( حنــــــــــــين الشـــــــــــــــــــوق) [الأرشيف] - السبلة العمانية

عز العرب

21-05-2024, 09:05 AM

تعال وشوف وش فيني
حنين الشوق كاويني

بدونك حالتي صعبه
وأشوف الهم طاويني !!

غيابك.. ليه ياقاسي
جرح قلبي وإحساسي
كتم بالحب أنفاسي
وأخذ مني عناويني!!

تعال وناظر أحوالي
بدونك مالنا غالي
ولاغيرك بيهنالي
عشانك ساكن ٍ فيني !!

أنا يافاتني مجنون
بحبك والصدر مطعون
عسى العذال ما يدرون
تعال أرجوك داويني !!

بدونك فاقد الراحه
وقلبي حاضن اجراحه
ولا الأرواح مرتاحه
مدام الشوق مكويني !!