سوالف رمضان ( السياكل )

[عيون البشر]

https://up.omaniaa.co/do.php?img=6235 (https://up.omaniaa.co/)



السلام عليكم ورحمة الله وبركاته

السيكل ( الدراجه الهوائية)

هالايام مع قدوم ليالي شهر رمضان، ما تقدر تسوق سيارتك في الشوارع الفرعيه.

مئات من الدراجات الهوائية، والمشكله في مجموعات، يمسكو طرف الطريق او كل الطريق، وتضطر انك تركز بأقصى جهد عشان ما تضرب واحد بالسيارة.

الشرطة تحذر، والناس تتكلم، بس الله يهديهم ما مهتمين

حد يلقاهم بس طول الليل يحوطو في الشوارع، ولا مجهزين دراجاتهم بالاضاءة ولا خوذة حمايه.

وبس تسمع انه واحد مدعوم و الثاني طايح.

سوالف غريبه عجيبه من هذي السياكل.

وش انطباعكم عن هذي الظاهرة

[ملك الوسامه]

وعليكم السلام ورحمة الله وبركاته

والله يا اخوي بالمختصر المفيد صارت موضة

[Raba]

وعليكم السلام ورحمة الله وبركاته..
عادي رياضة السيكل وترا وقت المساء يسوقوا فعادي ما زاعجني الموضوع .. واسوق براحه في الشارع لانهم يسوقوا في الشوارع المغلقه او بعيد عن الشارع و في السيكل إضاءة والشوارع مضاءة الحمدلله .. بس عاد ينقصهم لبس الفسفوري عشان اذا كانوا في مكان ما فيه إضاءة وخلاص .. وترا حجر الحين ما يمنع الواحد ينفس عن نفسه بالسيكل

[وَدْق]

أنا حتى ما زاعجني الصراحة خلوهم يتونسوا شوي ويرتاحوا من الايبادات والفون والالعاب الالكترونيه ،شفت دراجاتهم حلوة وفيها إضاءة ملونه ، بس أهم يسوقوا بعيد عن الشارع .

[عيون البشر]

هههههههههه الاخوات ما شاء الله عليكم، حواريركم هاديه

تعالو شوفو الحاله معنا، الشرطه تشل السياكل وبعدهم زايدين.

[ملاك السلطنة]

وعليكم السلام ورحمة الله وبركاته خيوو


شكلهم اللي معنا ما يعرفوا يسوقوا سياكل.. بعدني ما صادفت حد ف فترة الحجر يسوق سيكل هههه

بس زين رياضة حالهم من كثر الاكل اللي يأكلوه ف رمضان..

[ملك الوسامه]

فيه فئة ما ملتزمة بإشتراطات السلامة

[ملاك السلطنة]

فيه فئة ما ملتزمة بإشتراطات السلامة

ترى لحين نادر تشوف حركة بالسيارات و الناس تحوط.. عشان كذا يمكن الشعب مستغلين الوضع و يسوقوا بسياكلهم ف الشارع و يتمشيوا

[ملك الوسامه]

ترى لحين نادر تشوف حركة بالسيارات و الناس تحوط.. عشان كذا يمكن الشعب مستغلين الوضع و يسوقوا بسياكلهم ف الشارع و يتمشيوا

هو كرياضة ممتاز وخاصة في حارة مغلقة

[أبـوالولـــيـد]

للأسف ظاهرة مزعجة وما اتت الا من الفراغ
الذي اوجده الحجر المنزلي والامتناع عن التجمعات
فالملل يعمل بلاوي
ولكن وجب الحذر واتخاذ تدابير السلامة قبل التفكير في ممارستها
وان لا يسبب ازعاجا للغير