[. . خآرطه الطريق + الكبت . . ] !*

[الشيخه الفلانيه]

خارطة الطريق!!

بيـن الصراحـه والتكتـم فالامـور المطلقـه
نفس الألم مابين سجن الذات اطـلاق السـراح

ونفس الأمور اللي تحدك يـم حبـل المشنقـه
تستصغر اشياءك بنفسك وانت ماعندك سمـاح

لكن تعلم وش خطا السنـدان عنـد المطرقـه
واعرف وش وجيه التشابه بالنسايـم والريـاح

ولا تحـاول بالقلـوب المتعـبـه والمغلـقـه
يمكن تنـام الليـل لكـن مايقابلـك الصبـاح

والجـرح دام عـداك تنظرلـه لـزوم ً تفتقـه
لكن تظاهر بالتشافي كـل ماشفـت الصحـاح

واليا جفاك انسان لاتجـرح شعـوره واعتقـه
يمكن يلاقي للسعـاده درب واسبـاب ونجـاح

تدري وش اللي يجبر الفلاح لاصـب عرقـه
يبغى محاصيل السنـه تردلـه قـدر الكفـاح

لازلت اجمٌع مابقى فـي خاطـري واستلحقـه
ماني بـمتحسف على اللي فات واللي راح راح

والطيب لامنك فعلتـه خلـف ظـل الاروقـه
لا تنتظر قولة كفو لو كان من بـاب المـزاح

والكذب لو قالوا بياضه مـع سـواده وازرقـه
يبقى خطيه مالهـا تلويـن واعـراف ً قحـاح

والدفتر اللي يجمع احزانك ليا طيبـت احرقـه
مدام في طياتـه اسبـاب المتاعـب والجـراح

ولا تضايقـك السنيـن الحالكـات المـؤرقـه
الضيـق لقابـل صبـر يوصلـك للأنشـراح

والصاحب اللـي يبتسـم فـي شفـة ٌمتشدقـه
لومت من طول العطش ماهوب مسقيك القـراح

والعالم اللي عايشه في ظـل عصـر التفرقـه
تسعى الى التشتت المغلق قبـل كبـح الجمـاح

اشيا كثيـره لـو تفكـر فـي سببهـا مقلقـه
تاخذ من احساسك كثير وتختتمهـا بالصيـاح

والحلـم لاتعجـل عليـه ولاتحـاول تسبقـه
خططلـه بعقـل ً حكيـم وباغتـه بالاجتيـاح

واللي لغيرك لوتحبـه صـدق بالـك تعشقـه
تجني خطايا فادحـه والشـي ماهولـك مبـاح

بنيت مملكة الشعر تحـت الشمـوس المشرقـه
بلا جنـود ولاخـدم ولاعـروش ولا سـلاح

واستوطنوها كـل عشـاق البيـوت المؤبقـه
لين انزرع ورد القصيد وكل عطر ًمنـه فـاح

والشجره اللي باقي ًفيهـا مـن الظـل ورقـه
اخير من مدة هل الأحسان وكفـوف شحـاحٌ

والفارس اللي في نهار الكـون ثـارت بندقـه
لولا العزاوي ماقتل مسلـم ولا صفـى مـراح

طال الكلام وكـل جـرح ً بالحنايـا المغدقـه
لو ماكتمته عن جميع النـاس لبستـه وشـاح




الكبت ..!!
فرشت الصدر بحضورك قصايد مير ماحسبت
تغيب و تقتل الحلم الكبيـر و تنثـر اوراقـي

زرعت بغيبتك صبر و تناقلت بجفـاك الكبـت
و اشوف الزرع مات من العطش ما لاح براقي

تعبت اشرب لك اكواب الهيام وبالصحيح اذنبت
ثملتك طوع لين انه بكا مـن حالـي الساقـي

إتغرب معك قطعان الأماني كـل مـا غربٌـت
رغم كل التجاعيد بصمـودي شايفـه راقـي

تخيٌلتك قبل حزة غيابـك فـي نهـار السبـت
قبل ما اولٌع شموع السهر فـي ليلـة فراقـي

تناثر من بقايا ضحكتك همـال منـه اعشبـت
من طيوف المنام اللي سرقه الفجـر باحداقـي

تحسب ان الغياب يمر طيف وبالغياب اسهبـت
و انا ادري لا فقدتك مابقالـي بالامـل بآقـي

يصبرني عن الواقع اليا هالحين ما استوعبـت
تماكني حقيقة وآقعـك .. لا تسكـن اعماقـي

تهاب العالم الفرقا و لكنـك جفـا مـا هبـت
تمثنيت الفراق و ضاقت الحيله علـى الهاقـي

صحيح اني فقدت الحلم من يومك رحلت وغبت
و لكن العزا اني كنت راقي و الأمـل راقـي


لـ المورق ..احمد الأسيحم

[حبي خالص]

الشيخه يااااا سلام
من ابداع لآخر
دامت لنا روعة اطروحاتك

[رايق البال]

هلا فيك الشيخه ..
الله عليك الله تمتلكين ذائقه ولا اجمل
الف شكر لجهدك واختيارك وتفاعلك الجميل .. كلك ذووق
( نص يستحق النجوم الخمس )

[الشيخه الفلانيه]

الشيخه يااااا سلام
من ابداع لآخر
دامت لنا روعة اطروحاتك

شكرا عزيزتي انرتي :) '

[نوارة الكون]

الله الله طرح متميز وراقي غاليتي دمتي في حفظ الرحمن

[الشيخه الفلانيه]

هلا فيك الشيخه ..
الله عليك الله تمتلكين ذائقه ولا اجمل
الف شكر لجهدك واختيارك وتفاعلك الجميل .. كلك ذووق
( نص يستحق النجوم الخمس )

اسعدنيه مرورككء :) '

[الشيخه الفلانيه]

الله الله طرح متميز وراقي غاليتي دمتي في حفظ الرحمن

شإكره مرورككء ♡♡ ~

[عملاق الشعر]

والصاحب اللـي يبتسـم فـي شفـة ٌمتشدقـه
لومت من طول العطش ماهوب مسقيك القـراح

والعالم اللي عايشه في ظـل عصـر التفرقـه
تسعى الى التشتت المغلق قبـل كبـح الجمـاح


الشيخة "المبدعة"


ذائقة مميزة جدا تملكينها
نص جميل


سلمت يداك المبدعة وذوقك الراقي

[الشيخه الفلانيه]

والصاحب اللـي يبتسـم فـي شفـة ٌمتشدقـه
لومت من طول العطش ماهوب مسقيك القـراح

والعالم اللي عايشه في ظـل عصـر التفرقـه
تسعى الى التشتت المغلق قبـل كبـح الجمـاح


الشيخة "المبدعة"


ذائقة مميزة جدا تملكينها
نص جميل


سلمت يداك المبدعة وذوقك الراقي

اسعدني تواجدكك ، شكرآ :) '