الشيخه الفلانيه
02-12-2014, 10:07 PM
خطاوي اعمى
البـرد والخـوف والتشريـد والـسـاري
والعـزف عـالنـزف والآهـات والظلمـا
وأنفاس (سلمى) وانا .. لا .. صدري العاري
كلما تنفّست ضيـق .. تنفّسـت (سلمـى)
(خمّارة الحرف) ,ويني ..؟ وينها دياري.؟
تعبت ارتب وجيـه النـاس عـالاسمـا..!
الأرض .. كف التعيس ،، وخطوتي .(قاري)
مع كل خطوة ,أضيع وانجرح ..و ادما
خطاوي اعمى .. بـليل اظلم من اقـداري
جيتك ... وكوني إذا ..جيتك..(عصاة اعمى)
اشعلك ظلمـا ،، تكسّـر خاطـر انـواري
والقاك.... ظلما ..! توديني عيـون المـا
واشربك واضح ... وازيد اشربك متـواري
خلف الظما . بس . مهما أشربـك أظمـا
(مهما) تكونين , اكونك غربة افكاري
تعبت منْك , ومن افكاري ومن (مهما)
عبث أصابعـك بـشفاهـي وبـزراري
يا ضيقة الصدر لو ما فكّته ,لو....(مـا)
اتنفّسك ذنب .. واستغفر ..! وانـا داري
اذا تنفّستك أغرق ,, بس اكون (اسمـى)
عشان اعلّم ذنوبـي.. قيمـة اعـذاري
وآعلّم (الضي) وش هي قيمة (الظلما)..!
.
.
.
العيون افوآهـ
عيون الناس و ( الما ) في عيون الناس من يظماه ؟!
على حد الهلاك تغنّي ازهاري .. ( ظمـاه أعـذب ) !
يـعين امّي نسيت اذكر وصـاة (أن العيـون افـواه)
مثل ما ناكل ونشـرب تعبنـا تاكـل .. وتشـرب ..!
أنا أذكر كل ما قلتي ( عشان أرضى عليـك أنسـاه )
أكيد أنساه ؟! وآغمّض عشـان رضـاك لا يغضـب
إلى يومك وأنا هـادي مغمّـض مـا فتحـت شفـاه
على نفسي ومن نفسـي عليهـا أنطفـي وأشتـب !
أنـا لله أحـب الـنـاس و ..أكرهـهـم كــذا لله
حسافـة ليتنـي لله منهـم أنـكـره و أنـحـب ..!
كسوني ثوب جردنـي مـن أحـلام الطفولـة : يـآه
كبرت..وذاك في صدري إلـى البـارح وهـو يلعـب
خذوني طفل مـا كـدّت " امانـي " شعرهـا لـولاه
رموني صبّ متهالـك مشـرّد شاعـر و أعـزب !
يـيمّـه قولـي ان قالـوا نبـي قربـه عشـان الله
عشـان الله خلونـي ترانـي مـن بعيـد أقـرب ..!
أنا بي جرح مدري مين ابوه ؟ و ليـه مـا سمّـاه ؟
أنا لي وجه خـلاّه الجفـاف السرمـديّ أشهـب ..!
عليه اعتب إذا شفت الوجيـه مـن الوجيـه اشبـاه
أعرفه يستحي مثلي ومن ( مثله) عليـه أعتـب ؟!
عشان أرتاح قلت أشطب فـصدري بالكتابـة..آهـ!!
كأني ما شطبت و ما كتبـت إلاّ عشـان ... أتعـب !
.
الحلم اليتيم
غَافَل النسناس , شعلـة فـي بدايـات النهايـة
توّها تنعس واخذها من فـم الجمـر وعطانـي:
الظلام , وهمهـة جـرح يتوقّـد فـي حشايـه
لاخطفني من يديـن الليـل فـي فمّـه رمانـي
ان سكت تاهت بي الخطوة عـن دروب الهدايـة
وان حكى من خاطره . أيوووه للظلما حكانـي,,!
عسعس الليل وتنفّـس حِلـم مجهـول الحكايـة
مو عشاني كل ما عسعس عليه اللليـل جانـي,!
له وطن ما يحرمه فـي داخـل المحـروم رايـه
له من احساسي بساتين ومـن افكـاري مبانـي
الوحيد اللي يقـف ضـدّي واحـس انّـه معايـه
فيه اماني واكثر ايمانـي يخـاف, افقـد امانـي
له من الليل الهدوء وصـوت (متعبّـد) بـآيـة
ولي من الحلم اليتيم , الحلـم و اليتـم وزمانـي
بـابتسامة يخنق انفاسي على صـدر الوصايـة
(للمرايا حـق واحـلام ومشاريـه ... وأمانـي)
قلت والناس.. ورضاهم! عن سخطهم فيه غايـة
قال من فيهم ,, يوقفّني ,, ولا يجلـس مكانـي؟!
يكفي انّك شفت منهم ما عمـى عيـن المرايـة
كان ودّك تبقـى (الاول) لا تكـون (الاولانـي),!
ما على بالك يموت بـصمت في نصف الروايـة
زلة لسان و تكون انسان ,, بس انسان ثانـي, !
لا تقول الناس.. لو (فيهم),! خطاك انت وخطايـه
عشتهم عمرك و ابيك تعيش لو (ليلـة) عشانـي
ودي انزع من جناحي (ريش ليل آآآخِر غوايـة)
وآخذ من الصبح,, (ريش آخَر ) بدال اللي كساني
وآتنهّد من حطـام اسلافـي الرحّـل .. حدايـة
تقطف احساس الثريّـا ورد لـسهيـل اليمانـي
وآتهيّا للبحـر مقهـور واضربـه ... بعصايـه
(ضربة الخايف) ولو قلبي من القسـوة يعانـي,!
ينفلق (قافين) بـاذن اللي جبر خاطـر ,رضايـة
وآتشظى في (شفاه) اطفـال خلـق الله آغانـي
وان تعبت وشفت في وجهي من الغيمة , ضمايه
بـاجمع احساسي واغنّي لك "سقا الله من سقاني"
لانّك اطهر وجه اشوفه (غاااب) في وجه المراية
واعظم اعظم من يوقفني,,, ولا يجلس مكاني , ,
.
البـرد والخـوف والتشريـد والـسـاري
والعـزف عـالنـزف والآهـات والظلمـا
وأنفاس (سلمى) وانا .. لا .. صدري العاري
كلما تنفّست ضيـق .. تنفّسـت (سلمـى)
(خمّارة الحرف) ,ويني ..؟ وينها دياري.؟
تعبت ارتب وجيـه النـاس عـالاسمـا..!
الأرض .. كف التعيس ،، وخطوتي .(قاري)
مع كل خطوة ,أضيع وانجرح ..و ادما
خطاوي اعمى .. بـليل اظلم من اقـداري
جيتك ... وكوني إذا ..جيتك..(عصاة اعمى)
اشعلك ظلمـا ،، تكسّـر خاطـر انـواري
والقاك.... ظلما ..! توديني عيـون المـا
واشربك واضح ... وازيد اشربك متـواري
خلف الظما . بس . مهما أشربـك أظمـا
(مهما) تكونين , اكونك غربة افكاري
تعبت منْك , ومن افكاري ومن (مهما)
عبث أصابعـك بـشفاهـي وبـزراري
يا ضيقة الصدر لو ما فكّته ,لو....(مـا)
اتنفّسك ذنب .. واستغفر ..! وانـا داري
اذا تنفّستك أغرق ,, بس اكون (اسمـى)
عشان اعلّم ذنوبـي.. قيمـة اعـذاري
وآعلّم (الضي) وش هي قيمة (الظلما)..!
.
.
.
العيون افوآهـ
عيون الناس و ( الما ) في عيون الناس من يظماه ؟!
على حد الهلاك تغنّي ازهاري .. ( ظمـاه أعـذب ) !
يـعين امّي نسيت اذكر وصـاة (أن العيـون افـواه)
مثل ما ناكل ونشـرب تعبنـا تاكـل .. وتشـرب ..!
أنا أذكر كل ما قلتي ( عشان أرضى عليـك أنسـاه )
أكيد أنساه ؟! وآغمّض عشـان رضـاك لا يغضـب
إلى يومك وأنا هـادي مغمّـض مـا فتحـت شفـاه
على نفسي ومن نفسـي عليهـا أنطفـي وأشتـب !
أنـا لله أحـب الـنـاس و ..أكرهـهـم كــذا لله
حسافـة ليتنـي لله منهـم أنـكـره و أنـحـب ..!
كسوني ثوب جردنـي مـن أحـلام الطفولـة : يـآه
كبرت..وذاك في صدري إلـى البـارح وهـو يلعـب
خذوني طفل مـا كـدّت " امانـي " شعرهـا لـولاه
رموني صبّ متهالـك مشـرّد شاعـر و أعـزب !
يـيمّـه قولـي ان قالـوا نبـي قربـه عشـان الله
عشـان الله خلونـي ترانـي مـن بعيـد أقـرب ..!
أنا بي جرح مدري مين ابوه ؟ و ليـه مـا سمّـاه ؟
أنا لي وجه خـلاّه الجفـاف السرمـديّ أشهـب ..!
عليه اعتب إذا شفت الوجيـه مـن الوجيـه اشبـاه
أعرفه يستحي مثلي ومن ( مثله) عليـه أعتـب ؟!
عشان أرتاح قلت أشطب فـصدري بالكتابـة..آهـ!!
كأني ما شطبت و ما كتبـت إلاّ عشـان ... أتعـب !
.
الحلم اليتيم
غَافَل النسناس , شعلـة فـي بدايـات النهايـة
توّها تنعس واخذها من فـم الجمـر وعطانـي:
الظلام , وهمهـة جـرح يتوقّـد فـي حشايـه
لاخطفني من يديـن الليـل فـي فمّـه رمانـي
ان سكت تاهت بي الخطوة عـن دروب الهدايـة
وان حكى من خاطره . أيوووه للظلما حكانـي,,!
عسعس الليل وتنفّـس حِلـم مجهـول الحكايـة
مو عشاني كل ما عسعس عليه اللليـل جانـي,!
له وطن ما يحرمه فـي داخـل المحـروم رايـه
له من احساسي بساتين ومـن افكـاري مبانـي
الوحيد اللي يقـف ضـدّي واحـس انّـه معايـه
فيه اماني واكثر ايمانـي يخـاف, افقـد امانـي
له من الليل الهدوء وصـوت (متعبّـد) بـآيـة
ولي من الحلم اليتيم , الحلـم و اليتـم وزمانـي
بـابتسامة يخنق انفاسي على صـدر الوصايـة
(للمرايا حـق واحـلام ومشاريـه ... وأمانـي)
قلت والناس.. ورضاهم! عن سخطهم فيه غايـة
قال من فيهم ,, يوقفّني ,, ولا يجلـس مكانـي؟!
يكفي انّك شفت منهم ما عمـى عيـن المرايـة
كان ودّك تبقـى (الاول) لا تكـون (الاولانـي),!
ما على بالك يموت بـصمت في نصف الروايـة
زلة لسان و تكون انسان ,, بس انسان ثانـي, !
لا تقول الناس.. لو (فيهم),! خطاك انت وخطايـه
عشتهم عمرك و ابيك تعيش لو (ليلـة) عشانـي
ودي انزع من جناحي (ريش ليل آآآخِر غوايـة)
وآخذ من الصبح,, (ريش آخَر ) بدال اللي كساني
وآتنهّد من حطـام اسلافـي الرحّـل .. حدايـة
تقطف احساس الثريّـا ورد لـسهيـل اليمانـي
وآتهيّا للبحـر مقهـور واضربـه ... بعصايـه
(ضربة الخايف) ولو قلبي من القسـوة يعانـي,!
ينفلق (قافين) بـاذن اللي جبر خاطـر ,رضايـة
وآتشظى في (شفاه) اطفـال خلـق الله آغانـي
وان تعبت وشفت في وجهي من الغيمة , ضمايه
بـاجمع احساسي واغنّي لك "سقا الله من سقاني"
لانّك اطهر وجه اشوفه (غاااب) في وجه المراية
واعظم اعظم من يوقفني,,, ولا يجلس مكاني , ,
.