اليوم قلبي فارق الضيم ساعه

[أحمد المعمري فلك]

اليوم قلبي فارق الـضـيـم سـاعـه
قلت اغتنم فرصه وازف القصايد

يابنت لـو لاقت عليك الـقـطـاعـه
قلبك اعرفه صعب دوني يـعـايـد

هذا البحر يا كـيـف بـفـرد شراعه
والمركب امواجه تـمـوج وتكايـد

لو تعرفي عيني تعانـي المـجاعـه
جاعـت على شوفك سنينٍ عدايد

شفتي الـفـراق المـر زاد اتـساعـه
ولا لفـتـنـي مـن جـداك الـبــرايـد

غرست وصلي لجل لحظة يناعـه
واتباشر بْخـبر السـنـيـن الـبـعايـد

ولو كان ما عندي لـحـبـك بـراعـه
ما سقت اشواقي لوصلك شـرايد

حط الحرف في رحلته لك متاعه
وسافر بعد شوفك فضائات نـايـد

وربي هداني في الغيابات طـاعـه
زكيت وبــمـا جـاد يا بـنـت جـايد

وصليت بالمحراب خلفي جـماعه
وقريت في الأذكار والـدين وايـد

ببقى على لقـيـاك عـنـدي قـنـاعـه
بنلتقي.. وربــي يـفـك الـشـدايــد

ما اكره من الأتراف غير المـيـاعـه
ولا اكره من الجلاس غير الضدايد

كل مجتهد يـعـرف حدود ارتفاعه
وكل نايمٍ يفـقـه بـعـلـم الـوسـايـد

مثلـي يـزيـد الـمـنـدفع انـدفــاعـه
ومن الفكر يقنص سمان الـطــرايـد

وإذا على المقناص خارت سباعـه
لا لامـهــا ولا حـط فـيـهـا نـقـايـد

ويطلب من الله كل لحظه شفاعه
وتفخر بتـتـويـجـه كبار الـشـهـايد

أحمد المعمري فلك

القصيدة بصوتي في الرابط

https://youtu.be/6wISJTxoDIw

[بن الريان @]

وقريت في الأذكار والـدين وايـد

كعادتك اخي احمد تزيد الجمال جمال

[صدى صوت]

اهلا وسهلا بك اخي احمد

شكرا لك على تفاعلك الطيب.
قصيدة رائعه

[أميرة الروح]

نص رائع جدا
راق لي
دمت مبدع دوما
بارك الله فيك

[أحمد المعمري فلك]

شاكر مرورك اخي صدى صوت ولا عليك زود

[أحمد المعمري فلك]

وقريت في الأذكار والـدين وايـد

كعادتك اخي احمد تزيد الجمال جمال


تسلم ابن الغالي ابن الريان مروركم هو الجمال بحد ذاته

[أحمد المعمري فلك]

نص رائع جدا
راق لي
دمت مبدع دوما
بارك الله فيك

الله يبارك فيك اختي أميرة الروح شكراً ع المرور