أميرة الروح
16-02-2020, 09:20 AM
يوم اختلط دمعي وضحكي بلياك
صوت الامل ما بلل الوقت ريقة
::
شفت الخيال بعمر الاحلام وياك
وعشت السراب اللي بقربك حقيقة
::
مر الزمان اللي مضى في زواياك
سنين ذكرى ما تساوي دقيقة
::
سمعت صوتك صمت يخنق شفاياك
نغم يغذي وسط قلبي حريقة
::
نورك يغطي دايم انوار الافلاك
وعمري ظلام البعد غطى طريقة
::
لمحت نورك واتجه بس ما القاك
غرقت والخطوة بدربك غريقة
::
لو المواصل ينشرى قلت لك هاك
عمري ونور العين حبر الوثيقة
::
الشوك ما تقواه في كف يمناك
بالقلب شوك البعد منهو يطيقة
::
لجل الجروح اللي تجي منه وعفاك
اثارها تبقى بقلبي عميقة
::
الحب في دنياي برضاي ولاّك
قيّد يديني والمشاعر طليقة
::
مسجون والافراج مرهون برضاك
ومقدّر اسباب الجفا اللي تعيقة
::
يا قلبي الخفاق والروح تفداك
رغم الالم صورتك تبقى انيقة
صوت الامل ما بلل الوقت ريقة
::
شفت الخيال بعمر الاحلام وياك
وعشت السراب اللي بقربك حقيقة
::
مر الزمان اللي مضى في زواياك
سنين ذكرى ما تساوي دقيقة
::
سمعت صوتك صمت يخنق شفاياك
نغم يغذي وسط قلبي حريقة
::
نورك يغطي دايم انوار الافلاك
وعمري ظلام البعد غطى طريقة
::
لمحت نورك واتجه بس ما القاك
غرقت والخطوة بدربك غريقة
::
لو المواصل ينشرى قلت لك هاك
عمري ونور العين حبر الوثيقة
::
الشوك ما تقواه في كف يمناك
بالقلب شوك البعد منهو يطيقة
::
لجل الجروح اللي تجي منه وعفاك
اثارها تبقى بقلبي عميقة
::
الحب في دنياي برضاي ولاّك
قيّد يديني والمشاعر طليقة
::
مسجون والافراج مرهون برضاك
ومقدّر اسباب الجفا اللي تعيقة
::
يا قلبي الخفاق والروح تفداك
رغم الالم صورتك تبقى انيقة