الشيخه الفلانيه
24-11-2014, 08:44 AM
.
.
.
.
سوسنة جرح ..!!
ذب الملامة لطيش الريـح ي عنـادي
واقتل جفاف الحنايـا واهدنـي غيمـة
الليل دمعـة غريـب ولهفـة منـادي
والفجـر قدسيـة المنفـي وتعظيمـة
والحزن ذود بـدوي(ن) والتعـب وادي
والـروح سـدرة تخطفهـا مجاهيمـة
والقلب لا شرعوا باب السهـر غـادي
قنديل قرم(ن) معلق في نحـر خيمـة
يا حادي العيس صمت البارحة سـادي
وانا بصدري حكـي واحزانـي مقيمـة
لا أرض حست ولا حست بي أعيـادي
هو من متى السجن يدري عن مظاليمة
تعبـت والله ورب محـمـد الـهـادي
أنفض يدي من عبث وقتي ومن ضيمة
وان مل جفني وصار من التعب صادي
هزيت جـذع الكـلام وطـاح ترنيمـة
ترنيمة(ن) تستفـز السطـر لمـدادي
لين يتساقط على كف الـورق ديمـة
شرق وغرب ي حادي العيس يا حادي
أذن وكبـر وللمـحـراب تسليـمـة
أخوك لو عيفـوه الشـرب والـزادي
يموت مـا بـدل البسمـة بتجهيمـه
ماني مجرد خبـر مـن ذبذبـة رادي
ولاني بدمع(ن) تشرد من هدب ريمـة
من يوم وانا أحترك في لفـة مهـادي
والصدر بيت اجودي كثـروا معازيمـة
أكبر .. وتكبر معي نظـرات حسـادي
وان مت ماعد يصير لحاسـدي قيمـة
مثل السمك لو يجف محيطـه الهـادي
يذبل وتذبل علـى التربـة خياشيمـه
عامين والسوسنة من شرفة الكـادي
تقعد هجوس الكـلام البكـر وتقيمـة
لين استقل الرعـد واستسلـم الـوادي
والبرق شعشع وفض بكـارة الغيمـة
.
.
.
.
.
.
الطريق .. !!
بلادي .. يابلادي .. يابلادي والطريق منين
عجزت القى مكان يلم خطواتي ويقراني
لمين ابكي بعد رب البرية واشتكيك لمين ؟
بكيت وجيه ناس ولا بكى واحد على شاني
بلادي .. والطريق اللي حداني للسفر تنين
يبث النار من فم المسافة لين تصلاني
كذا ترضين اصير انسان يبكي ينكسر ويلين
ليا شفت السنين تمر واللحظة تعداني
منافي في منافي والفرج في صومعة بعدين
يفر المسبحة ويقبّل المحراب .. وحداني
بلادي ماعرفتيني ؟ وانا اللي جلت صدرك لين
مليت الخبت من دمع الرحيل وغيمة احزاني
هنا في ربعك الخالي مكبّل من ثلاث سنين
هنا .. والبرد يجلد عبرتي ويشل وجداني
من ايام " ايدمة لـ " الخن" لاول جرح في "يبرين"
وانا اهذي بالطروق المبكيات وسرب .. قيفاني
بلادي كيف اخاف من الدما واخشى من السكين ؟
مدام المشكلة بيني .. وبين تراب ... ودياني
ورب المصحف اني رحت اقسم خافقي نصفين
عشان احيا بنصف وللحبايب .. نصفه الثاني
عشان اخرج من افواه الضلال وكلمة " المسكين "
واطمن خاطر امي واستقيم بنظرة اخواني
بلادي .. يا بلادي .. يا بلادي .. والبقية وين ؟
عساي القى مكان .. يشتت احزاني ويقراني
.
.
.
.
.
أنا الليلة وحيد ..!!
وكنك .. ما انتبهت وصبني فوق اشتعالك .. يم
وطف ضلوع صدرك , لا اشتعل صدرك من السيرة
وعطني من قلق عمرك وزدني من همومك هم
وعطني كل ما اخطيت الخطا من دون تبريره
وهاك اليا ضميت حبال صدري والخفوق الجم
وخذ حتى الامان اللي تبيه وجب لي الحيرة
بس اتركني لوزري والمداد اكتب وانا المهتم
من اوزار المكان ومن غثاه ومن مشاويره
انا اللية وحيد الا من اسمي والسهر والدم
نشب وننطفي ونشب لا شبنا من الغيرة
أنا الليلة وحيد وكن حلمي والأماني صم
أصم .. ومن يدور للأصم الهرج , ويديره ؟
أنا الليلة وحيد ومن توحد ما بقى له فم
ولا صدر يتحمل ما انكتب له من مقاديره
أنا الليلة غريب وغربتي مثل الورم والسم
تقلب في حشاي وتلعن الواقع .. وتزويره
أمني والأماني مسألة كفة وكيف وكم
وبارقة الأمل في عرفنا تفاحة .. الخيرة
حبيبي لا تهمك حالتي حتى لو ابكي دم
وقصر في حقوقي والبنادم رهن .. تقصيره
ولا منك سمعت بضجة احزاني .. تغط ونم
عساني للفراغ وخلني للكبت .. والحيرة
:
لـ آلمختلف "عبدالله بن سعيد" :) ,
.
.
.
سوسنة جرح ..!!
ذب الملامة لطيش الريـح ي عنـادي
واقتل جفاف الحنايـا واهدنـي غيمـة
الليل دمعـة غريـب ولهفـة منـادي
والفجـر قدسيـة المنفـي وتعظيمـة
والحزن ذود بـدوي(ن) والتعـب وادي
والـروح سـدرة تخطفهـا مجاهيمـة
والقلب لا شرعوا باب السهـر غـادي
قنديل قرم(ن) معلق في نحـر خيمـة
يا حادي العيس صمت البارحة سـادي
وانا بصدري حكـي واحزانـي مقيمـة
لا أرض حست ولا حست بي أعيـادي
هو من متى السجن يدري عن مظاليمة
تعبـت والله ورب محـمـد الـهـادي
أنفض يدي من عبث وقتي ومن ضيمة
وان مل جفني وصار من التعب صادي
هزيت جـذع الكـلام وطـاح ترنيمـة
ترنيمة(ن) تستفـز السطـر لمـدادي
لين يتساقط على كف الـورق ديمـة
شرق وغرب ي حادي العيس يا حادي
أذن وكبـر وللمـحـراب تسليـمـة
أخوك لو عيفـوه الشـرب والـزادي
يموت مـا بـدل البسمـة بتجهيمـه
ماني مجرد خبـر مـن ذبذبـة رادي
ولاني بدمع(ن) تشرد من هدب ريمـة
من يوم وانا أحترك في لفـة مهـادي
والصدر بيت اجودي كثـروا معازيمـة
أكبر .. وتكبر معي نظـرات حسـادي
وان مت ماعد يصير لحاسـدي قيمـة
مثل السمك لو يجف محيطـه الهـادي
يذبل وتذبل علـى التربـة خياشيمـه
عامين والسوسنة من شرفة الكـادي
تقعد هجوس الكـلام البكـر وتقيمـة
لين استقل الرعـد واستسلـم الـوادي
والبرق شعشع وفض بكـارة الغيمـة
.
.
.
.
.
.
الطريق .. !!
بلادي .. يابلادي .. يابلادي والطريق منين
عجزت القى مكان يلم خطواتي ويقراني
لمين ابكي بعد رب البرية واشتكيك لمين ؟
بكيت وجيه ناس ولا بكى واحد على شاني
بلادي .. والطريق اللي حداني للسفر تنين
يبث النار من فم المسافة لين تصلاني
كذا ترضين اصير انسان يبكي ينكسر ويلين
ليا شفت السنين تمر واللحظة تعداني
منافي في منافي والفرج في صومعة بعدين
يفر المسبحة ويقبّل المحراب .. وحداني
بلادي ماعرفتيني ؟ وانا اللي جلت صدرك لين
مليت الخبت من دمع الرحيل وغيمة احزاني
هنا في ربعك الخالي مكبّل من ثلاث سنين
هنا .. والبرد يجلد عبرتي ويشل وجداني
من ايام " ايدمة لـ " الخن" لاول جرح في "يبرين"
وانا اهذي بالطروق المبكيات وسرب .. قيفاني
بلادي كيف اخاف من الدما واخشى من السكين ؟
مدام المشكلة بيني .. وبين تراب ... ودياني
ورب المصحف اني رحت اقسم خافقي نصفين
عشان احيا بنصف وللحبايب .. نصفه الثاني
عشان اخرج من افواه الضلال وكلمة " المسكين "
واطمن خاطر امي واستقيم بنظرة اخواني
بلادي .. يا بلادي .. يا بلادي .. والبقية وين ؟
عساي القى مكان .. يشتت احزاني ويقراني
.
.
.
.
.
أنا الليلة وحيد ..!!
وكنك .. ما انتبهت وصبني فوق اشتعالك .. يم
وطف ضلوع صدرك , لا اشتعل صدرك من السيرة
وعطني من قلق عمرك وزدني من همومك هم
وعطني كل ما اخطيت الخطا من دون تبريره
وهاك اليا ضميت حبال صدري والخفوق الجم
وخذ حتى الامان اللي تبيه وجب لي الحيرة
بس اتركني لوزري والمداد اكتب وانا المهتم
من اوزار المكان ومن غثاه ومن مشاويره
انا اللية وحيد الا من اسمي والسهر والدم
نشب وننطفي ونشب لا شبنا من الغيرة
أنا الليلة وحيد وكن حلمي والأماني صم
أصم .. ومن يدور للأصم الهرج , ويديره ؟
أنا الليلة وحيد ومن توحد ما بقى له فم
ولا صدر يتحمل ما انكتب له من مقاديره
أنا الليلة غريب وغربتي مثل الورم والسم
تقلب في حشاي وتلعن الواقع .. وتزويره
أمني والأماني مسألة كفة وكيف وكم
وبارقة الأمل في عرفنا تفاحة .. الخيرة
حبيبي لا تهمك حالتي حتى لو ابكي دم
وقصر في حقوقي والبنادم رهن .. تقصيره
ولا منك سمعت بضجة احزاني .. تغط ونم
عساني للفراغ وخلني للكبت .. والحيرة
:
لـ آلمختلف "عبدالله بن سعيد" :) ,