت اذنا سماعه

كل يوم تطعنا رماح ن بنا تضيق
ونطيح واحد بعد واحد ب ساعه

(الى متى) نصدى بها الجو تحليق
ولا من لمع سيفه ونار بشعاعه

يالله منك انال خيرن وتوفيق
سدد خطانا للنصر والشجاعه

ناصر الراشدي

اسطورة لن تتكرر
08-11-2019, 10:14 PM
ما باللحى يظهر صنيع الرجاجيل
ولا بالشهايد لي خذوها دلايل

ولا بالكنوز الحاضنات المحاصيل
ولا بالنسب من بين كل القبايل

الرجل افعاله بكل المداخيل
تلقاه ف وسط الصفوف الاوايل

ما يلتفت لمشردين الاقاويل
قولن تلفق بالكذب والرذايل

ولا ينثني لمشرعين الاباطيل
ان كان جمعٍ او بناسٍ قلايل

عزمه يصر بداخله ما به دليل
غير المواقف لا حزمها بنايل

وان نوخت فيه الهموم المثاقيل
اشعل عليها بحبل عزمه فتايل

عنده جميع اسرار يومه مع الليل
ما ودع لسانه بدرب الفشايل

ربعه من صنوف الرجال الحلاحيل
شامخ وللعليا من الشوق طايل

ناصر الراشدي

اسطورة لن تتكرر
08-11-2019, 10:15 PM
يالله من يسألك ما ظنتي يخيب
اسألك تحميني من الشر كله

عييت من سحب الهموم المساكيب
لي سيلها يجرف فوادي بعله

لا به من وعود ورسوم ومطاليب
من وين ما تبغي بجسمي تشله

عتبان من بعض الصحاب المحابيب
لي قربهم للقلب ما جاد وصله

اتفرقوا من سمع هرج الاكاذيب
من عشقهم غيره وحقدن وغله

يالي عشان الريش باعوا المخاليب
وطاروا على دروب الهوى والمذله

ما غير نارن فر منها لواهيب
تحرق جسدهم في رمادن تصله

خلك مع رجالن طوال الاشانيب
عسر المواقف من عزمها تدله

ولو ما لقيت من النشاما اصاحيب
نفسك عزيزه ما بها اي قله

ناصر الراشدي

اسطورة لن تتكرر
08-11-2019, 10:15 PM
ما يصعد روؤس الجبال الشواهيق
الا الذي بالعزم احزم وثاقه

لو هي على دربه سدود ومزاليق
داس القدم من ثقل عظمٍ بساقه

وشد اليدين بضرب صلب المطاريق
اللي تكسّر من عداها اعاقه

ما ترجع اقدامه لخلفه ولا تعيق
حلمٍ بناه بشوق قلبٍ مذاقه

صابر يصد معارضات وتواهيق
من هرج بعض مخالفين الصداقه

اللي سعوا ف الناس همٍ وتفريق
ما عاد منهم غير فعل الحماقه

من جابهم بالطيب روح على الضيق
ومن ضاقهم شدوا عليه العلاقه

سود النوايا بالصدور المغاليق
يا تعس من لبى عليهم رفاقه

لو هو حسبت حياتهم الف تدقيق
ما جاتك الا هموم حربٍ مساقه

يكفيك ترميهم كبار الصناديق
وتصك لا تسمع عليهم لباقه

واقبل على شم الخشوم المطاليق
كل واحدٍ ف الخير فاز بسباقه

ويالله يوم بعرض كل المخاليق
عبدك الى الجنه يزيد اشتياقه

ادعوك تكتب في حياتي توافيق
وتنجني من هم طول عناقه

ناصر الراشدي

اسطورة لن تتكرر
08-11-2019, 10:16 PM
يا من تعيب الناس دور على العيب
العيب فيك ان جيت للناس عايب

استر سترك الله دنيا بها تصيب
عن لا عثرت تهيم ف الارض خايب

هرج البشر تطول عليه الاكاذيب
لا من اخذت عطيت نفسك سبايب

طلقة حروف تضد بعض الاصاحيب
اجهرتها تبغي تجر الخرايب

عايش كما صحوة جياع الثعاليب
اللي نوت بالخبث جمع القرايب

لا بك دروب تنال منها مطاليب
تنجيك من عسر اشتداد المصايب

وش بك على ناسن تحلت على الطيب
في صلبها صامد عليها وذايب

من دان غيره دان نفسه لواهيب
في عكس تياره يصيد الغرايب

ارجع لربك قبل ما تغرق الشيب
واحفظ لسانك كون لله تايب

ادي فروضك لازمنها بترتيب
واحذر من مصاحب على ناس عايب

ناصر الراشدي

اسطورة لن تتكرر
08-11-2019, 10:17 PM
من علمك تكذب علي وتصيح في قلبي انين
تعبر ولا احمل يدين اصارعك في كل مسار

عذبت جسمي تطعنه الايام واحلام السنين
عثران ما ابصر قواي وجمرة الماضي شرار

علمتني ان العمر كبوات لو عقلك فطين
تايه على جراح الزمن تصرخ ولا بيدك قرار

للموت خذني لو يدك تسمح تصافحني بدين
اهون عن اشوارع اطيح بعرضها مابي خيار

في البحر ترمي ضحكتي لليل بشعور السجين
والصبح تاسر نظرتي للشمس في عز النهار

تشتاقني الاقلام كلما ابرق بقلبي حنين
اغسل ذنوبي ف الورق وابني على صمتي جدار

انزف سيول الذاكره ف وادي ابحبري متين
عل الالم يكسر خوافي ضيقته بهذا الحصار

مثقل جراح اتحطمت ف رحلة ايامي يدين
اتجدف ف بحر الوهم ظلما عيوني في ديار

من علمك يا حزن تحلب ضحكتي هم وانين
كافي اعيد بقصتي عنوانك بدفتر غبار

ناصر الراشدي