يا عزاه من فرقى من تحب للشاعر المتالق حمد البريدي

[نوارة الكون]

يا عزاه من فرقى من تحب للشاعر المتالق حمد البريدي





يا عزاه .. من فرقى من تحب .. يـا عـزاه
إلى مـن خـذاه البعـد واقفـى ولا جابـه












ليا مات ذكره .. ( طاري الشوق ) جاء واحياه
والى طروا اسمه .. فز قلبي وحيـا بـه












أسج بغرامه وإن دعوني نطقـت ب: هـاه !
وآشـوف الخمـل فعيـون ربعـي ولا هابـه












جعله الوهـم .. لآمـوت وانـا علـى لامـاه
وأنا إن مت منه .. فآيني فـوجه مـن جابـه












يا حيه قبل يجفـى .. وحـي الوصـل حيـاه
ويا حي الطريق .. اللي حصل والتقينا بـه












أمره .. وأوقف .. وقفة اللـي تحيـر خطـاه
وتصير النسايـم كلهـا .. ريحـة ثيابـه !












أنا ما ادري ! .. غيابه يهيـض علـى ذكـراه
او انـه هـوى ذكـراه .. يطـري غيابـه












أحاول آسج انـي احبـه .. عسـاي أسـلاه
وعيت غلاتـ(ن) وسـط جوفـي تعـزوى بـه












غلاته مثـل طلبـة رفيـق ٍ " قبالـة جـاه
وعيـب " علـي آخـون عهـدي وطـلابـه












على رمل قلبي.. جرتـه يـوم جـر خطـاه
وعلـى كـل ضلـع.. لـه شخابيـط وكتابـه












الى جيت منطقته .. ومريـت صـوب حمـاه
لاجودت عقلـي شفـت روحـي علـى بابـه !!












يا ليته يجرحني جرح .. وآعرف ويـش دواه
ولا راح منـي دون مـا يشـرح اسبابـه !












أحبه .. كثر مـا هـل دمعـي علـى فرقـاه
وأحبه .. كثر ما جابني الشـوق لابوابـه












يغيب الفرح وازهـم علـى غيبتـه وانخـاه
لو ان الفرح .. من يوم مـا غـاب قفـا بـه












مهو يحز فالخاطر سوى اني علـى لامـاه !!
جروحـه خزايـن هـم .. والقلـب سردابـه












( أحسب ان قلبـي كـل مـا يبعـد بينسـاه
واثرني أحبـه .. كـل مـا زاد بغيابـه !! )

[أميرة الروح]

نص واختيار رائع جدا
راق لي
يعطيك العافية عالانتقاء
بارك الله فيك

(يستحق ان يتوج بالنجوم)

[رايق البال]

هلا نواره ..
نص جميل وعذب كما تعودنا منك
الف شكر لتفاعلك وجهدك المبذول
طابت مساءاتك ..

[نوارة الكون]

نص واختيار رائع جدا
راق لي
يعطيك العافية عالانتقاء
بارك الله فيك

(يستحق ان يتوج بالنجوم)

آلف شكر ع المرور
دمتي في حفظ الرحمن

[نوارة الكون]

هلا نواره ..
نص جميل وعذب كما تعودنا منك
الف شكر لتفاعلك وجهدك المبذول
طابت مساءاتك ..


آلف شكر ع المرور
دمت في حفظ الرحمن