كل ماهز الجفا طيفك ذكرت

[ثابت الخطى]

كل ماهز الجفا طيفك ذكرت
الأماكن والعيون الساهره

ودي احلم كيف ابحلم لاسهرت
دايم الفرحه تجيني عابره

طاح دمع الشوق لكني ذخرت
للقا دمعات فيني حاضره

العمر خطوة امام ولاعبرت
دايم ارجع لليالي الطاهره

ودي اكتب لك حنيني لاشعرت
حتى عيني تنسكبلك شاعره

الشعر يجبر خواطر ماكسرت
من صور ذكرى تجي متناثره

عفواً انتي فاهمه معنى نطرت
يعني عمري لك (محطه) ناطره

لو ابتعلق على (يمكن) صبرت
بس (يمكن) في غيابك كافره

كنت ابحكيلك ولكن ماقدرت
الكلام احيان يجرح خابره

كل مايكبر غيابك انشهرت
بين غيّاب المحبه الساهره

للغدر شكراً ومن طيبي شكرت
كل مواعيد الغرام الغادره

ياصغيره هذا انا بجرحي كبرت
حتى حزني يكتبك من خاطره

ماخسرتك بس انا ادري بك خسرت
ودي اسأل حلمنا من كاسره؟؟؟؟

من ما راق لى

[الشيخه الفلانيه]

طرح جميل أخي ،
يعطيك العآفيه :) '

[داناااا]

الشعر يجبر خواطر ماكسرت
من صور ذكرى تجي متناثره

عفواً انتي فاهمه معنى نطرت
يعني عمري لك (محطه) ناطره

صح لساانك

ابيات جمييلة

[عملاق الشعر]

ثابت الخطى


نص في قمة الجمال


سلمت يداك المبدعة وذوقك الراقي

[ثابت الخطى]

طرح جميل أخي ،
يعطيك العآفيه :) '

حياك الله اختى الفاضله
لك منى كل الأحترام والتقدير

[ثابت الخطى]

ثابت الخطى


نص في قمة الجمال


سلمت يداك المبدعة وذوقك الراقي
حياك الله استاذى الكريم
ولك منى كل الود والتقدير والأحترام

[ثابت الخطى]

الشعر يجبر خواطر ماكسرت
من صور ذكرى تجي متناثره

عفواً انتي فاهمه معنى نطرت
يعني عمري لك (محطه) ناطره

صح لساانك

ابيات جمييلة
مرورك الأجمل
ربى يكرمك